結咗婚十幾年，好似已經唔太愛。//《相愛十年》2

咁係咪雪地出街要著溜冰鞋？
利申：成世人只見過落雪2次

我個時想學打鼓
老豆一句話女仔學咩打鼓
變左學拉小提琴
之後咪又係半途而廢

唔識咪唔識囉高人一等喇你

究竟係點樣將我個留言理解成我覺得自己識游水高人一等
你係咪唔識游水先被我offend到
加油學 我唔會睇你唔起

點解可以咁串

p牌輕輕一推 等文等到頸都長埋

十九、驚否

就這樣，平靜，習慣總使人又愛又恨，雖然安穩，但是沉悶；而「雖然」、「但是」的次序絕對可以調轉，純粹看當天的心情，然後決定。

這種無風無浪的海面泛不起什麼漣漪，唯有，懂得欣賞如此一份靜謐，不然，大概會覺得空氣凝固，只是一個無趣的炎日催人流鹽焗的汗吧。

新學年，九月，夏天。

思思轉到另一間地區名校做駐校社工。

清場鐘在下午五點響起，思思有個學生與她在樓梯轉角位相撞，盯着地下方向，向她說：

「Sorry呀miss（搣時），不過，你行路都唔帶眼嘅。」

然後彎腰替她拾起不同的報告文件，抬頭，看看思思，他又呆一呆：

「哇，靚女miss，冇見過你嘅我，點稱呼呀？」

看來，並沒有人專心於開學禮時的介紹；也對吧，那些校長、副校長、學科和訓導主任總是一邊看着貓紙，一邊甩甩卡卡地讀出年年都差不多的演講辭，學生坐在禮堂，只在聊天中忽然跟着別人拍手掌，然後又繼續聊天。

「我係今年新嚟嘅駐校社工，叫我做程姑娘得啦。有咩都可以同我講喎。」

思思心想，他說話輕挑，不似同校別的乖巧學生——他沒有攝衫，頭髮差點過眉，皮鞋已被磨擦得表層變灰。

「你生得咁靚女，竟然做報警撚？仲以為你係新嚟啲TA添。咁如果同你傾偈，傾傾吓俾差佬拉咁點算？」

「同學，唔好講粗口。報唔報警呢啲，社工守則嚟㗎，如果你做咗啲無法預判後果嘅事，點樣保障自己同人哋嘅安全？不過，我都係講吓啫，我就冇試過報警嘅。」

這個學生，直接說駐校是「報警撚」，這是別人對於她的形象概括麼。她失笑，真直率，他大概不喜歡社工這個職業吧。

「你幾歲呀姑娘？大我幾年咋話？」

「就嚟三十啦。」

年齡不是思思的秘密，她無所謂。做這一行，年輕某程度上是一種劣勢；心境永遠年輕，永遠熱淚盈眶。

「真咩，以為你中學畢業冇耐咋喎，你咁細粒，似未發育多啲喎。」

身高178厘米的他，用手比了比思思和他的高度差距。

思思盯了盯他，完全不為他誇自己看起來像廿歲少女而高興，只覺得他有點不禮貌，非親非故又毫不認識，何以開這種玩笑；可是，無謂發惡：

「嗯，打咗清場鐘，快啲放學啦，遲啲再講。」

「拜拜，姑娘仔。」

思思在內心反了一個白眼，想不到成年以後還是要被笑似𡃁妹，但她分明已婚，而且連孩子都有了。

轉身，那個學生繼續往前梯課室走去，取回他遺留的書包；臨行前，勿勿回頭，看一眼下樓的思思——

她，很漂亮。

寫咗呢個故事一個月後，不斷有唔好嘅事發生
我冇事，只係需要多少少少少時間自我調整，
成日閃過瘋狂嘅念頭，好驚劇情大暴走
如果更新我會喺ig講的，唔好等得辛苦，
個post由佢沉都唔緊要，鍾意就俾個正皮吧。
多謝
都係嗰句，唔會爛尾
呢個係樓主ig: chingceciii
https://instagram.com/chingceciii?r=nametag

加油 寫得好好

師生戀？

轉身，那個學生繼續往前梯課室走去，取回他遺留的書包；臨行前，勿勿回頭，看一眼下樓的思思。

- - -

「媽咪，今日度咗身高體重，我係全班第七個高。」

新學年的第一節體育課，就是度高磅重，如此又一堂。

「咁好？好快高過媽咪啦喎。」

其實阿朗也不太清楚小學生身高排列的概念，但棉花糖說的是第幾高，而非第幾矮，應該還算長得比別人高。

「邊有咁快，我仲高棉豬好多嘅！」

如果平時，思思會說：「係呀，好快㗎啦，努力啲食飯飲奶啦！」但剛才在學校，被素未謀面的人調笑她矮，她有些介意，又問阿朗：

「今日有個學生話我矮，我有少少嬲，係咪我太小氣？」

「咁大膽，邊個咁樣話我老婆？你哋熟㗎咩？」

「唔係，第一次見……」她是學校的新丁。

「唔緊要啦，你喺呢間屋地位最高喎！」

阿朗擺出「敬禮」的姿勢，棉花糖跟住他，將手放在額上。

「得啦得啦，真係識講嘢。」思思笑。

「係囉，似足我。」

阿朗邀功，然後開枱、食飯。

席間，談論早前棉花糖報名參加的舞蹈校隊。棉花糖在父母二人的引導下，說出自己一直都想參加舞蹈組——她覺得跟着音樂擺動身姿，好有型有款；可惜，她覺得自己是個文靜的好學生，形象定格，自問不能融入主打現代爵士風的舞蹈室，所以才一直沒說，眼睛一直大大地眨着。

棉花糖已經是高年級學生，剛巧，學校招募高級舞蹈組成員，所以阿朗替其簽了報名通告。

只要棉花糖真心喜歡，他就放心，並不會阻撓她的發展。

「下個月就正式開始跳舞啦！」棉花糖心喜。

「係咪好期待？」思思問。

「係！好想試吓。」

「咁就好，好彩有報到啫！」

思思向阿朗得戚地挑了挑眉，示意他：幸好有讓女兒參加。

高級組的同學需要代表學校參加校際舞蹈節，團體舞蹈，逢報必收；只要一點勇氣就可以，但多少人就在掙扎和猶豫中錯失機會，父母的鼓勵，有時尤關緊要。

阿朗點頭，都是那句吧，只要這是棉花糖的意願，他就會支持；換個人，就算這是思思，只要她想，他也會支持。

就嚟300個正評

樓主成日買醉咁

利申：我真的不是酒鬼

樓豬ig

師生戀就諗起紙言個故 最後一次

你啲文陪我捱過咗DSE
樓主加油

樓主對社工都有啲了解，寫得出年輕唔係優勢，有趣有趣。btw邊有咁多報警撚呀

樓豬加油 慢慢嚟 估唔到講完有文

等你

Lm

新讀者lm

今次到思思出軌