[hehe]《知音人》4

第六十七章：未知

Steven上午上完兩小時的課之後，起程前往圖書館找Edmund，當他離開體育大樓的課室時，見到一個他覺得不應在此出現的身影。

Gary：「隊長？」
Steven：「Gary？你點解係度既？Engine唔會係度上堂架喎。」
Gary：「我頭先係附近同同學傾野，黎借個廁所，一出黎就見到你。」
Steven：「哦。」

畢竟聽了Darren多次提及有關Gary對他的企圖，本能反應上他對Gary有點抗拒，特別是沒有其他隊友在場時。

Gary：「隊長你而家去邊呀？」
Steven：「約左人呀，你呢？」
Gary：「哦，仲諗住同你食lunch添。」
Steven：「十一點咋喎，咁早食？」
Gary：「我十二點有堂呀，直踩三個鐘，所以早D食。」
Steven：「哦，好啦，咁我行呢邊啦。」
Gary：「好啦，bye。」

還未到圖書館，Steven就收到Darren的訊息：「我無講錯啦，去到體育大樓接你放學啦。」

Steven馬上回覆：「你又知既？」
Darren：「我頭先都係體育大樓上堂嘛，睇到佢係廁所附近等左幾分鐘，見到你係課室出黎就扮同你撞到。」還加了幾個奸笑Emoji。
Steven：「唔係咁癲呀嘛？」配以驚訝Emoji回應。
Darren：「話左你聽好多次啦，係你唔信啫。」
Steven：「咁佢又無做D咩，係有問我一唔一齊食飯啫。」
Darren：「哇，佢想date你呀，你點答呀咁。」
Steven：「梗係無應承啦。」
Darren：「算你醒目。其實上次你同Wilson食飯，我臨走都見到Edmund仔同Oscar佢地幾個係附近。」
Steven：「哦，咁都係食飯啫。」
Darren：「係Wilson咪無野囉，如果同你食果個係Gary就好難講啦。」

Steven一邊走一邊回覆短訊，不知不覺也到了圖書館，然後一進門口就見到Edmund剛還完書走出來。

Edmund：「咁快既？」
Steven：「早左落堂嘛。」
Edmund：「哦，陪我去電腦室呀。」
Steven：「好呀，同你講樣野呀。」

Steven沿路上把他剛才遇到Gary的事及與Darren的對話告訴Edmund，起初Edmund也沒什麼反應（反正Oscar也不時說這些事情），直至聽到Darren說他在Steven的課室附近等了幾分鐘的時候，有點反應。

Edmund：「咁接放學法咁癲？」
Steven：「都唔知Darren係唔係講真，佢成日吹得好誇張。」
Edmund：「其實早幾日你同Wilson食飯我都見到Gary係你張檯附近。」
Steven：「果日Darren都有講呀，但佢其實無做過D咩。」
Edmund：「係喎，你地兩個果日同Wilson傾D咩呀？」
Steven：「幫Wilson解決下感情煩惱。」說這句話時笑得挺燦爛的。
Edmund：「佢唔係岩岩拍拖咋咩，咁快有煩惱？」
Steven：「我淨係同你講啦，唔好比Oscar知呀。」
Edmund：「關Oscar事？」
Steven：「如果唔係，佢都唔搵我傾啦。」
Edmund：「洗耳恭聽。」

Steven用了十多分鐘就說完他和Darren當日與Wilson之間的對話內容。

Edmund：「所以Wilson好煩惱Oscar點解呢排疏遠左佢咁多，估到Oscar中意左佢又唔肯定，所以就問你？」
Steven：「係啦，咁Oscar做得太明顯，練完波專登避開佢去另一個位換衫，食飯又特登坐第二張檯咁。」
Edmund：「咁你點答佢？」
Steven：「我只係話我都唔肯定，始終我都唔敢答佢咩，無理由幫Oscar講架嘛，咁Oscar特登避開佢我都幫唔到咩手。」
Edmund：「唉，Oscar呢排好似無咩野，有講有笑，但原來佢用呢個方法逃避緊。」
Steven：「都無辦法既，或者咁對佢係好事，不過辛苦Wilson啦，一直當佢好兄弟，突然好似反左面咁。」
Edmund：「不過都確認左Wilson都重視Oscar點諗既，之後點就靠佢地自己拆掂啦。」

