《女朋友全家變咗隻蛋》（３）

遲咗少少唔好意思

１正評＝１贊助，

只需要撳下正評，就會令小弟多一分喜悅，寫出更多文章感謝各位支持

鐘意可以推薦下俾朋友睇

Post（１）：https://lihkg.com/thread/1814988/page/1
Post（２）：https://lihkg.com/thread/1823437/page/1
—————————————————————————————
上回提要：

宋文德與阿政即將逃出鎖羅盆之際，遇上無數的兔人伏擊，

到底事出何因？

——————————————————————————————
亦可以讚好／ｆｏｌｌｏｗｓ下小弟

ｍｙ ｉｇ：maksyut20030164

ｍｙ ｆｂ：https://www.facebook.com/%E5%A2%A8%E8%AA%AA-1417494148490607/

紙言：https://www.shikoto.com/authors/2208.html

從佢哼歌嘅腔調細聽，佢疑似係一隻兔女。

哼到一半，佢又突然低頭哀泣，神態十分詭異。

等佢慢慢遠離附近，我同宋文德先繼續心顫嘅逃亡之旅。就喺我哋跑唔夠十秒，去到要落一條石梯嗰陣，領頭帶路嘅宋文德突然仆親！成個人跌落翻滾到石梯下面......

「宋...！」

同時間，我發現地上有條繩，更糟糕嘅係隔離居然放住幾個汽水罐，宋文德咁樣仆一仆，間接令到嗰幾個汽水罐都滾落石梯下面。

「噹...噹...噹...噹噹...噹噹噹...噹噹噹噹噹！！」汽水罐每跌一級，就響一下。

我最唔想嘅事情，發生咗。

我回頭一望原本應該遠離我哋嘅紅目視線，已經回首瞪住我嘅位置。

我腦內一片空白，只有一個字......

「逃」

兔女發出鳥叫嘅怪聲後，即以凌厲嘅叫聲跑向我哋！

我跨級跑落樓梯，有幾下腳顫到差啲仆埋一份。

「宋文德！你點啊？佢追緊過嚟啊！！」我跑到落去見佢仲未起身，而係半跪緊喺地下，額頭仲滲住一行血。

夜裡喺山林周圍爬嘅曱甴，喺宋文德隻皮鞋上不斷攀爬。

「我...我隻腳，好似拗柴...嗄。」我睇得出佢試企咗幾次，但隻腳腕就係發唔到力，企都企唔穩。

「我扶你！」我扶住佢半身前進，但呢種速度肯定唔洗一陣就俾兔女追到。

「無用。」佢推開咗我，然後自己拐住去顆樹到，望向啱啱條石梯：「仲識整陷阱......」

「......」我望住佢。

佢拎出一枝煙含住，試圖喺風中之中，用火柴出火。

「拎住。」我俾塊八方鏡佢。

「...」佢望住我，等緊我講下一句。

「我會背住你落山，但以佢嘅速度，佢點都會追到過嚟！嗰陣......你應該識做。」八方鏡已經，交到佢手上。

「好...」佢騎上我背脊。

果然，我跑唔夠一陣，兔女嘅聲音已經好似厲鬼咁喺背後傳出，就喺大概四米距離嗰陣，宋文德向後舉起八方鏡，兔女一望即刻不斷尖叫！追勢亦都緩和落嚟。

最後，我哋兩個終於跑出成座山，去到新娘譚路。

「向右行...有民居。」宋文德指示我。

我費盡最後一份力向民居嘅地方跑去，直至見到有塊牌寫住「金門」兩字，我先攰到腳軟，連同宋文德一齊喺大馬路訓低。

「嗄...嗄......嗄...」雨水從未停過。

宋文德舉手，望望手錶：「六點...已經六點。」

個天，開始破曉。

喘住一大輪氣之後，我先扶宋文德起身，然後兩個人一齊走去鄰近嘅士多鋪。鋪頭就落哂閘未開，但見到人為嘅建築，就已經足夠，就已經好有安全感。

LM

Live 左

lm

終於有

果然是墨巴

正

嚇死，以為宋文德會死

一入黎就見到墨巴上水

推

留左名先睇

新讀者報到

LM

已正評

留名

lm

Live咗正啊

好好睇

加速