結咗婚十幾年，好似已經唔太愛。//《相愛十年》2

作者你好好，你互動之中不止講故或者八卦吹水，真心感覺到你好有愛。
多謝你寫左一個咁好的故事。故事反映的確好真實，可能係你覺得現實同你的理念差距太大所以你都想寫個故出來宣洩一下？

巴打，係真架，真係好多女人唔反駁，然後忍落去，身邊朋友太多呢d例子，sad but true

歡迎討論

真係有咁多臭雞？

唔知咩叫多
不過，我會話，好女仔其實都好多
(我啲朋友全部都係好女仔！！！我覺得好。
唔拜金，唔港女，有思想有見地)
或者成日都係so-called”臭雞”出名，
所以先有臭雞好多嘅感覺？

比例上，真係唔太清楚

常希望人生事事如意，但有咩可能。
好多嘢都反映出世界嘅荒謬⋯⋯
其實起初寫嘅時候，我唔係刻意寫實，
畢竟實呢，就少緊啲故事味。
但反應竟然都ok，而平實中見巧思呢個組合都好難寫（係好撚難寫），所以想挑戰吓自己；
加上，有巴絲同我分享佢哋嘅心事，我覺得我應該要寫好一個故，從現實切入。
因為大家都係高質讀者，認真睇、認真諗，
當然唔想令大家失望。

唉好撚寫實
好撚正

越看越膽戰心驚，

明明不是恐怖故，但竟不寒而慄

準確d 講， 應該係比恐怖故更恐怖

真心祝願故事中/現實中的思思安好

二人都無法回想對方的不足，暗暗發誓，要對對方更好，直至死亡降臨。

- - -

翌日晚上，峰仔到阿朗家吃飯。

「阿嫂。」

思思替峰仔開門，向他邊抿嘴，邊笑了笑以作歡迎。

「阿朗未番嚟，你坐陣先？飲唔飲嘢飲？」

「水就ok，唔洗招呼我啦。」

思思斟一杯水，遞給峰仔，二人坐在沙發上，峰仔看着思思的側面——

你唔好呀嗱，唔好諗住chok我知唔知C朗啲嘢，佢同Fiona有冇路呢……我真係唔知咁多。

「峰仔啊，嗯，想問吓你知唔知阿朗點？譬如情緒？有冇唔開心？」

咩叫有冇唔開心？我淨係知佢差啲同個Ex扑嘢。

「唔太清楚啊……番工攰啦可能。始終係體力勞動吖嘛，又少休息。」

「咁，我諗你都知，佢有同Fiona、啫係佢個Ex聯絡嘅？」

嚟料啦嚟料啦。

「係。」

「你知唔知佢哋傾咩？如果、如果係你嘅話，你覺得點解阿朗會揾佢傾，而唔係同我講？」

峰仔對上思思的眼，他詫異，原來她不打算向他收集阿朗的罪證，只想知道何故導致他「犯罪」；甚至，她覺得自己就是那個或直接或間接地誘導他行事的魔鬼。

他謹慎的答：

「對住老婆同對住街外人，唔太一樣啫……」

他也不知道，只能嘗試自圓其說，又補充：

「佢可能驚你擔心，驚你怪自己啫；但係對住Fiona，佢又冇責任諗佢嘅，所以，可能輕鬆啲啦……」

她怎麼可能是那一條面目可憎的蛇？

「好，明白。」

思思垂眸，睫毛像窗簾一樣關起。

阿朗回家，思思抱了抱他：

「峰仔嚟咗啦，你哋傾吓先啦，同棉花糖玩吓？我煮多陣就食得啦。」

「好。」

阿朗和峰仔碰拳，峰仔問：

「死得未？」

「仲生勾勾嘅。」

「頂，你好大浸汗味，沖個涼先啦。都唔明點解阿嫂仲肯攬你，臭崩崩咁。」

「佢當然肯。屌你啦，連你都嫌棄我？得，宜家去，有咩等等講。」

食飯，沒有什麼，就是隨便聊天近況。

席間，峰仔聽見思思說：

「唔得喎，唔準唔食菜㗎喎，冇營養就生唔高㗎啦。」

棉花糖扁嘴：

「好難咬開！我要食豬肉丸！」

聽罷，思思將通菜剪得更碎：

「乖乖，食多啖菜先食肉丸好冇？宜家易入口好多啦。」

阿朗幫口：

「係呀，棉豬知唔知？如果淨係食肉但唔食菜，你大大吓就會變豬㗎啦，越嚟越肥！越嚟越懶！你望吓峰叔叔，你都唔想變成咁啦係咪？」

思思笑，心想，他又胡說八道；可是，很管用。棉花糖故面色沉重地打量一下峰仔，之後轉向思思，吞下飯菜。

峰仔假裝委屈地叉腰；但他覺得，這個家庭氛圍很融洽：

「棉花糖叻喎，乖乖食飯，等間哥哥請糖你食好冇？」

阿朗揶揄：

「你仲係哥哥？」

「青春無敵，小弟係單身寡佬，同你唔同。」

峰仔覺得，阿朗完全沒有在外覓食的必要，無論什麼原因，他都不應以身犯險，放棄這樣的妻子和女兒——還想怎樣？回家，有飯、有菜、有歡愉、有笑聲，這都並不是外界野花能夠予阿朗的。至少，峰仔很羨慕這一種人氣。

峰仔當然理解世界之大，誘惑太多。可是，如果因新鮮而放棄，回頭並沒有更好的睡床。如果真是單純因為激情而出軌，這樣的阿朗，峰仔會隱隱瞧不起的。

何必強求？

食飯後，阿朗和峰仔聊起昨天的事。

「琴日Fiona話佢有啲事，喊哂口咁叫我上佢度……我見佢咁耐冇揾我，突然咁樣，應該真係好大件事，所以先上去。點知仆街，出事。佢根本冇同我講佢做咩，真係差少少就扑咗。」

「冇插入去，其實都衰唔哂嘅。阿嫂知唔知啊？」

「知錫咗，唔小心咁。」

「夠㗎啦，已經好多。如果俾佢知道仲有其他就玩完……對阿嫂好啲啦，我睇得出佢好愛你，講真，我覺得佢可能會覺得自己邊度有問題，先令你要咁對佢呀。以後咪衰心軟啦，保你唔到。」

峰仔想起，進門後，思思問他的問題。

「我知道。早知琴日就叫埋你上去啦……好後悔，仆街。明明冇插到但都形住自己身有屎。」

那並不是一次完整的性愛，感覺是零。

「你啱。揾埋我上去，我代你插囉，橫掂，Fiona都唔係咩好人啦。」

「點解咁講？」

「係，我今日就係諗住同你講呢樣嘢。想知你同Fiona點解會有番聯絡？同學會嗰晚，見你哋好好傾咁，佢以前咁對你，你哋都有friend做？唔係呀嘛。」

「嗰晚之後有傾兩句。」

「有咩好傾？」

「冇，平時啲生活咁囉。」

「收皮啦屌你個閪，傾生活傾到打哂茄輪？俾你傾得再deep啲咪仔都生埋？講啦，到底傾咩咁好傾？」

到底峰仔有咩收埋未講

「C朗，我愛你。單身咁多年都係因為你。」

push

報到！！