[半毒遊] 2019.5 名古屋大阪遊記

G持樓豬
推

你就係豬

DAY4 續續


隔好遠都聞到陣味嘅象


因為真係好熱所以啲動物好多都匿係啲陰啲嘅位


台灣人氣插畫家

之後有再去北園個邊睇，但真係又熱又攰，就冇影到相我最後TOTAL淨係行咗兩粒鐘，好大機會都係因為天氣問題，令到我冇咩MOOD去睇動物，亦令到我對於東山嘅印象麻麻不過我覺得500円嚟講其實都多嘢睇，行埋植物園其實可以玩夠一日嘅，不過始終都開業好多年，難免入面啲嘢已經有啲殘舊但去名古屋又想睇動物嘅話都係值得去嘅，只係太曬太熱真係會行得好辛苦



跟住就搭番東山線過去栄食LUNCH，係PARCO 7樓嘅YOSHIMI GRILL食漢堡扒唔錯幾好食


然後基本上就周圍係啲百貨公司同商場行，因為出面真係太熱
冇雲真係曬到仆街


行到攰就搵咗間CAFE坐下，揀咗杯桃嘅唔知咩嘢飲，淨係記得好撚甜


坐到差唔多就返酒店攞行李去名古屋站
到臨走先影呢座塔話說我對於睇景嘅地方冇咩興趣，直至去完九州之後發現睇下風景都唔錯


又幾有特色，不過係我家姐同我講我先發現


搭櫻通線去名古屋站，櫻通線6050形


送咗我家姐去搭名鐵之後，我就正式開始毒遊
因為仲有啲時間先上車，我就上咗去名鐵站上面到行咗陣，見到間MUJI CAFE就入去食下嘢坐下我係香港冇食過，唔知係咪一樣做法，門口會有啲牌俾你攞(即係相入面個人牌)，用嚟俾你放係個位到先，即係霸位，然後你可以安心去買嘢食，唔駛驚有人搶你個位
朱古力蛋糕同MATCHA LATTE都好食同好飲另外其實佢啲正餐都幾正，好似食三餸飯嘅形式咁揀嘢食，下次去日本可能會去試下都好似係千鬆円，唔太貴

待續

可唔可以加速

好DAY4打多篇就完

DAY4 續續續

坐咗陣就夠鐘落去搭車咁今次我就揀咗搭近鐵
名古屋來往大阪其實就得3個方法，方別係最貴但最快嘅新幹線、中間價錢中間速度嘅近鐵特急，以及最慢但最平嘅巴士。可想而知其實好正路你一係就用錢買時間搭新幹線，一係就慢慢坐巴士去，近鐵點都唔會係考慮範圍入面，由其係佢貴巴士千幾円，但時間上只係快到半個鐘至九個字
亦都因為以上原因，所以我開頭係揀咗搭巴士嘅首先窮撚冇錢搭新幹線，其次大阪住嘅酒店係梅田，得巴士可以一程直達唔駛轉車，所以當初睇咗好耐最後係揀咗WILLER EXPRESS，單程3000円，星期六係特別貴啲，平日好多班次都係2500円
但之後發現近鐵做PROMO，網上訂飛嘅話有得減500円，即係3700円到就搭到。雖然仲要加埋難波上去梅田嘅地鐵錢，但係考慮到之後好少可有機會搭到近鐵特急，所以最後退咗張巴士飛轉買近鐵


食完MUJI CAFE落返去搵咗陣先搵到近鐵個入口，名古屋站都係有啲亂


網上買飛只係買咗特急卷，所以記住要買番飛先好入閘


宜家好似加咗價去到4340円



未夠鐘上車就緊係係月台影下車


名古屋往返大阪主要用URBAN LINER
不過我呢架好似係PLUS，NEXT好似係新啲
話說嚟緊換新車所以下次會再咁樣去應該都係搭近鐵


呢架係NEXT




因為要擺喼，所以就揀咗最後個排，後面有位可以放。啲位就同普通特急位差唔多，冇咩特別，不過好明顯見到有啲殘嘅感覺。另外我好唔好彩咁隔離有人坐，仲要係個有灰甲定唔知隻腳好污糟嘅大肥佬點解我會知佢隻腳係咁就係因為佢除咗隻鞋另外我覺得架車有啲焗，唔知係冇開大個冷氣定點



