[hehe]《知音人》4

第六十六章：出現

不知不覺來到農曆新年假前的最後一個上課周，工程系大三下學期的課程也開始變得艱深，Horace和Edmund上課也花足百二分精神。這天接連上了五小時課後，兩人的精力也消耗得七七八八。

Edmund：「將軍，今日使唔使返唱片公司呀？」
Horace：「要呀，四至六半，然後今晚我地練歌嘛。」
Edmund：「係呀，Roy都上到六半先落堂，你會唔會太趕？」
Horace：「OK呀，而家呢餐食飽D囉。」
Edmund：「Steven約左人食，我地兩個食啦，你無約人嗎？」
Horace：「無呀，高佬竟然無私有化左你個lunch time，少見喎。」
Edmund：「佢都有Friend既，唔通霸住佢成個人咩。」

兩人由課室走到飯堂，一進門，肚餓的Horace就直接走到餐牌看吃什麼，沒有理會身旁的朋友被叫住了。當他轉過身發現不見了Edmund，掃視了飯堂一會後就發現了正在用餐的Roy和Oscar把Edmund叫住，三人正坐在近門口的飯桌。

Horace走到他們那兒：「哇，咁岩既？」
Edmund：「係呀，我都見唔到，係Roy叫我先發現。」
Roy：「你地快D買野食先啦，將軍餓到咩都聽唔到架啦。」

當兩人買飯時，Horace看到一個熟悉的身軀在附近等候取餐，畢竟他的身高太過搶眼。

Horace：「喂，你條仔係度喎。」
Edmund：「咦，係喎，佢約左邊個呢？」
Horace：「你唔知咩？睇下佢拎去邊囉。」
Edmund：「到你啦，叫野食先啦。」

坐在另一角落的Roy也發現了Steven的蹤影，而且發現了和他一起進餐的是Wilson。

Roy：「喂，高佬同你仔仔兩個食飯喎。」
Oscar：「你咪亂講啦，人地有女架啦。邊度呀？」
Roy：「你八點鐘方向，有個好高既人背住我地，坐佢對面係Wilson囉。」
Oscar：「係喎。」看到後就說了這兩個字，然後就不理，繼續吃著。

Horace和Edmund這時也取了餐，走回Roy和Oscar的餐桌時，也發現原來Steven約了Wilson午餐。

Roy：「Edmund，你睇下…」
Edmund：「睇到啦，原來佢約左Wilson。」
Horace：「個組合咁有趣既。」
Oscar：「有幾有趣啫，隊長同隊員食飯啫。」
Roy：「又唔見佢約你食？」
Edmund：「係幾特別既，平時呢日佢係同我食飯既。」
Roy：「即係為左同Wilson食飯而推左你？」
Horace：「應該係有特別野傾，你陣間審問下佢啦。」
Oscar：「你地咪咁無聊啦，食個飯啫。」語氣持續平淡和冷漠。
Edmund：「唔會問啦。咦，原來Darren都係度喎。」

Oscar聽到這句就馬上轉身望望，就看到Darren取完餐加入了兩人，並在Steven耳邊說了兩句。

Steven聽完Darren的話後就轉個身望了望，應該沒有發現四人在談論他，但似是發現了另一個人。

Oscar從他望的角度看過去，發現有一個隊員獨自在距離Steven不遠的一張長桌吃著飯，並一直滑著手機。

Oscar說了一聲：「Gary？」
Edmund：「邊度呀？」

Oscar指了一指，Edmund就望到了。

Oscar：「有無咁岩呀，成日係佢附近出現。」
Horace：「你地講緊咩呀？邊個Gary呀？」
Edmund：「籃球隊員。但佢又無咩呀，自己一個打住機食飯。」
Oscar：「睇黎係Darren發現左之後專登同Steven講，哈哈。」
Edmund：「算啦，佢都係食飯啫。」

Horace不知兩人在說什麼，腦袋同時思考著很多事情。

七二一的更新，大家要平安

新一章咁多人 少亂

都係HERO係Canteen合返體，咁岩見到Wilson約左正副隊長食飯，仲有一個小角色係遠處毒獨自一個食緊。
（三句搞掂全章內容。）

谷阿莫

Roy：「喂，高佬同你仔仔兩個食飯喎。」
Oscar：「你咪亂講啦，人地有女架啦。邊度呀？」
幻想d幕超搞笑

又識講人地有女架啦
又要問邊度呀？

其實係將同一間學校既主要角色放係同一場合既畫面

「人地有女架啦。」 << 澄清佢唔係我仔仔（雖然我想佢係）。
「邊度呀？」<< 我都想望下佢係咪真係係度喎。

黃燈兄，今日好忙？