多多包函最近入手Tsume - 無限
https://youtu.be/IwbadP9Lqy0
早排為左抗疫，對住海關話要買龍珠野都大聲左
相信香港地好多人都對GK一知半解，
到底有無版權？
其實有好多工作室都有開訂同搵廠整GK賣。
個啲係無版權，質素就要視乎工作室。
有版權既唔算多，因為就算同一套漫畫版權都有細分，同埋要不斷續約，而且價錢不非。
另外要小心，有啲工作室專做翻模
例如古羅、Tf toys
咩叫翻模？
就係將啲有版權/炒起左既款，照炒照做多批黎賣，但價錢平一半甚至1/3。
簡單黎講即係A貨。質素就見人見智，但有啲的確幾可亂真
有啲人會睇唔起翻模；有啲人會認為自己收藏無乜所謂。
即係你想買隻撈，但又覺得貴，最後買隻A貨。
有無問題就視乎你自己價值觀。
-
龍珠有版權既工作室暫時有TSUME、開天、RYU。
Tsume - 我暫時仲差隻布洛尼未到貨，
另外T社仲有海賊王、星矢、死神、妖精尾巴、足球小將等等既版權
開天暫時開訂整左一款但未出貨；
RYU暫時得部分官圖，未開訂。
順帶一提海賊王既有TSUME、開天、鐵風箏、UA（未有版權前名稱為UC）、集美（未有版權前名稱為黑珍珠）
-
UA同集美就係因為未有版權前，啲造工出色同肯出錢買版權，所以就算無版權個啲工作室亦都會有出色既GK作品。
我舊片有uc白胡子、黑珍珠雷神。
-
當然有好多新工作室官圖同實物差天共地，甚至出貨後/未出貨就走數，所以師兄們落訂前最好睇下間工作室之前既作品同評價如何。
-
我亦都聽過好多師兄話GK不外如是，原來佢地係睇完信和用膠盒包裝既大膠「GK」，其實個啲完全唔係GK，最多叫「假景品」。
-
不過而家多左啲公仔機，SHOW返啲真GK出黎，相信有見過既師兄都會睇得出有名既工作室同真既GK真係靚到一個點。
歡迎各位對GK有興趣既師兄交流下。
識答既一定答
-
當然亦都可以訂閱我既CHANNEL，我會KEEP住開箱分享（景品一番賞都會有，但相對少好多了，因為玩左GK之後，一黎土地問題，二黎對景品睇唔上眼）
