【鬥智 X 喪屍】病情失控的疫區裡,他遇上死而復生的謎樣美女《屍語異色瞳》
橘子綠茶
584
回覆
73 Like
5 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
橘子綠茶
2020-05-26 12:10:48
歡迎新讀者
橘子綠茶
2020-05-26 12:11:51
hi 食G巴打
隻肥貓叫波波,哈哈
好人一生平安巴打
2020-05-26 14:26:13
新故lm
Symbiote
2020-05-26 15:03:27
樓豬咁勤力出文都好似咁少科勞
p牌正皮唔刀﹐加油
亞歷克斯
2020-05-26 15:04:17
新故!
橘子綠茶
2020-05-26 15:14:18
感謝攬炒絲嘅毛
橘子綠茶
2020-05-26 15:14:36
快啲丁晒佢
橘子綠茶
2020-05-26 15:15:54
正確態度
ig/fb久唔久有意想不到的東西
絕影
2020-05-26 15:29:04
仲有冇文
廿歲阿叔
2020-05-26 15:42:18
新毒者留名,不過希望樓主下次唔好公開鋪頭貓位置,因為香港真係太多痴線佬,早兩日先有一隻探開嘅貓俾人毒死咗
橘子綠茶
2020-05-26 16:31:48
要解決一隻喪屍不難(好似是),但要不動聲色、不吸引其他喪屍地解決就困難了。
事出突然,子濤還是舉起鐵枝,先殺死中年大漢再算。怎料中年大漢敏捷地蹲下身,衝進店裡!
「呀!!」「喪屍呀!」裡面不止老闆娘、Niko和Vincent,混雜了其他人的慘叫聲。
同時,先前走遠的病發者正跑過來!
子濤闖進店裡,來不及搞清楚狀況,立即大吼一聲:「落閘!出面有喪屍!」
一名外表清純可愛、穿校服的學生妹上前幫忙拉下鐵閘,外面卻有雙手伸進來,被鐵閘夾住。
情況極之混亂,子濤背向店裡,看不到實際情況,只聽見有不同人瘋狂大叫:「插佢呀!」、「唔好過嚟呀!」、「企我後面!」等等。
而鐵閘這邊,由於有病發者阻礙落閘,外面開始聚集愈來愈多病發者,有更多雙手伸進來,更有病發者嘗試把頭鑽進來!
學生妹踩上鐵閘底端的腳踏處,想借助自己的體重用閘門壓斷病發者的肢體。
子濤則用鐵枝又是捅又是推,成功把部份病發者推走。
一名戴眼鏡的男人加入戰團,用刀斬斷伸進來的手掌,總算清理好所有阻礙。
學生妹用力一跳,「啪」的一聲宣告鐵閘成功落地,眼鏡男馬上掏出鎖匙鎖閘。
病發者們在外面狂拍打鐵閘。
橘子綠茶
2020-05-26 16:33:23
子濤轉身想幫忙解決中年大漢,不過原來店裡的戰事也結束了。
總算安全,眾人輕嘆口氣,帶有怨恨的眼神瞪向子濤。
冷麵店由於跟旁邊的飲料店打通了,故此空間尚算不細。
冷麵店擺了一個大雪櫃和幾張放滿雜物的小摺枱,不見其他大型物件如冷麵展示櫃,可能是為了騰出更大空間,將它們推出店外。
飲料店的情況也差不多,設有洗手台、放原材料的多個大膠桶、製作飲料和包裝的機器,但沒有櫃台和收銀機。
這裡除了老闆娘、Niko、學生妹和眼鏡男(即是Vincent),還有個頭髮花白的老女人。
