結咗婚十幾年，好似已經唔太愛。//《相愛十年》2

留名 好好睇 咁快又無計傾

淡如水 會否比第三者可怕

真係兩睇，好好諗清楚。

一，如果爸爸唔想要，其實生咗，大家都係辛苦，時局太衰。到時有咩事，女方可能被男方責備當初做咩生，女方又可能話番男方點解唔夠supportive。

二，女方身體狀況允唔允許佢廿六歲落？之後仲可唔可以好好咁生仔？定係以後都唔打算生仔？根據數據，其實唔多人受孕到。同時，落仔對女性好傷，廿六唔算超級後生，會比年輕有多啲生理上後遺症，可能都有心理上嘅問題，尤其佢想留低個bb。

除咗唔想bb喺香港，仲有冇其他原因？
本身有冇plan要唔要生，結唔結婚嗰啲？
如果落咗會唔會後悔？

好好諗清楚以上嘅問題，二人認真咁傾，先做決定。

做決定前，一定要雙方達到共識，如果唔係，對你哋三個都唔好，仲有可能會走向關係嘅破裂。

諗落定唔落前，一定要諗清楚點解。如果聽意見，都要聽埋對方嘅原因，唔好只睇一句留or落。

如需協助，揾吓家計會，有醫療上同心理上嘅意見，更多專業。

睇吓其他巴絲點諗？

都係有啲擔心唔太專業，唔識講
除咗祝福同埋希望大家都好之外，
我都唔知可以講咩⋯⋯生命係沉重嘅題目。
總之諗清楚吧，諗完自己諗對方。
祝福！！！

因為只有男人肯將d野同我傾同我講
我先會覺得佢需要我
我唔係一個可有可無既人
係一個可以俾我愛既男人依賴 扶持
而唔係一個淨係識得俾負擔佢 要佢咩哂所冇野既女朋友

