結咗婚十幾年，好似已經唔太愛。//《相愛十年》2

偏偏喜歡你 2020-05-20 23:02:01

「收皮啦屌你個閪，傾生活傾到打哂茄輪？俾你傾得再deep啲咪仔都生埋？講啦，到底傾咩咁好傾？」

「真係生活，」阿朗續道：「就係好平凡嘅嘢，佢都會讚我，或者，佢又係講吓舊時咁樣。」

「明哂，所以你先鍾意同佢傾。大男人。」

阿朗被揭穿，忽然大聲：

「冇計，我宜家真係好大壓力……唔識解釋，我意思係要揾個人俾啲成就感我，但係老婆可能、可能因為結咗婚，我哋又要諗好多生活嘅嘢，慢慢重心擺喺屋企，而唔係『我』本身，你明唔明？佢係好好，二百分咁好，係我仆街，嫌呢樣嫌嗰樣，但係早排同Fiona傾偈嗰時，真係都幾開心……」

「我唔明。」

「你未結婚未成家，我好難解釋……唉屌，每日咁樣真係好攰。」

「咁你同阿嫂講清楚，唔得咩？佢會明嘅。」

「琴日講咗，我話我同Fiona有傾到。」

「佢咩反應？」

「佢問，佢有咩做得唔好……但係，其實又冇。」

「仆街啦你，最唔仆街嘅位，就係冇將責任推俾佢。嚟，我同你講Fiona嗰套，聽完，你就好好對阿嫂。我覺得阿嫂知道嘅話，唔會差得過Fiona啲嗲男人招囉。」

「咩？唔明你講咩。。」

「Fiona實有同你講，你好勁、好叻，然後好吸引佢。」

「吓，你又知？」

「因為，佢都係咁同我講㗎囉，屌。佢同個個都咁講㗎啦。」

「幾時？」

「……而且我都冇追第個！嗰時會考日日落自修室，係佢係咁揾我咋！我都冇理佢！你離遠見到嗰次，係佢話暈，我先冇掟佢走咋！」

「以前，我同阿May一齊嗰時。自修室條女咪就係Fiona囉，但阿May又睇唔到條女就係Fiona，以為我喺出面識咗新嘅。仆街，諗起就嬲，我屌佢老母。Fiona就係鍾意人哋啲嘢呀，佢本身就大把兵，根本唔洗自己出手，就好多人撲埋佢度囉。可能冇癮啦……搶人嘢好玩啲吖嘛。」

Fiona竟然誘惑過峰仔，只是因為他有伴侶？

「吓，你做咩唔同我講？兄弟呢！」

「廢撚事啦，都畢咗業，你哋又一齊過，又好似好鍾意佢咁，後尾你婚都結埋。唔通話你聽，你條舊菜連我都擒咩？總之，咪再諗佢講嗰啲嘢啦……佢都未必係真心，過咗去啦，好好過宜家仲好啦，你同阿嫂將來大把世界啦。」

那他，程日朗呢？

「啫係，係佢間接令你分手？定係你原本都心邪咋。」

「係呀，頂，我根本唔鍾意Fiona呢啲類型，咁野。嗰次之後，我一單身就單身到宜家，打咗好多年飛機啦仆街，你有老婆就好好珍惜啦，Fiona呢啲……唔好再聯絡啦，真心。」

「嗯，琴日已經講清楚，唔會再有聯絡。都應承咗老婆。」

「掂。咁你以後有咩咪同老婆講囉；或者，同我講都得㗎，C朗bb，肉償就ok。」

「死開啦，屌。」

阿朗的心情，很複雜。

一方面，他知道，或者再次記起，Fiona就是這樣的人，他應該慶幸沒有再和她糾纏下去，反正最後，只有他被損耗，而她永遠立在世界各方，開着、美麗着、要他人供着，總之與他無關。

但另一方面，他知道，原來那些給過他的慰藉，並不是專屬他一人的——

走在大街上，只要Fiona想，她就會前去，或濃重或輕薄地獻媚，對方的態度，決定了她的手段。

原來，他一點都不特別。

其實，一直以來，是否他太留戀過去？太喜歡那種無憂世界的閒適，所以，與舊時光相關的人物，他都覺得特別親切？那一聲聲的讚美原來不過是雨露均沾下的產物，物質、非遺產，廉價又通俗。

他受挫。

他所擁有的獨特感，原來，不過如此——

只是剛巧，他很早成家，剛巧是別人的男人，剛巧因為歷練而多了幾分成熟的剛陽，剛巧沒有表現出對她有興趣的模樣，所以，才令她願意花時間，抬高他的自尊，將其高高拋起，再等其狠狠落下來的粉身碎骨之態。

那一種對他的肯定，認為他是「好」的，只是她的一種行為藝術，而後將他展覽。

這一份成品，此刻，傷心至極，只得腐爛的美感。

和峰仔多聊一些近況，供阿朗遏制自身不快。幾許，又在無厘頭的話語中，變得輕鬆起來。

男人的友誼，就是有這麼一份魅力；和他相處，永遠輕鬆。

只是，送走峰仔後，大門鎖上的聲音令他悶悶不樂。剛才，他已經認清，思思才是那個會無條件待他好的人；可是，正因如此，他忽然覺得之前的自己很可笑。

偏偏喜歡你 2020-05-20 23:02:34

有