子濤首先打破沈默,「對唔住,入嚟之前我唔知佢係病發者。」他指指地上、被爆頭的中年大漢屍體。
然後快速說明目前香港狀態,包括剛才在網上讀到官方對「森士病」的描述。
「唔緊要啦,危機都解決咗喇,外面啲病發者等多陣就會散開,大家坐低再講啦。」Vincent微笑擺擺手,問子濤:「口唔口渴?」
「波波!」Niko忽然將胖貓波波抱起,用力地摟得緊緊,令牠幾乎喘不過氣,「波波呀,我哋好擔心你呀!」
波波掙扎大罵:「一個大男人開口埋口就『波波、波波』,唔知醜嘅咩!」
Niko照例聽不懂,不過聽得出牠的語氣是抗拒抱抱。
學生妹湊過來,「佢叫波波呀?好得意呀,肥嘟嘟咁!」
「收嗲呀八婆!」波波怒氣沖沖地瞪向她,令她不敢踏前半步。
眼鏡男Vincent呵呵笑了,「叫得咁大聲呀。」
穿短袖的Niko根本就不是疼波波,而是藉機秀出他那強勁的臂彎,波波甚至感到他暗暗收緊肌肉了。
果然,波波被埋沒在他那又粗又黑的雙臂後,Niko便朝向老闆娘走去,「老闆娘你睇,波波返嚟喇。」
又再用力把自己「老鼠仔」擠得更結實。
老闆娘雙眼凝聚淚水,伸出手要接過波波,「你點呀,有無整親呀?」
眾人待外面的病發者走開後,悄悄將中年大漢和鐵閘處的病發者碎件丟出去,清理一下店內,才四散地坐在店裡不同角落。
Vincent指指子濤手臂的包紮,「你係咪受咗傷呀,無事嘛?」
子濤靜靜看了看Vincent,明白他的意思,解釋道:「頭先俾人斬咗一刀,輕傷。」
「我呢度有急救箱,不如你除低佢,消下毒先啦。」Vincent微笑著站起身,隱隱散發一股不容拒絕的壓力。
「唔係喪屍咬,你可以放心。」子濤瞥他一眼,冷冷地解開黑布,露出刀傷。
Vincent尷尬一笑,老闆娘識相地轉移話題,向子濤致謝:「頭先係你抱波波入嚟?好多謝你照顧佢呀。」
子濤沒說甚麼,朝她點點頭,老闆娘欣慰地回了個微笑。
要不是看在子濤年輕俊俏,老闆娘早就嫌他不禮貌了。
「你喺邊度過嚟㗎?外面依家點?」學生妹看了子濤一眼,心裡暗喜,害羞地問道。
橘子綠茶
2020-05-26 16:34:27
「我叫子濤,」子濤環視眾人,「我本身想落樓下搵人,但二樓俾一班人守住咗,只好上返嚟避一避先。你哋呢?」
「俾人守住⋯⋯」Vincent喃喃道。
Niko呆笑著介紹老闆娘是附近的飲料店老闆,跟大家剛巧躲到店裡。
眾人各自介紹自己的名字,學生妹不時不經意地看子濤,而子濤則警戒地打量Vincent。
見話題告一段落,Vincent抬起胸膛說:「我係呢間冷麵店嘅老細,頭先多得Niko我先有命匿入嚟。」
他向Niko點點頭,「大家唔使擔心,呢個係神嘅考驗,我哋一定可以平安渡過㗎。」
原來是耶撚一名,他沒由來地鼓勵大家,看樣子差點想牽大家的手唱聖詩呢——胖貓波波冷冷地伏在老闆娘的大腿上思索。
「多謝你畀我入嚟就真。」老女人對Vincent說:「如果仲喺外面,我諗我已經⋯⋯」
聽起來剛才情況有點混亂,總之就是Niko救了Vincent,而Vincent則收留大家入店裡。
Vincent是冷麵店老闆?
