結咗婚十幾年，好似已經唔太愛。//《相愛十年》2

有時第三者介入，都會令自己記返對方嘅好

Push

推

Push

真心好睇 加油

加油

思思都係人 都會淡 佢愛年輕既阿朗多好多
如果棉花糖冇出世 呢對情侶會點

佢哋本身都一齊咗一段時間先因為有BB 而結婚，相信無綿花糖，佢哋應該反而會花更多時間為大家付出。因為本身佢哋係相愛。而而家就係因為佢哋太著重綿花糖而忽略咗對對方嘅感覺，先會發生阿朗覺得Fiona 明白佢多啲嘅事，斷而令到思思明白一個女人都係要返工先有競爭力

聽人講女人生左仔女，會將個重心放哂係仔女度會忽略老公
有d會當老公多餘添

追故

唔係聽講，一定係事實，我係過來人，頭幾年一定係小朋友為先，但大家一定一定要記得，唔好忽略自己老公/老婆，真係會出事嫁😣

Agree 100%

阿朗覺得思思較往日不同，但他不知道為什麼。

她有時會問他一些奇怪的問題：「如果你俾人屈，咁你會點會？」

「睇吓係邊個屈我先？」

「譬如，老闆？」

「同佢解釋，我係冤枉㗎囉。」他側頭。

「如果佢堅持，咁點？」她追問。

「咁都冇計啦……如果講極佢都唔信，咁咪唯有say sorry，如果唔係，繼續同佢拗，會冇咗份工添。」

「哦……」聲音越來越低、遠。

然後，她不再說話，睡覺。

是因為最近她太累？她不適應新環境？但又不見她和他說工作煩憂。隨即，他又想到，思思不喜主動透露情緒，那就由他給她一個閒適的星期五晚上吧，這樣，可能就能誘導她講出心事。

在思思工作的校門外，阿朗等着，眼睛一脫離手腕上的錶，就看見她和一個學生一起出來——有傾有講有笑。

思思看到阿朗，隨即向前大踏步，再牽上他的手，不自然地和朝光說再見，仿佛尷尬；而他一看到朝光，就知道這個學生對思思有意。

同性總能察覺同性的心思，尤其，朝光以鋒利目光打量阿朗，有些不忿，又有些無奈。朝光的五官，若然細看，還真的找得出阿朗的影子，喜歡同一個女子，恰若不是什麼新奇事。

不言而喻。思思知道嗎？那麼。

「佢邊個嚟㗎，同你一齊走嘅？」阿朗問。

「學生，中六㗎啦，考試壓力大。佢有時會嚟社工室，吹吓水咁。」思思嗅到他身上的消毒藥水氣味。

「壞學生？」他注意到朝光的打扮。

「唔係嘅，我起初都以為，但其實都係固執、堅持己見，同埋唔太守儀容規矩啫。」

「你哋成日見？」

「嗯……唔係嘅，有時啦。」她想，也不是常常吧，她又不是每天都留校。

「佢鍾意你？」

「痴線，點會。我大佢咁多。」

「我覺得係喎，佢啱啱咁樣望你——同埋，佢有啲嬲嬲哋咁望我。」

「你多心咋！佢係學生嚟咋喎。」

「佢成日嚟揾你？」

「都算係嘅，咁佢有嘢想講，但冇人聽佢講啫，所以咪揾駐校。」

「可能佢唔係有嘢講，只係想對住你。」

「點會。人哋學生嚟，邊有咁多呢啲心思？唔好屈人啦，冇人聽佢講嘢，已經好慘㗎啦……」

「我真係覺得係。」阿朗打斷思思，停下腳步。

「我覺得唔係。」她堅持。其實她也不知道朝光之意，但覺微愠。

二人不語，有些惱火。就快走到餐廳，思思問：

「係呢，點解今日收咁早？」

「接少咗兩單，想嚟接你吖嘛。」思思聽後，牽得他更緊了一些；阿朗見狀，又說：「點知見到你同其他人一齊。」

她敏感：「冇一齊呀，行出校門啫，唔好多心啦，好冇？」

「咪就係一齊出嚟，你咁心虛做咩？」

阿朗覺得，思思最近的轉變確實與那個學生有關，但她又應該不是喜歡朝光，但又好像喜歡，至少不可能抗拒與他相處，否則，出校門時，她看起來就不會是輕鬆自如了。

「都唔知你擔心啲咩。」她點菜，之後不再說話。

她承認，自己有變化，所以坦白講，她有些心虛。但並不是愛上了別人——但也許，比愛上別人更差麼。

好像，她對於「家」感到厭倦一樣。看到阿朗時，已無昔日欣喜，只如常地瞥一眼，再繼續手頭上的事，行雲流水。聽他說話時，也會不自覺地出神，不能聚焦於他的所思所想。大概，是因為日子不斷重複，但她又不想以此歸因——明明她捱得過平淡、苦難、寂寞，明明現在一切都很好。