岩岩更左啦，今朝多野做呀

驚你有咩事呀

第六十八章：碰見

農曆新年假期到來，Horace終於可以放下日漸困難的功課，初一至初五也無需回唱片公司練習，HERO就歌唱比賽的準備功夫也合乎進度，他總算可以和家人及朋友過輕鬆的日子。

經過初一初二密集式的拜年和暴食年糕及蘿蔔糕的兩天後，Horace約了Jordan在初三跑步，消脂之餘也練氣。

Jordan：「你D體能真係好左好多咁喎。」
Horace：「公司個個星期都要我地跑架，練氣喎。」
Jordan：「唔怪得啦，以前跑幾個運動場圈都拉哂車，而家跑完幾公里都無咩點喘氣。」
Horace：「哈哈，唔好睇小我喎。」
Jordan：「係喎，Steven約左我後日打波，你黎唔黎呀？」
Horace：「咦，你地終於約得成啦？」
Jordan：「係呀，佢早幾日叫我打既，話book左場，你有興趣黎打囉。」
Horace：「哦，睇下點，我問下Edmund先。」

兩人在體育館完成洗澡更衣後，前往附近商場進餐。當Horace仍在猶豫吃什麼餐廳的時候，他聽到有人從附近叫喊了兩人的名字：「將軍！佐敦！」

兩人馬上轉過身，找尋聲音來源，就看到Edmund和Steven正從遠處走來。

Jordan：「Wow，咁岩既？」
Steven：「係囉。」
Horace：「岩岩先講起你地。」
Edmund：「哈哈，我地都係喎。」
Jordan：「我地岩岩跑完步，而家去食飯呀，你地一唔一齊呀？」
Steven：「好喎，我地都搵緊野食。」

四人很快就在附近一間餐廳坐下，點了餐。

Edmund：「你地咁健康既，走去跑步？」
Jordan：「佢話呢兩日食得太多，要消耗返。」
Steven：「係喎，Horace，後日打波你一唔一齊呀？」
Horace：「你地唔介意我打得差就得，你地book場打會唔會全部都好勁架？」
Steven：「唔會啦，玩下啫，Oscar都黎呀。」
Horace：「好啦，橫掂我初六先要練野。」
Jordan：「哈哈，到時睇我地展身手啦。」
Edmund：「Jordan你有無打開架？」
Jordan：「玩下咁啦，始終讀體康，班同學都成日打。」
Steven：「係喎，Jordan你如果有朋友想打都可以叫埋佢地黎喎。」
Jordan：「好呀，我問下。」

當他們吃到一半的時候，Steven看一看電話彈出來的訊息，然後說：「Wilson後日都黎喎。」
Edmund：「哇，怕唔怕尷尬呀。」
Steven：「無野既，平時練波都係咁啦。」
Horace：「佢地兩個點呀而家？」

Steven將兩人在近來練習時及練習前後之間的「零交流」描述和Wilson那次和他吃飯談論的大約內容告訴Horace和Jordan。

Horace：「哦，原來係咁。」
Jordan：「咁應該無既野，最多咪繼續零交流。」
Edmund：「我係怕Oscar其實每次見到Wilson都好唔開心，但又要係大家面前扮哂無事咁。」
Steven：「我都有同呀Roy講，希望佢幫手開導下Oscar。」
Edmund：「講起呀Roy…」
Steven：「做咩呀？」
Edmund：「無呀，我覺得佢同Oscar成日有好多秘密，上次決賽果日佢地兩個又走去角落自私傾。」
Horace：「佢地係咁啦，好似我地兩個上堂落堂成日傾計咁，佢地兩個唔同系又唔係成日見，自然見面時就多D密計講。」
Edmund：「我係覺得佢地傾既野同Wilson有D關係。」
Jordan：「Roy做左Oscar既愛情顧問？」
Edmund：「我純粹估下啫。」

已更

一開始以為初三應該會有嗌交環節

初三赤口嗌交，太老土了

兩人在體育館完成洗澡更衣
自已用腦加甜

歡迎幻想

Double dating

爽YY

第六十九章：逃避

Horace到達體育館的那刻，心情也有點緊張，始終他知道即將要跟很多高手作戰。雖然Steven跟他說大家都是純粹玩樂性質，但見到不少校隊成員在場，他也難免有點緊張。