老闆娘抬起雙眼,詫異地問:「呢間店係霞姐睇㗎喎,幾時轉咗老細㗎?」
Vincent苦笑,「我都係呢一、兩日啱啱頂咗間舖,未同周圍打聲招呼,就發生呢啲事,唉⋯⋯」
他戴黑色粗框眼鏡,T恤牛仔褲,一副路人甲外表,即使他有來打招呼,說實在,外貌協會主席老闆娘轉眼忘了他的存在也不出奇。
老闆娘對Vincent打趣道:「希望業主免咗呢幾日租金啦。」
此時眾人輕視了這場災難的嚴重性,以為幾日就能擺平、回復正常生活。
而子濤,首要任務是下去二樓救人;而要救人,先要壯大自己力量去對抗二樓的勢力,他決定暫時留在三樓這裡。
他先提議說:「暫時唔知會困喺度幾耐,不如大家清點一下物資同食物先,計一計每次分配數量?」
他挑這店的原因,是看中麵食充滿澱粉質,而且鄰近飲料店(先前不知道兩店打通),位置也不算特別顯眼,確實是個作為穩守的好地方。
學生妹難以置信地站起身,「警察唔係嚟咗咩?又話今晚返得屋企嘅?!」
「咁快搞掂嗱?」Niko面露喜色,拍拍老闆娘肩膀,「都話唔使擔心啦,誠仔無事㗎。」
誠仔是老闆娘的兒子,今年五歲。剛出生就經社工安排,被荷蘭一對夫婦收養,跟著他們移民了。
老闆娘一直撥打電話給他們,可惜現在沒線路、沒網絡,老闆娘只能一臉愁雲久不久試撥。
老女人聽見事件快要結束,也開心得拍拍手。
看來他們還未知道,二樓的防暴警員跟黑幫結盟的事,不過子濤想先搞清楚,關於學生妹第二句的消息。
他問學生妹:「你喺邊度聽到,話今晚可以返屋企?」
橘子綠茶
2020-05-26 16:36:26
被子濤一問,學生妹顯得不知所措,重新坐了下來,「就⋯⋯就係入嚟之前遇到個師奶講㗎⋯⋯佢仲話呢啲小事容乜易搞掂,以前打仗都見過唔少——」
子濤擺擺手打斷她,凝重地說:「呢個所謂嘅森士病唔係淨係喺呢度爆發,唔係單純嘅地區性疫症。
傳染速度咁快,香港人口密度咁高,我諗唔使幾耐,成個香港都會被列為疫區⋯⋯
先唔講商場入面嘅人,外面嘅警察一時三刻係嚟唔到,我覺得我哋做咗最壞打算,保護好自己先,唔好靠外力。」
學生妹和Niko顯然沒有想得這麼多,頓時啞口無言。
Vincent指指存放食物的櫃子,愕然問:「咁、咁啲嘢食都唔夠咁多個人分咁多日㗎喎,我唔係入咗咁多貨咋。」
子濤站起身,來回走動。
未幾他停步,平靜地宣告:「接落嚟應該會有一場惡鬥,唔止係同出面班喪屍,亦未必係呢一層嘅人。要保住條命,就要睇你哋有幾信我嘅決定。」
他的話讓眾人一頭霧水。
最主要是大家對目前處境過份樂觀,畢竟來商場,無非是逛逛街、吃吃小吃,喪屍的出現已經夠超現實,子濤的「預言」更偏向是危言聳聽。
Niko坦率地說:「咩呀,我哋入到舖頭已經執返條命,只要喺度匿埋,夠嘢食同水,應該就唔會有大問題啦?」
子濤認真的神色,讓Niko開始半信半疑。
溫水青蛙。
在安穩城市長大的大多數人,危機意識不足,往往跟不上事態發展的節奏。
到底是後知後覺,還是不願接受現實?或許兩者皆是。
屌爆芝麻人
2020-05-26 17:28:18
lm
羽清.
2020-05-26 17:34:40
留名
橘子綠茶
2020-05-26 18:44:57
yeah 新 post見到你
橘子綠茶
2020-05-26 18:45:36
哈囉拉斯巴打
橘子綠茶
2020-05-26 18:46:17
live未呀暮雪巴打?
橘子綠茶
2020-05-26 18:47:01
你係咪未睇莫斯科故?
百號風球
2020-05-26 18:50:27
新故時間線同鬼屋外傳有冇關係?
