鎖匙喺上次去嗰陣已經拎埋，所以一路無阻順利去到佢屋企。我用Chloe爸爸平時用開放喺廳嗰部電腦，以前去佢屋企嗰陣，佢大部份時間都係喺電腦到睇馬。
雖然機會微乎其微，但我都照樣輸入搜尋「重生會」，因為直覺話我聽，如果能夠揭開重生會嘅網站內容，應該可以知道唔少事情。
入到網頁，依然喺以太陽藍天作為背景......
但係，原本綠油油嘅一片草地，已經變成一朵朵貌似彼岸花嘅植物，就似鮮血染滿大地咁。
最重要嘅係，終於見到「出生、再生、重生」以外嘅字！網頁多咗類似公告欄咁嘅東西，入面公佈「重生會」唔同日子嘅義工活動......舉辦日期同地點？
除咗義工活動之外，仲有其他同樂活動嘅詳情。
呢個線索實在太難搵，如果唔係宋文德提我，互聯網會慣咁將上次登入紀錄留低，我都可能唔會搵到宜步......
從網頁上睇，最新一個公告係前日發佈。
「
──家庭日──
家人應恆常見面。「重生會」作為信徒的溫暖避風塘，將於四月十四日舉辦一場家庭相聚日。
我們除了會與你渡過人生路上的難題，更能攜你前往「樂園」享受永永遠遠的快樂。
我們是你的家人，重生會。
時間：四月十四日，早上八時
地點：龍尾村公所等候」
其實chloe老豆賣完佢自己全家之後，點解連自己都變埋蛋
係喎
