結咗婚十幾年，好似已經唔太愛。//《相愛十年》3

社工同clint真係唔應該會咁
希望唔係ntr

應該掂膊頭嗰下已經唔會發生然後劃番條界唔會同client咁交心

不過樓主寫思思嘅感情同糾結寫得好中加油呀

不過師生戀都係唔岩專業道德
咪又係大把case

Yes
當故睇吓，冇應唔應該，只有想唔想~

鍾意就俾個正皮我啦留吓言留吓名~~
你哋嘅支持係樓豬創作嘅動力！

正皮

點解成堆人係度駁故話社工唔會對client有感情乜乜乜
呢d準則嚟姐，人係有自由思想，雙方都願意咁樣交流自然就會咁樣交流
何況呢個只係一個故

講下都唔得 使唔使咁惡

同感 感覺個乘已經砌得好穩 係差條導火線
思思自己都有責任啦其實

冇唔俾講，只係唔明點解要咁認真apply d社工行為準則落個故度
下下話唔合理唔合理，我係個作者我都唔安樂啦

咁如果係寫實故 用返現實一般情況套落去有咩問題？
同埋都講左 只係打破左常規姐 無人話唔得
大把人溝同食老師 只係社工會少見啲 咪講下
使唔使講到唔安樂咁嚴重

Btw 支持樓主 睇下社工點樣精神出軌

都係個句啦，冇話唔俾講
你有你嘅意見，我自然都有我嘅意見
我只係表達如果我係作者我會唔安樂，事實上樓主安唔安樂我點知姐

思思去做家訪未

比人篤灰既話 board分分鐘牌都釘埋你

本來，係想將啲情感打碎嚟寫，
譬如沉悶、平淡、安穩，其實係三種好唔同嘅情感，
但囿於功力不足，所以可能寫得唔太顯。

但係，都如你哋所講，情節上冇咩實質推進，
（冇見到有其他相反意見嘅留言）
我諗的確唔太符合一個連載故事嘅節奏，
所以，我宜家刪刪減減咗，推番快少少情節吧。

另外，有關於社工守則，
巴絲都講得啱，可能有啲事係「唔應該」的，
但係師生戀？都唔係「應該」嘅，照樣大把呢啲事。

個人認為，人係多樣化的，唔否定呢一點，
所以，有專業嘅，就會有唔專業嘅；
有好嘅，就會有唔好嘅。
呢個故事嘅所有人物都係相對地多樣化嘅，
譬如男主聰明、勇敢，同時可以不安、自卑；
女主體貼、顧家，同時都有寂寞而不夠坦誠嘅一面。

你哋講得都有道理，
我都有認真咁睇有冇踩大界，盡量規避啲大問題。
而諗咗一晚之後，
都係決定多一啲「想唔想」，少一啲「應唔應該」～

希望大家鍾意呢個故事，唔鍾意都唔緊要的，
有咩覺得可以改善嘅就講俾我聽吧，
我唔係意見袋咗行動照舊嘅人嚟

亦都好感激你哋嘅包容，
第一次寫故，有啲生手，
都發現自己有好多不足，需要進步

多謝唔同嘅意見。有咩就講吧，
講出嚟好過留低一個負皮
而我都可以改善
互相成就。
最後，喜歡請正皮！！！點吓仲有幾多人睇緊

不似他們，在平凡的日子中，被安逸和泛濫的安全感殺死，可是，逃不出這樣一個富足的漩渦。

- - -

朝光和思思踏出校門。

一個濃妝的中年婦人向他們走去：「喂！」

她有一頭曲髮，面容姣好，眼梢上揚；面色卻隱隱發黃，十指塗上白色指甲油，高跟鞋隨腳步「咯、踏」的叫。

「你點解喺度？」朝光問，語帶不滿，卻無一點驚訝，似是早有預料一樣。

「你轉撚咗個鎖？我入唔到去。」

「又唔係你屋企。我轉就係因為唔想俾你番嚟，你宜家做咩？又想點？」

「我手頭緊呀，借少少錢俾我洗啦。」

思思聽罷，挑眉，這是怎樣的關係？

「屌，咪戇鳩啦。」

然後朝光捉住思思的手臂急步走去，那個女人則不斷尾隨。直到，行到沒什麼人的轉角處，看見兩名警察，女人向他們叫喚：

「阿sir，個𡃁仔搶我嘢啊！捉住佢啦。」

警察向前攔截朝光和思思，捉住他：

「舉手、拍埋牆，交番你搶嘅嘢出嚟。」

「咪癲啦，我冇搶嘢。」

「咁點解佢話你搶佢嘢？」

「佢都痴痴哋線，係我老母嚟，佢屈我囉。」

「無啦啦做乜要屈你？」

「你哋個腦裝屎？佢鍾意屈咪屈！個女人不嬲都係咁樣㗎啦。喂，你自己講，我搶咗你乜嘢？」朝光斜眼看那女人。

「對唔住啊阿sir……我記錯咗啫，sorry。」她悻悻然答。

「你哋幾個好可疑。全部拍埋牆，搜身。」警察看一眼思思：

「你都要。」

她拿出社工證，展示：「佢係我學生，啱啱係一場誤會，唔需要搜身。」

「唔洗你教喎。行過去啦。」

他們又真的搜，搜出什麼銀包、鎖匙、紙巾，又問：「咩嚟？」

「你睇唔見？」

「唔好咁寸，問你嘢你咪答，咁多嘢講。」

「屌。」

於是，他們又真的答了這些無聊的問題，最後又不了了之，只好放行。

「擺到明係捉完之後落唔到台所以先搜，搜乜撚，痴痴哋線。點解佢哋可以咁樣？」他問思思。

「唔知。」其實，也沒什麼原因。

朝光仍然很生氣。他清楚知道問題不在於他，而是在於母親的誣捏，警察又覺得尷尬，所以如此。他也不知道為什麼自己要生氣，但他覺得很委屈，他重複的問：

「點解會咁嘅？」

不等別人應他，他自答：

「我將來，一定唔會做呢啲人。而且，要改變呢個狀況。」

「思思，你番屋先，遲啲見。」他還有些話想說，但他的母親總在尾隨他。這種狀況，他並不想讓思思見到，甚至不想讓她知道。

「小心安全。」

朝光是她的學生，但不是她的client；她聽過他說了一些些家事，她想，遲點等他再說得完整一點吧。

她回家。

- - -

阿朗下班，經過有嗩吶聲的走廊。

有人叫住了他：「朗。」

他轉身：「你都收工啦？」和他說話的是同事Cherry，不過他們負責的範疇有點不同。

「係呀，最近調咗好多嘢，譬如翻工時間。一齊走？」

「好啊。」