橘子綠茶
2020-05-26 19:02:57
子濤倚著牆壁坐在地上,「呢度無錯係好多食肆,但大部分都係小食類,食飽無幾耐又會想再食。
加上今日星期六,人流係最多,就算有一半人已經變成喪屍,呢度嘅食物都唔夠分幾日。
除非離開呢個商場,但我覺得大部份人會揀留喺室內。」
意思是食物和水根本不夠分。
老闆娘一臉黑人問號,將波波放回地上,「係呀,所以我哋咪話留喺店入面囉,每人食少啲,一定捱到等警察嚟救我哋掛?」
「前題係要其他人唔搞事,」子濤揚一揚手臂的傷,「二樓班人有陀地黑幫,亦有早前入嚟嘅防暴警,兩班人已經聯合一齊,人數幾多我唔清楚。」
「黑社會?」老闆娘插口問:「係咪二樓米線店班人?」
子濤點點頭,繼續說:「佢哋嘅存在可以話係掠奪派,為咗錢同嘢食,已經有組織性咁傷人。
試過Work嘅話,相信佢哋只會越嚟越過份,唔止人數會增加,佢哋霸佔嘅範圍仲會擴大。」
老女人提高聲線,「你意思係掠奪派會走埋上嚟?」
「都唔出奇,」老闆娘摸摸下巴,「信哥班人一直都蝦蝦霸霸,依家無人管,仲唔乘機趁亂搞事。」
Niko旋即支持老闆娘,「而且三樓呢度確係有好多食物,隨時會上嚟搶。」
子濤指指鐵閘,「發病者見開唔到閘,過一陣就會散開。但正常人類唔同,會諗好多方法逼我哋。」
學生妹的表情像極在聽鬼故事,臉色蒼白了許多,「我⋯⋯我想返屋企呀⋯⋯」
老闆娘忽然抬起頭,來回看著學生妹和老女人,「到時只怕佢哋唔止要錢同食物咁簡單。」
橘子綠茶
2020-05-26 19:03:47
老闆娘這番話惹Niko生氣得大力拍打桌子,見眾人愕一愕,知道自己失態。
他難為情地搔搔頭道歉:「唔好意思呀,我只係一諗到你哋可能會俾人⋯⋯我⋯⋯」
老女人質疑老闆娘,「你唔好跟住子濤一齊嚇我哋啦,呢度始終係香港,就算再亂,始終都有法律㗎。」更何況要搞,都不會搞老女人吧?
「咁又唔係呀,」Niko握緊拳頭,「呢度嘅人變喪屍嘅變喪屍、死嘅死,即使暴亂平息咗,曾經做過啲乜,要追究起嚟都唔易。」
「咦係喎,」Vincent突然想起似的,「講到底喪屍都係人,我頭先殺咗佢哋,事後會唔會俾人告㗎?!」
聽了Vincent的問題,老闆娘側側頭。他這個擔心聽起來怪怪的,一般人不應該先為殺人而內疚,之後才想法律問題嗎?
學生妹問道:「咁依家應該點做呀?」
子濤閉起雙眼思考,眾人之中較為有「聽書」的Niko提議:「不如我哋執執間舖先,將物資同食物分類擺好,再清點一下?」
眾人站起身,細心的老闆娘婉轉地問Vincent:「Vincent,你唔介意我哋整亂你間舖㗎可?」
「大家放心啦,」Vincent聽得出她話裡的意思,大方道:「你哋嚟到係神嘅旨意,我好樂意將食物平分畀大家,我相信我哋一定可以一齊渡過呢難關。」
胖貓波波聽見他如此說,感覺這下糟糕了,既然食物是他施捨出來,波波已經預想到之後每次用餐前一定有冗長的祈禱環節,而大家又不好意思省略。
Niko大力地拍一拍Vincent的後背,「Jackson哥有義氣!第日請你食飯補數!」
雖然Vincent是路人甲,連名字也很路人甲,可是把他叫錯是Jackson好像只有Niko一人。倒是Vincent隨和地笑了笑作罷。
「呢個商場嘅形勢會變得好快,」待眾人整理和計算好每餐份量,子濤請大家坐下來後,開始慢慢道出策略,「你哋最好人人都要參加接落嚟所講嘅事,唔好因為自己性別或者年紀就唔肯做,因為如果唔合力一齊做,未必成事。」這正是子濤不做獨行俠的原因。
氣氛一下子變得緊張起來,子濤這比真實年齡更老成持重的言行舉止,使大家不經不覺信賴他,耐心地等待他的指示。
他用堅定的口吻,巡視眾人說:「我哋要分成兩個為一組,離開呢間舖、出去外面。」
橘子綠茶
2020-05-26 19:05:54
好開心你咁問
一定係忠粉
呢個故同《鬼屋外傳》同《死也不要讓我成為他們》係同一個平行時空!
睇睇下會發現人物互相認識
謝拉美利拉斯
2020-05-26 19:06:50
陳仔信哥
E個好笑
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