結咗婚十幾年，好似已經唔太愛。//《相愛十年》2

而關於他家裏的事，從來都沒有完整地告訴過思思；她見他斷斷續續，永不講清楚，故戲謔的道：「希望我唔會有跟你case嘅一日啦。」

盲咗

- - -

「喂老婆？」阿朗致電思思。

「係，做咩？」

「今晚棉花糖去婆婆屋企瞓喎，咁我哋出嚟食好冇？」

「好。邊度？」

「嗯……等間先決定啦，我嚟接你放工。」

「好，五點半見？」

朝光看向思思，問：「約咗人？」

「係啊，約咗老公食飯。」

她喚那個看不見的人為「老公」。

「哦……你結咗婚？幾時識㗎？」

朝光從沒問過她的婚嫁戀愛，她反正不會說得詳細，或者，是因為他不想知道。可是，他以為她還未婚，這年頭女子就算已屆三十也不焦急，而她手上可是沒戴婚戒的。

「中學尾囉。結咗婚好耐啦，我早婚。」

思思手上，是沒有戒指的，即使成婚已久。

二十歲，還未結婚的時候——

阿朗某天神神秘秘的向她展示左手無名指。

「做咩用marker畫手指？」她看見後，甜笑，手背那邊是一條幼幼的線，掌心那邊則寫着：

「 L&S
2.7.2005」

朗和詩，二零零五年七月二日是他們的拍拖紀念日。

「唔係畫㗎，我真係去紋咗。」

阿朗覺得，思思不太有安全感，但他不知怎樣做。唯有，做一些MK的事，以顯真心，妄語若然拋棄她，定當將手指砍下，為她傷及髮膚，還不是真心鍾愛？

「吓，點解紋嘅？唔痛咩？」

「少少啦，」他不自然的笑，分明是記起當天痛楚：「俾你相信，我一生一世都愛你吖嘛，如果同你分手，我發誓我一定斬手指！」

她捉住他舉起的三指，嗔笑道：

「唔好亂發誓啦，真係分手咁點算？」

「斬手指。」他認真的答。

她咧開嘴笑，愛侶在蜜運時都愛說這些不理後果的談情話，最後也可能換他人來理料他的襯衫；但是他這一刻的真心，彌足珍貴，令她歡喜。

「咁我都要。」

於是，他們又一同到那家紋身店，阿朗看着思思，紋上一模一樣的圖案，在左手無名指上。

隔年，思思懷孕，她對他說：

「唔好買咩戒指嗰啲，你以前已經送咗俾我啦，而且，永遠都除唔甩，唔驚整唔見喎。」

「係，你都走唔甩㗎啦，呢世都係我老婆。」

就這樣，一「戴」就戴了八年。

p牌留言

見到story有cap我句留言，即刻入嚟

所幸，她真的願意聽他說話。雖然她不會知道，這是他平生最多話的時候，像一次氣球的洩氣，急不及待地將一切釋出，最怕，乾癟前就飛速向天揚去，最終無生氣地飄落地上，再被丢棄。

我就係咁

會好傷心

好耐冇見你

沈卓怡ig 帶我嚟
三個鐘追到live
唔識講個感覺
覺得自己眼光好短淺
原來一段關係可以有太多太多事

push

Same今日由第一個post追到呢到
Btw樓主加油睇你嘅留言覺得你令人好溫暖

祝福巴打多謝

如果可以唔成長，就唔洗煩咁多嘢
可惜關係永遠都推進緊

歡迎

你哋啲username好好笑
冷麵笑嚼、乳神童含etc.

新讀者留名
睇到好驚，好驚將來結婚後會咁樣