[半毒遊] 2019.5 名古屋大阪遊記

Bkmark咗先 睇下有冇機會去
京都果個好似好yap
今次本身都諗住去 最後都放棄咗

係係攝時間先擺住先
應該唔去 京都大把地方去

如果香港金拱門出左日本m記個包
你係咪去食先

當然罷食金拱門

DAY7 續

咁岬公園冇去到，離本身PLAN好去貴志又有段時間，咁就搭兩個站去間AEON到行下



呢到個AEON MALL真係好大好多嘢行，我呢啲唔鍾意行商場嘅都行咗好耐(雖然係因為避雨)我諗去和歌山玩嘅話呢到都算係個景點

另外呢到應該係我係和歌山入面見到最多人流嘅地方呢到仲旺過JR和歌山站，和歌山市內真係靜到癲


行咗陣就搭車過去和歌山市站
7100系列車


唔知係咁啱我個日少人定點
除咗放工時間外，和歌山啲車都冇咩人搭咁
我基本上係包一卡車，連埋頭先個程SOUTHERN同埋岬公園去AEON個程



話咁快就到和歌山市站
其實和歌山市站再落去仲有個和歌山港站，用嚟轉船去德島(直航去德島~)不過因為係明石海峽大橋開咗之後少咗人搭，連帶宜家去和歌山港嘅車都少咗好多



咁啱影到特急SOUTHERN嘅另一款車10000系


加太線月台同埋隔離JR線嘅月台
呢到去JR和歌山站有三個方法
第一個方法就係最直接搭JR，不過好疏車
第二個方法就係搭巴士，冇JR咁疏，但都要預好時間
第三個方法就係行過去，大約半個鐘到
本身預好係搭到巴士，但因為計劃有變，就決定慢慢行過去(好彩個日唔熱)


和歌山市站裝修緊，預計今年整好


本身諗住搭嘅巴士


其實一出到嚟個下係嚇親
明明係南海線嘅最大站，但附近真係好靜，人同車都好少見到，感覺好似去咗個死城咁


仲要加埋個日個天又陰又大風，自己一個人都行都覺得少少恐怖好彩唔係夜晚



好正路就緊係行商店街，不過商店街好多間舖都冇開，有開嘅都係啲賣生活用品嘅舖，全部啲裝修都好舊，基本上係唔會搵到啲連鎖店
係呢到行嘅感覺就好似去咗啲未翻新嘅屋邨商場，十室九空咁



不過靜靜地咁行係幾舒服嘅


沿途最旺就係呢間驚安同埋一間百貨公司
但比起出面嘅驚安都係少好多人


終於行到去JR站
呢到亦都係比較旺嘅地方，不過個百貨公司都係唔多人

待續

乜最大城市都靜到咁

真係死城咁
未去之前仲以為咁出名應該會好熱鬧

DAY7 續

終於到是日重點，貴志川線由差啲廢線到宜家變咗遊客熱點
話說其實入閘係咪都要拍卡入定係可以同入閘啲職員講話搭貴志川線直接入我上網睇唔見有人講，我最後係拍張IC CARD入，出閘個時同佢講番搭咗貴志川線(純粹因為落車個時見貴志川線個職員俾咗張飛我用嚟出閘)