搭咗2個鐘就到難波站，然後轉御堂筋線去梅田




梅田站行十分鐘到就到酒店，HOTEL UNIZO2018年先落成，係阪急梅田站隔離，方便得嚟樓下又唔會太嘈，附近行兩分鐘就有FAMILY MART


間房都算幾大，開個28吋喼都有位開。另外本身好期待會唔會俾到間向住路軌嘅房我，但點知原來佢係磨砂玻璃咩都睇唔到


CHECK IN個時會送埋水俾你


因為去到酒店已經成十一點，所以懶得去搵嘢食，都係便利店解決算數
煙燻雞又出現日本便利店真係好正
BTW呢間酒店個雪櫃好神奇，係要自己啪掣先會開唔係本身開定

DAY4完

健康啊同埋真係好食

我自己睇到都覺得肚餓。。。

DAY5



嚟到大阪都係食番便利店早餐日本啲三文治世界第一好食，另外蘋果汁又出現啦



出發，去京都緊係要搭新快速130KM/H每次嚟關西都要搭一次


落到月台發現架車DELAY3分鐘不過睇個MON就會發現呢班新快速有啲唔同


呢班就係有A-SEAT嘅新快速JR西將其中一卡改做指定席位，不論搭幾遠都只需要俾多500円就有得坐不過本身新快速啲位就已經舒服，加上A-SEAT啲位其實同普通特急凳一樣，另外係冇得預先BOOK定，要上車同人爭



內部就係咁樣不過開車之後，啡色地板範圍係唔企得，企係入面冇坐都要收500円(好似係)，所以唔想咁迫嘅話呢500円都抵俾嘅，由其係新快速都多人搭
我就爭唔到位所以企足全程早知影完相去後幾卡坐算



30分鐘就到京都站新快速特色除咗會開到130KM/H之外，中間亦都只停新大阪同埋高槻站，唔計新幹線，係咁多種來往京阪方法入面最快嘅一種


落車見到隔離有架智頭急行HOT-7000形下年去岡山個邊會搭到，不過應該唔係搭呢款

待續

DAY5 續

其實本身較啱時間轉嵯峨野線去梅小路京都西，但點知竟然見到呢架クハ111即刻跳上車


雖然係舊車但都好好坐



為免耽誤後面嘅行程，所以搭一個站去山科落車，然後搭番轉頭(不過好似唔可以咁做，會當係不正乗車)


同京都站好似兩個世界咁


呢到都幾啱影車，見有兩三個人係到影


跟住搭番新快速(其實都係一個站)返京都


跟住行好遠路過去32號月台搭嵯峨野線15分鐘一班所以唔可以MISS
221系


是日目標，梅小惠路京都西
2019年3月16日啟用，目的在於便利去京都鐵道博物館，京都水族館同埋梅小路公園嘅遊客，以後去呢3個地方唔駛再行20分鐘過嚟或者搭巴士




影下月台



影影下途中見到特急經過
287系同埋681系
梅小路京都西淨係得各停列車會停不過15分鐘又唔係太耐嘅，因為等得嚟都未行到過去




出咗閘影下個站
本身PLAN咗去水族館，但因為去咗搭クハ111所以就放棄咗



搭番車過京都站，影下個站同埋京都塔，同成個京都最格格不入嘅建築物


點解無啦啦搭番過嚟京都站仲要出閘？就係因為要去京都塔下面買呢張PASS計過數買PASS好似會比起用IC CARD平幾百円到
話說買呢張PASS個時咁啱遇到個香港人STAFF，係外地聽到廣東話(唔係FROM遊客)總係有啲感動

待續下年再更

是日不催

不推文
樓主食咁多一定好肥

收聲啦

究竟中華冷麵有咩咁好食

食完唔會生cancer

DAY5 續
買完張PASS就入閘搭車去宇治
點知入閘個下見到月台有架GREEN OBJECT係到停緊即刻狗衝過去


趕得切係開之前個下落到月台，117系


跟住行去奈良線月台搭車
隔離205系嘅各停列車因為得各停列車經稲荷站，所以好多著和服嘅人上車


咁我當然唔同佢地逼搭遲啲開嘅みやこ路快速
221系


廿分鐘就到宇治


見番頭先早開啲嘅各停列車，所以如果搭各停係會早啲到不過首先各停多人，其次221系舒服啲，所以俾我都會等耐啲搭みやこ路快速


影下個站。係站隔離有個遊客中心嘅嘢有地圖攞，不過其實跟住啲人行都會行到過去




一定要嚟打卡嘅中村藤吉本店(好似係)，本身其實係想係到食，但因為太多人所以就影下相就閃


由JR站行過嚟商店街大約10分鐘到，雖然好近但因為個日熱到仆街，行到中途要入間超級市場涼冷氣


因為本店好多人，所以就去平等院呢間食雖然要等30定40個號碼，但其實都係等一粒鐘，附近行下都差唔多。不過呢間門口等位個到好鬼焗唔知係因為太熱定本身唔夠冷氣



好似又係打卡位，不過係幾靚嘅




冇俾錢睇到平等院太熱淨係想入冷氣地方行
不過再去嘅話會入去睇嘅




待續