Oscar見到他來到時便說：「哇，將軍，上次同你打完真係唔敢睇小你喎。」
Horace：「咪玩啦，之後都無再打過，係Steven要我黎玩下咋嘛。」
Oscar：「哈哈，咦，佐敦都係度喎。」
Jordan：「Hello Oscar，第一次同你打波喎。」
Oscar：「係呀，以前中學都無同你打過。」

Steven這時走過來說：「Hello Jordan，終於有得同你切磋下。」
Jordan：「係喎，我果兩個Friend黎到未呀？」
Steven指了指場館的一個角落說：「果邊呀。」

Horace望過去，見到Charlie和Nick在場館的另一個角落拉筋，便走過去打招呼。

Charlie：「喂，Horace，原來你都黎打波？」
Horace：「係呀，我以前中學都有打下波既，不過都係玩下咁，你地呢？」
Nick：「都係佐敦叫我地黎咋嘛，話大家都係玩下。」

此時，Oscar突然從遠處走到來三人的身邊。

Oscar：「將軍。」
Horace：「做咩呀？」
Oscar：「無呀，過黎同你朋友打下招呼啫。」
Horace：「哦，Charlie同Nick，Jordan既同學，呢個我好兄弟Oscar。」Horace簡單介紹數人。
Oscar：「你好，陣間多多指教。」
Horace：「佢校隊架，你地同佢學下野啦。」
Oscar：「唔好咁講，我都係邊緣人啫。」

此時Steven大喊一聲：「大家過黎先啦。」

四人就暫時完結對話，到Steven身旁集合。Horace此時也看到Wilson原來已經到達，相信Oscar是為了避開和Wilson的交流才走到他那邊。

參加今次活動的有約二十人，包括數名港島大籃球校隊的隊員，除了隊長Steven外還有副隊長Darren、Oscar、Wilson及三位隊友，另外也有不同隊員的朋友，部份也是其他大專院校的。

各人輪流猜包揼分組、輪流上場比賽，大家都是輕鬆玩樂的性質。Horace在他不用上場的時候會在場邊觀察，除了欣賞Jordan的球技和英姿外，也留意Oscar和Wilson之間的交流，不過由於兩人一直都沒被分到同隊（不知是巧合還是Oscar故意），能觀察到的不多。

在其中一次Horace的休息時間，一直坐在場邊的Edmund走到正在休息的Horace身邊。

Edmund：「將軍。」
Horace：「喂，做咩呀？」
Edmund：「你條仔打波幾勁喎。」
Horace：「係囉，之前我都無咩點見佢打過。」
Edmund：「唔怪得Steven同佢part笑得咁開心。」
Horace：「佢地兩個一早惺惺相惜啦。」
Edmund：「不過你睇下Wilson，射波好似無打大專賽果陣咁準。」

Edmund說這句時，Wilson一個中距離起手又未能命中，Darren搶了進攻籃板並補籃得分。

Horace聳聳膊，並望向坐在休息處另一邊的Oscar，他沒太理會場上發生什麼事，純粹在看手機。

此時Steven大喊：「夠鐘，換隊！」

Horace和Oscar重新進入場上，簡單分組兩人和Charlie及另外兩人一隊；Wilson則仍留在場上，與Jordan及另外三人組隊。

雖然整個場合氣氛輕鬆，但當Oscar持球進攻時，不知為何對方總會換防，更是要由Wilson單對單防他，但Oscar亦不硬碰，簡單運球後把球傳走再做擋拆換位。Horace留意到這個情況，便肯定Oscar是故意躲著Wilson，不願和他正面對抗，便唯有出手相助，盡量協助持球和增加換防，免得場面尷尬。

當Charlie的三分球命中一刻，場館的廣播響起，用場時間已過。

本周最後一更。
BTW 恭喜「赴湯杜火」

最中意見到唔同圈子的人相遇
睇下有無咩新火花

係現實中都係 雖然你講緊個故事
有時介紹兩個唔同圈子既人識
最後佢地自己熟過本身同我
覺得促成到呢啲關係好有趣