明明，她已歷剖腹產子時的一次鬼門關險況、蠶食身心地自我慰寂寥、隱忍地原諒丈夫抵觸自己的異心；到如今一切都安穩時，她卻覺得不太對勁。

她倦怠。

她想念以前的阿朗，那個勇敢、坦率、直抒所想的他，那個會與她緊緊相擁的他，那個會直直盯着她的眼而從不迴避的他。她當然愛他，永永遠遠，可是，如果有得選擇的話，她還是希望回到十八歲的夏天。

「咁你同個學生熟唔熟？」阿朗吃着河粉，問，然後將一塊豬排夾給思思，他總覺得她吃不飽，不太長肉。

「唔太，佢講佢嘅，然後我聽再回應，咁囉。」她真誠的答。

可是，每次被丈夫關心，她又會覺得，其實如此也不錯。

阿朗不再說起朝光：「棉花糖呢排都要練舞，好似話三、四月比賽。」

「咁早就開始練？」

「係啩，團體舞又要排、又要練齊動作，驚太趕先開始會練唔切。」

「哦哦，係呢——你出門前有冇淋到水？」思思忽然想起。

「冇呀，諗住棉花糖會自己照顧番。」

那是學校的種花比賽，高年級學生負責養植一串紅，這是一場專門弄死植物的活動，好多人在捧着花苗回家的過程中，將泥土撒落一地。

「好似好多日冇淋啦喎，番去幫佢淋番先。」

「聽日話吓佢啦，自己嘢都睇唔實。」

「可能佢唔記得咗啫，而且，佢又咁夜先番。」

「慈母多敗兒。」阿朗察覺思思的目光，又補充：「咁係吖嘛，我哋全屋都唔熟呢啲嘢，咁宜家係佢做嘅，應該係佢自己handle番。」

「好啦，咁我提吓佢。」本身，思思想說自己非慈母、棉花糖非敗兒，可是，說來何用？何況，她們本來就不是。而且，其實也不重要，他說得對，其實他的言論毫無問題，有問題的是聽者的心。

她比極多人遲鈍，終於，失去了新鮮感。

她想起朝光，如果是他坐在對面，一定會說些爛gag逗她開心，話題不會圍繞家庭，而是未知的、模糊的、神秘的、穩密的、新奇的。

下一秒，阿朗又喚了喚她：「做咩𡁻咁耐都唔吞？咬唔開？」

她回過神來，看，眼前的是伴她十年的成熟男子，她不應在幻想中傷害老公的自尊。所以，她吃了下一口飯。

難以吞嚥。多喝一口水，舒服得多。

可惡！想出軌！

食撚廚有文睇

二人牽手回家，樓下保安問：「咁恩愛呀？拖手手拍拖拖。」阿朗看到淺笑的思思，同樣微笑，然後，在𨋢內不語。

思思打開雪櫃，找不到排骨，問：

「我今朝咪叫你落街市買排骨嘅，你擺咗喺邊？」

「噢，我唔記得咗。」

「唔緊要。不過，你買錯咗提子，最好買冇核嗰種。」

「下次你自己買啦，我冇你咁熟呢啲。」

「好啊，但今朝我要早出門吖嘛，先叫你買啫。」

可怕的各司其職，可怕的令每個人都覺得「我應該做呢件事」、「呢件事應該交俾你嚟搞」；習慣以後，多一分、少一分，都叫逾越，像地鐵車廂中的連接車卡，總是分享着一股不連貫的搖晃，不知這站不穩的緣由是前一卡的擠擁，還是下一卡的嘈雜。

「咁其實，你番嚟先買唔得㗎咩？」

「得。但係我番屋嘅時候，唔會經街市，冇咁順路吖嘛，收工又攰啲。」

「咁我朝頭早買，又唔攰嘅？」

「你做咩呀？」思思停止整理雪櫃，以橙色的燈光半掩面，抬頭問他。

我做咩？阿朗心想：你同我食飯，成個人心不在焉，難得咁耐都冇一次兩個人單獨食飯，但你又好似冇特別想咁。到底你諗緊咩？其他人？

但他沒有說出口，只道：「冇。只係想講，我哋都應該做番自己嘢。」

「咩意思？」

「你最近唔開心？」原本，阿朗想在夜晚二人共享被窩的温馨時，在問她這話。原本，此話的語氣應該是輕柔軟化的，但現在聽起來，竟像質問。

「冇喎。」她確實沒有不開心，她只是，沒有開心。

「仲話冇？咁你頭先又係咁發吽逗？好似唔想同我食飯咁。」

「唔係呀……咁我攰吖嘛。」她的聲音越來越小，見阿朗沒有回應，說：「我沖涼先。」

「喂。」

Btw，紙言：https://www.shikoto.com/i/1me
入嚟㩒番個追稿
呢個係樓主ig: chingceciii
https://instagram.com/chingceciii?r=nametag

陰陰濕濕咁出左篇文
好彩我有follow 樓主挨豬：chingcecii
先冇白白錯過篇文

我都係見到之後仆住入黎睇