如果有能力就生咗先 大少少再帶棉豬走
最緊要都係兩個人有共識
唔好屈埋屈埋
會變傷口 無法撫平

本身想睇下同故事開頭仲差幾遠 點知發現咗
對比起思思同啊朗 開始擔心棉豬

絲打，生小朋友係好大責任，一個人揹係非常吃力，所以一定要兩個人有共識才好

我偏向覺得小朋友係上天俾的禮物，不要輕易放棄，好多人想生都無，而且成功生到個健康bb並唔係咁易

再難行的路都會有方法行
不過真係你們二人有共識才好生，否則係累左最少三個人，仲有可能累埋自己父母

謝謝樓主出post

有時d負面野唔講好過啦

Live jor
一個上晝追到過嚟
一路睇一路喊
小妹而家雖然仲同男朋友拍緊拖，下個月先半年
但見到之後不禁擔心起未來

Halo樓豬寫到某啲位都喊
唔好擔心咁多啦，情緒唔好差！祝福絲打

如今，她努力等閒暇周末。

- - -

「老公，早晨。」

「早啊老婆。」

思思親吻阿朗，然後上班。

阿朗有時多睡一會兒，有時直接醒來，也外出接單。

其實殯儀化妝的「好揾」，旨在不斷跑單；如果每天都慢悠悠地工作，化妝量少，其實收入並沒有多可觀。

所以，反正無聊，他總會多多外出，多多接單。

在那裏，他是輕鬆的。和他共對的人不會忽然站起來，應他幾聲嗯哼；他就算隨便唱幾個旋轉，也不會怕有人質疑他的音準，只靜靜地聽。

他的動作不慢，功多藝熟，大概三十分鐘就可以化完一具遺體；他曾經打趣思思：「我化得比你哋女人快得多。」——

想起，他的動作又頓了一頓。現在已經沒什麼特別的事好分享。

凝神，替遺體闔眼。

只有電視劇才會輕輕用手一掃，就能令先人的眼睛閉合起來；現實中，需要技巧，並不是易事。通常，自殺者、意外身亡者或會有這種狀況。

他又想起，以前和思思說起此事——

「我宜家學緊闔眼，原來都幾難。」

「啫係咩？死唔眼閉嗰種？」

「嗯嗯……你話啦，其實人要受到邊一種冤屈先會咁樣，有啲係真係唔想死，有啲可能係後悔……」

「如果，假設啦，以後嘅香港，成日都有人無啦啦身亡，可能係自殺數字急升咁？咁咪有好多唔眼閉嘅case？」

「咁可能當中有好多未必真係自殺，或者，係謀殺？」

阿朗訕訕地從回憶抽離，對着前面的人「唉」了一聲，畫上唇妝。

不知從什麼時候開始，二人的話少了，沉默多了。

這是婚姻的長存形態，是否？

可是，他又慶幸，其實現在的相處是大家都可接受的，是輕鬆自在的，空氣仍然逍遙地流動，而非冷硬地凝固，至少他自洽於這種沉靜當中，明白不言不語只是因為勞累，而不是因為有心結卻不能和對方細訴。總比以往快樂，工作中尋找成就感和踏實感，非常重要。

他希望，思思也是這樣想的。

也許，想要浪漫的感情，就不要有家擔嗎？如果渴求成家立業，就沒有閒情逸致談情了。

所以，人類最佳成婚年齡，應該是六十五歲退休之後麼。

阿朗搖了搖頭，暗叫自己不要分神想傻事，請專心，給予眼前人尊重。

- - -

另一邊廂，學校打鐘，已到小息時間。很快，又有學生進入社工室，他們不是思思的「客户」，多是和她吹吓水、傾吓偈。

戴着黑框眼鏡的女同學首先含蓄地說話：

「思思，嗯，我鍾意咗個男仔……應該點樣做，我哋先可以一齊？」

他們覺得思思長相稚嫩，身形嬌小，看起來大不了他們多少；私底下，不會稱她為「程姑娘」，都親暱地叫喚她。

「哇，愛情嘢？邊個男仔啊，睇過？」

思思八卦，難得不是抱怨。

旁邊身穿冷衫的女生開始替黑框女生形容該男生的特徵，最後補上一句：

「女追男呢，就係靠吸引，唔係死追嘅。」

其語氣十分老練，思思好奇：

「咁你覺得佢應該點做？」

「傾熟少少先，等佢都了解吓你。然後，俾機會個男仔幫吓你，功課呀補習呀嗰啲咁，再叫佢教吓你做數囉，佢理科咁掂，展示吓你嘅柔弱；有時又讚吓佢，佢就會覺得你好善解人意㗎啦。思思，你點睇？」

思思認同，又想起Fiona。她告訴同學還有什麼細節可以注意，着她不要模糊界限感。可是又想，中學生是否應該更純情一些、不應過分攻於心計？半晌，又覺得愛情這個課題應終生學習，時代不同了，早學無壞。

她明白，自己在愛情中不是什麼聰明的人，不太討喜，不懂作出男生喜歡的反應；但Fiona則相反，總是讓人喜歡與其相處，如沐春風。

她在心裏笑了笑，情敵竟然有如此功用，世事神奇。

預備鐘響起，還有五分鐘，小息就完結。學生告辭，臨上課前，要去一次洗手間。

關門，她問自己，到底為何，阿朗對她的愛可以如此持久？

其實執子之手，多數都不能與子偕老；她幸運，竟和最愛成婚，只等時間過去，等某天一同生出滿頭花髮。

這種愛，可否永遠不滅？

現在，像極了所謂的婚姻狀態。

她覺得，和阿朗的談話減少，但原因卻不過是累而已，而且話題不再新鮮。可是，更有放心的感覺，明白就算不用頻繁交流，二人仍然心領神會。

她還沒有厭倦這一段關係，每天仍會期望回家——不只是躺卧床上。

她希望，阿朗也是這樣想的。

只消看到他、擁抱他、聽見他，她就覺得踏實，告訴自己，眼前的男人以後、無論如何都是她的枕邊人，不爭朝夕，放心吧。

他們一定有更好的將來。

或者，她希望那麼冷漠的婚姻不會適用於他們，永遠。

執子之手，祈願，與子偕老。

樓主的文如沐春風
好舒服好自然