有無巴絲長期受住胃脹肚脹之苦? (4)

夜晚食完飯就有胃氣 胃脹
隔兩粒鐘之後又好D
D屎一時好硬 一時好軟

巴打推介下

吹氣要幾錢？個結果又代表咩？有菌？
但有菌=有病？

你心靈真強大，靠自己永遠係最有效但又最難
但願兩位細路乖乖地，唔好搞大鑊野出黎

之前佐敦睇7000幾蚊包埋割瘜肉

如果有菌食抗生素就醫好

驗完 冇菌
睇怕都係要慢慢養胃

題外話: 胃痛巴絲茶記會飲咩
清水？戒甩咗奶茶 轉咗做華田 都仲有啲頂住

唔想咁淡可以飲利賓納既，不過我多數飲凍檸茶，飲一半到

奶茶咖啡果D我一直都冇戒，照飲

巴打 有係有 我記得果時佢話好似3日內無變色就無菌 等左三日係無的 但唔知擺左一大段時間佢有變色所以隔左咁耐都無好 我先至近排想再驗多次菌

屌我同你一樣
驗完果幾日冇變色我就放埋一邊冇再理
點知過咗個禮拜之後見佢變咗色
之後我都冇再理
都應該係十年前嘅事

雖則我懷疑佢係擺耐左就算negative都會變色，但係都係check多次求個安心，所以上黎求推薦邊間平d

咁唔清楚了，淨check依個太晒錢，如果冇菌既你過一排唔舒服都會想照多次胃

焦慮症有冇得斷尾？

無睇中醫呀，就咁買支中成藥食咋

有時食大餐我都食依個打底，係日本買

可能我無大家咁嚴重，我本身係肚漲到頂住有啲想嘔咁，朝早起身係完全唔想食野，有時個喉嚨有啲好似俾力吞口水個下咁覺得有野卡住。但我到肚餓個時都會正常咁食野，大便都正常，個肚又無痛。睇西醫都係俾啲胃藥我，睇左兩個月都無好過。

最後買左支林X 生胃X寧試下，諗住中藥無咁快有效果，點知食到第三日突然發覺無晒本身唔舒服既感覺，依家最多係食飽有少少肚漲既感覺，無特別唔舒服。

不過支藥都幾貴。。。仲要中藥唔係話食幾日就完

我早2日先係上面問完啲隻藥我就係想試下，但又唔覺有review。巴打係邊買，要幾錢？

我直接係佢尖沙咀既診所買，唔知藥房watson 個啲有無。
一樽要成$800, 剩係食到10日，說明書話一個療程係45-90日，計落都幾貴。不過我腸胃一路都唔多好，諗住食一個月睇下可唔可以調理埋腸胃。唉，好撚慘，依家汽水咖啡都唔敢飲，煎炸刺激辣野又唔食得。