[半毒遊] 2019.5 名古屋大阪遊記

DAY2 續
名古屋水族館分北館同南館兩邊，正路係名古屋港站落車嘅話應該會係北館入。大部分表演都會係北館個邊睇，同埋佢啲表演schedule都可以無縫接軌，大概每個表演20分鐘，然後有10分鐘時間俾你走去第二到。所以睇晒北館啲表演其實都已經會用咗你2粒鐘到。


入館個陣咁啱係北館戶外部分企鵝出嚟散步，即刻狗衝過去睇。



出到嚟企鵝已經行咗一半，有冇行得咁快。大部分都好乖會跟住前面行，除咗有堆行行下會係到打交。


同埋有隻不停攻擊個飼養員隻腳，好記得個飼養員不停嗌好痛好痛。



戶外個區除咗擺咗企鵝之外，亦有海豹係到。話說我去個幾日都好熱，其中第四，五日仲要係日本最熱個兩日，北海道上到40度，名阪都34-35度，熱到癲。所以呢幾日睇嘅動物好多都熱到訓係到唔郁。



跟住就上咗上層睇殺人鯨表演。不過佢唔係係前面個大池到表演，而係係個MON後面個池到表演。所以坐劇場位係睇MON嘅直播，當然殺人鯨個池隔離都有位可以近距離睇，不過好少位又逼，我就冇過到去。
另外佢上下層係同一個池嚟，所以落番下層都睇到嘅。

]

殺人鯨之後就過隔離睇白鯨表演。都係睇佢地聽訓練員指示做動作。不過佢地個樣真係好搞笑，個樣好抵死。同埋好似係第一次聽海豚音，真係好高音好嘈。




白鯨之後又走番去劇場個到睇海豚表演。唔知點解係呢到好似好趕咁，不過真係好多嘢睇。


去海洋公園都好少睇海豚表演，不過名古屋呢個都幾好睇。雖然好似似話跳高個啲其實對佢地身體係唔好(?)。但睇佢地圍住個池好快咁游個感覺好爽。
廢事坐前面俾水整濕，所以坐係後面就冇點影相。

待續

DAY2 再續


北館啲表演都睇得七七八八，就過去南館睇


睇schedule見到有龜睇就走咗上去，但個環節純粹係介紹下唔同龜嘅品種同埋佢地嘅分別，加上個館有啲焗，睇咗陣就冇再聽繼續行。



隔離有啲龜BB個個缸到好得意。



南館都有企鵝睇，不過呢邊啲企鵝好嘈，同埋感覺比起北館戶外個啲兇神惡煞啲。



落番下一層，都係同北館一樣個缸有兩層高，所以都係睇番啲龜。


每次去水族館都會FINDING DORY



我去個時咁啱做緊壽司展。。。咁樣真係好咩
我諗起最後一日去海遊館，睇緊魷魚個時有個香港人係隔離講：我想食西蘭花炒鮮魷


密集恐懼症




唔知點解我淨係影啲核突嘅海洋生物
南館其實就係睇啲普通嘅魚同龜個啲，我就覺得北館好睇啲，所以去完南館個紀念品店兜咗陣就行番去北館，睇餵海豹同餵企鵝




去到未夠鐘，就睇下啲企鵝先
企鵝：影撚完未


正面擺咗個INSTAGOMASTAGRAM嘅版俾企鵝打卡



真係好懶、好肥、好似隻豬


：邊撚個話我似豬





海豹餵食show
好肥不過好得意

睇完海豹就出去睇企鵝

一開門就成堆衝出嚟等食魚


企高咗個隻印象中等咗好耐個飼養員都冇點俾到佢好慘


呢兩隻好似係到打交


呢隻與世無爭一條都冇爭過




睇企鵝食嘢睇到肚餓，早餐之後都冇食到嘢，所以走咗去買炒麵同章魚燒唔錯



食完都差唔多夠鐘，準備要去磁浮館。因為頭先睇表演係離好遠睇，所以臨走前去睇殺人鯨。


望鏡頭

跟住就同我家姐分道揚鑣，我就自己搭車去磁浮館。

待續

因為你呢句
我決定更到神戶個日瘋狂post隻雀

留名學野

DAY2 再再續

行完水族館已經1530，然後磁浮館1730就CLOSE，所以就急急腳走去搭車



雖然水族館同磁浮館都係港區，但係兩個地方係冇直接嘅交通工具來往，即係點都要轉車先去到


呢張係係金城ふ頭站影嘅名古屋水族館廣告，官方係教你搭到去名古屋站，一係轉地鐵去榮再轉名港線，一係轉JR或者名鉄去金山再轉名港線。但兩個方法都要兜成個圈先去到，好嘥時間

所以我就揀咗搭巴士呢個方法
首先搭名港線去到築地口站，再轉巴士去稲永站，之後再轉青波線快過官方方法3個字到
(之後發現其實可以搭到落野跡站先轉青波線但時間唔差得遠)



地鐵站到有巴士線嘅停站圖，基本上去野跡個邊嘅都係3號出口嘅2號同埋3號月台等車不過安全起見都係用APPS睇下係邊到上車同埋搭咩線



等咗幾分鐘就有車名古屋巴士好似都係上車拍卡



巴士搭十幾分鐘到就到稲永站，一定快過去名古屋轉車



不過咁啱去到車站走咗班車而青波線個段時間15分鐘一班車


車到



稲永站搭過去金城ふ頭只係幾分鐘




リニア鉄道館
個館嘅外型好型


盛惠1000円
張飛真係好hea冇收藏價值
另外我買飛個陣已經1630得番一粒鐘係個館到行，結果行得好急，好多嘢都冇認真睇晒

待續

要睇moon直播殺人鯨

期待更多鯨頭鸛
順便想分享大鄉里早排去上野動物園一心想睇鯨頭鸛...
點知佢瞓咗

開頭睇到都呆咗
其實都可以企係池邊睇，不過果個位有啲迫同埋個view麻麻

下年買pass去應該會仲鐵膠
由其東京已經plan咗3日全鐵膠遊

鯨頭鸛同好
佢訓教個樣好得意

睇鯨頭鸛都係去神戶好啲可以近距離睇

啱你啦咁鍾意睇雀

東京係同屋企去
佢地去行街我就鐵膠遊

另外去岡山大阪就毒遊

有機會都想去神戶
其實認識鯨頭鸛呢種動物 係因為一個已經收咗皮嘅手機game 裡面有個角色好鍾意鯨頭鸛
個game仲有幾set卡好似都係神戶取景

神戶動物王國好撚正 個陣隻大雀行左出黎 面對面都有米幾高
好奇你貴志車站點樣玩成日

咩game
神戶動物王國真係好正，仲要有好多其他動物都可以近距離接觸

女性向音樂節奏手遊 夢色キャスト
有歌可以打下 有卡池可以課金抽下
提起我又想大叫$ega dllm
最近去日本都係快閃睇Live追星 好想做下遊客

隻大雀就係鯨頭鸛
佢每次企近池邊就會好多人走埋去影相
同埋佢飛親都會成堆人係到wow
神戶動物王國真係好好玩，搞到我去其他動物園覺得好悶

貴志其實冇玩到全日，去睇貓之前有去到第二到行嘅係我冇好仔細打出嚟
印象中我6點幾都已經返到難波
不過個日又係sad story嚟去到個日再講

動物王國真係好玩過好多動物園 但真心唔想太多宣傳 上次去好彩無大陸人 淨係得本地人 好舒服