上去月台條樓梯有特別裝飾


必買嘅ONE DAY PASS，搭來回就已經回本


首先第一架搭嘅係小玉電車



水戸岡鋭治設計嘅車真係幾靚





成架車都好多小玉不過隻小玉卡通真係幾靚幾得意



車頭有位就轉咗去車頭坐，不過啲位真係麻麻舒服








搭到去貴志站落車，補影番個車身


貴志站站舍，係貓嘅外形


月台落去淨係見到佢個patpat


要走入去舖頭先見到佢正面


應該好多人都係係到留半粒鐘搭下班車走，咁附近淨係得呢間CAFE可以坐下，所以間嘢都幾FULL


嗌咗間多士加雪糕嘅SET
OK嘅冇咩特別都係食個賣相


卡通小玉真係好得意

DAY7 續



跟住就搭下班車，草莓電車




對比起其他列車，草莓電車內籠係差少少


大大粒士多啤梨貴志站附近好似有士多啤梨果園，不過撞唔啱季節


搭到去伊太祁曾站落車
搭嚟呢到除咗因為要搭埋玩具電車外，亦都係因為可以睇第二隻貓站長，以及睇啲BLOG話有市集，其中有檔厥餅好好食





落車就見到對面去和歌山嘅玩具電車，不過等佢返轉頭先搭





伊太祁曾站亦都係貴志川線嘅車庫，所以泊咗兩架休息緊嘅車，左邊係梅星電車，右邊係動物愛護電車


冇咩人又冇咩車，可以企係路軌上影都得


都係頭先月台果款站牌正啲


呢到有單車租可以踩，不過落雨就不了


搵咗好耐發現原來呢隻貓站長匿咗係下面訓教



另外可能因為落雨所以個市集冇開到
搞到嚟呢到好無謂，ON99咁係到等下班車


真係好冷清
我係到等車個陣人影都唔見多個


車站入面有MON講幾點有車，亦會講埋係邊款列車行駛


伊太祁曾站都有週邊賣，不過好正路應該係貴志買咗




等到無聊亂咁影


終於架玩具電車到




玩具電車內籠
咁多款入面應該都係小玉電車最靚，其次係玩具電車


玩具電車最特別就係入面有扭蛋機


成個櫃都係玩具


小玉真係好得意

待續

DAY7 續

搭番去和歌山站，去隔離百貨公司買梅俾啊媽，跟住見差唔多時間有車就去搭JR返和歌山市站
結論係如果要去睇貓站長，即使住難波都係建議你搭一個站去新今宮轉JR去和歌山，搭南海真係好麻煩


103系



落車就見到隔離加太線嘅藍色鯛魚號列車


搭番特急SOUTHERN返難波


都係12000系


又係坐指定席，今次返難波終於唔係包卡，有兩個人同我坐同一卡


返到難波，見到隔離高野線嘅高野號，30000系


又係唔想搭御堂筋線，所以搭一個站去新今宮轉JR去大阪站
搭泉北高速鐵道5000系BTW張2DAY PASS係唔可以搭入去泉北線嘅範圍


一落到去就見到223系關空快速，不過好多人，等下一班


最後搭咗323系


好彩趕得切影到隔離走緊嘅681系，雖然BLUR咗


本身諗緊食SHAKE SHACK，但行返酒店見到WENDY'S就決定試下，橫掂SHAKE SHACK香港都有(不過宜家係香港都冇得食美心旗下)


個包幾好食，舊肉幾JUICY
不過杯MATCHA LATTE好撚難飲唔應該係呢啲地方飲


。。。。食完覺得唔夠飽
加上最後一晚係日本所以買得豪咗
煙燻雞同蘋果汁又出現


又係果實冰

DAY7完

更so many wow

難得得閒就更
廢事再拖 想快啲開九州

竟然俾旅遊台名人讚我

參見米古月

好似太長氣

成日搵位mean9我
我呢啲係有quality嘅遊記

樓豬介紹果隻蘋果汁真係幾好飲
去足咁多日日本飲足咁多日

推

DAY8
終於嚟到最後一日



又係搭到厭嘅御堂筋線，攞住行李廢事走嚟走去所以照搭



因為我係難波搭南海入機場，所以冇將行李擺住係酒店到，我就將行李寄存係呢到，係難波站對面間菊榮酒店4樓呢間嘢係入住請敲門到話有鬼


前一日落好大雨，第二日就已經天晴返



因為厭倦搭OSAKA METRO，所以走咗去搭巴士去天保山，其實搭巴士一程到仲好，搭地鐵要轉車，不過係要耐啲時間啫


坐車頭位
今次搭巴士發現咗兩樣嘢
首先就係搭地鐵轉巴士原來有優惠，好似係減100円，所以係抵過搭地鐵過去
其次就係佢地真係好跟TIMETABLE，係中途站早咗到嘅話真係會等夠鐘先開車



話咁快就嚟到天保山


係FOOD COURT到食嘢先
呢個餐真係好抵食，好似1000円到就有個大飯再加冷麵或者烏冬，食完飽到癲


跟住就嚟到今日嘅重頭戲海游館
其實本身唔係好想嚟但為咗買隻企鵝公仔所以俾錢入場(隻公仔淨係得館入面果個SHOP先有得買)


隻海獅定豹好得意


大家排隊塞個頭入去


呢架船好似可以搭


訓緊教嘅水獺



唔記得係咩雀嚟，但個樣好GAG


想講好多隻動物訓到我以為佢地死咗。。。


呢到都有水豚睇，但就隔咗塊玻璃
所以都係去神戶動物王國啦真係正好多(利申中立非打手)





企鵝sss


魔鬼魚
呢個大缸亦都係我麻麻地海游館嘅原因，開頭睇係幾正嘅，好多魚係到游，但當你行多幾ROUND都仲係睇緊個缸嘅時候就會覺得悶
所以呢到係未嚟過嘅話會好想嚟，嚟過嘅話就唔會想再嚟



海游館嘅主角，鯨鯊
不過每次睇佢游近真係好震撼嘅


以前玩ANIMAL CROSSING成日釣到嘅翻車魚，好憎佢地因為佢地係隻GAME都係鯊魚嘅形但我係想釣鯊魚


呢個係我係上一層影，我個下以為佢真係死咗


走到落去發現佢只係訓得好冧。。。


斧頭鯊
諗起細個成日寫咗做虎頭鯊


FINDING NEMO AND DORI~


影呢幅個時有個香港嘅男人同佢個FD講
我想食西蘭花炒鮮魷

爆字待續

G持下企鵝

DAY8 續


跟住就到水母萬花筒
到宜家都唔覺得水母有咩好睇




成個館係得呢區我係未睇過，因為對上一次嚟個陣維修緊
不過隻隻都瞓到咁。。。



訓得好冧



：你班友咪嘈我瞓教啦
印象中好似係有個𡃁仔係到叫


有得摸魚，不過我唔敢摸



摸魚區後面都有企鵝睇


每次見親呢啲公仔都諗究竟有邊個會買


頭先FOOD COURT食嘢已經見到珍珠奶茶舖行完出嚟即刻買番杯嚟飲
成個禮拜冇飲過珍珠奶茶真係好難頂呢杯算係幾正宗，不過咁細杯都要35蚊港紙




跟住行番去大阪港站搭地鐵返難波



搭中央線去阿波座站



然後轉千日前線返難波


時間尚早，搭一個站去新今宮行下
咁啱影埋高野號第二款車


又咁啱影到阪堺電車ADVENTUER WORLD特別塗裝
好想去一次ADVENTURE WORLD，不過要預兩日一夜係白浜或者和歌山先抵玩，專登大阪搭車過去一來一回都好嘥時間


又係行驚安


唔知點解好鍾意呢張相


行到差唔多就搭番車返難波
可能我日頭行又唔覺得新今宮好雜，其實住係呢到都幾方便嘅




當然係搭特急RAPIT去機場
去咁多次日本淨係得18年個次大阪返嚟，因為地震淨係開空港特急入機場，所以先同當地人迫車。我覺得無謂慳少少錢而唔搭特急，始終攞住行李唔想阻到人


特急RAPIT個設計真係好舒服同埋好靚(諗起下年要搭はるか)


係難波站見到有攤檔擺檔賣嘢食，買咗盒蕨餅試下
結論係蕨餅真係好難搵到好食，包括係日本


防彈不了



早咗到未開櫃所以四圍行下，係POKEMON STORE買咗隻關西空港限定比卡超


排頭幾個CHECK IN
埋到去俾PASSPORT個地勤，跟住佢就問我坐EXIT ROW O唔OK然後我就俾人UPGRADE咗去坐EXIT ROW


落樓下FOOD COURT食嘢先，除咗舊魚多骨咗少少都唔錯




入到去影下飛機，不過關西機場冇咩好影


係689都搭嘅UO689，呢個閘係影唔到架機



好闊落不過26F呢個位就要對住空姐有啲尷尬


落機補影番架機終於有橋用

全文完