[半毒遊] 2019.5 名古屋大阪遊記

勁難飲

香港好似唔見有得買

DAY3 續續續

行完就去番芸大通上車，不過就唔係搭去藤が丘方向，而係搭去八草
今次搭嘅係05號車


沿途經過間IKEA，唔知日本啲肉丸係咪一樣味


搭咗8分鐘到達リニモ嘅另一邊終點站，八草


嚟八草站就當然唔係去間大學參觀咁痴線，而係走嚟搭愛知環狀鐵道雖然佢個名叫環狀，其實條路線只係一條直線


2005年萬博個時呢個站曾經改名為萬博八草站



每個鐘頭3至4班車，係呢啲地方都算密車
今次就搭去高蔵寺方向



月台，唔係啲遊客會成日搭到嘅路線，所以都冇咩特別
話說リニモ八草站以前萬博個期曾經有3號月台嘅出現，但萬博之後因為客運量大跌而拆咗


架車到個陣掛住㩒電話所以影到咁
2000系用車，同JR東海313系同款
值得稱讚嘅係唔係用LONG SEAT，而係橫向座椅打對面(4個位)



高蔵寺站落車，補影番架車
高蔵寺站嘅愛知環狀線月台係JR東海嘅站舍入面(因為以前條線係東海)，所以過隔離就可以直接轉中央本線。咁點解要搭過嚟呢邊就係因為想試搭JR東海如果係市內行其實冇咩機會搭到


我諗高蔵寺站都算大站，總共3面5線


對面月台去名古屋嘅普通列車，211系


我搭嘅快速列車，都係211系
用LONG SEAT真係好惡頂


坐咗十零分鐘就到臭氧大曾根站


係月台到已經望到嚟大曾根站嘅目標



雖然係巴士，但整到好似地鐵站咁，仲分埋月台



開估，就係名古屋導軌BRTBRT意思指巴士捷運系統，就係將巴士好似地鐵咁運作，會有條專用嘅路線同埋月台俾巴士用，減低道路阻塞同埋有助穩定班次。而大曾根呢個特別之處除咗係高架橋外，亦都係有條引導軌道控制架車嘅方向，大概同香港迪士尼已經拆咗嘅馳車天地一樣，所以係呢段路到，除咗架車係巴士之外，其實同地鐵運作相差不遠不過導軌嘅運作淨係去到小幡綠地站，之後就同普通巴士一樣另外亦都因為有兩種模式，所以司機係需要攞兩種駕駛執照(好似係)


係車轆下面果個細轆就係用嚟係導軌到用


另外條巴士線其實係由高蔵寺出發，不過好似要搭成粒鐘先會到大曾根，加上得導軌個段係特別所以都係由大曾根出發啦。
因為我肚餓嘅關係同埋要返栄行POKEMON STORE所以就冇搭到架巴士，不過因為佢上車先俾錢，所以好似我咁上去月台打個卡係OK嘅

待續

ikea肉丸世界第一
除咗熱狗之外就係食呢樣

支持
七月去名古屋去左科學館同動物園
無去水族館同鐵路館
睇番你既遊記補完

科學館好唔好玩

麻麻
不過個planetarium好正
全球最大

DAY3 續啊

咁因為我要返去行POKEMON CENTER，所以就搭車返栄

咁最正路就係搭名城線返去，但搭名城線搭到有啲厭所以我就揀咗搭名鐵瀨戶線
名鐵瀨戶線開線時係由瀬戸電気鉄道持有，然後係1939年同名鐵合併，成為咗名鐵轄下嘅路線，所以係同名鐵其他路線冇互相交互，亦即係唔會去到名古屋站


栄町方向，亦即係呢日朝早食嘢個到附近



係名鐵月台可以望到下面JR嘅列車


去尾張瀨戶方向嘅普通列車


我搭嘅去栄町方向嘅普通列車，4000系


返到栄之後諗唔到食咩，最後係711買嘢食返酒店係日本便利店買嘢食其實都好正好好食
沿途經過間超市咁嘅嘢都賣黑糖珍珠奶茶日本人真係好鍾意珍珠，不過好多間都好伏


我嘅午餐/下午茶
煙燻雞第二次出現中華冷麵真係好好食又係我去親便利店都會買黑椒牛肉又係好啱送個麵
香港真係垃圾到死又貴


仲有買咗呢個，唔伏嘅，不過好肥





係酒店抖陣就去栄行下，例牌去TOWER RECORDS買碟，竟然俾我見到IZ*ONE簽名POSTER唔記得咗個時宣傳嚟過呢間分店


行埋POKEMON CENTER就去食飯，本身係想食名古屋手羽先，但又唔想淨係食雞翼所以就去咗鳥開総本家食順便嗌雞翼食


嗌咗最貴果個5號餐





個親子丼啲顏色真係好靚日本雞同蛋係唔同啲


串燒同雞翼都唔錯


最後仲有個焦糖布甸


我去個時轉咗年號都未夠一個月，所以周圍都係祝令和



雖然餐晚飯好飽，但宵夜都係必須嘅
呢隻果實冰好好食同埋呢個包裝開完可以慢慢食


POKEMON CENTER戰利品終於買到啲冷門嘅小精靈公仔
另外伊貝係每次嚟日本都要買返隻伊貝真係好可愛，但只限未進化，進咗化嘅都唔太靚

DAY3 完

push push work it out

Don't stop hey! work it out

求更

感謝推po

叫你po啊

屌我又揀咗不推文

po咗啦我本身打好但唔知解冇更到
好彩你提咗我

等我推

你終於等到

DAY4 續
如果搭果架小火車嘅話其實係植物園個到落車，所以要行多小小路先會有動物睇



第一樣睇到嘅係松鼠好得意



ツシマヤマネコ，SEARCH完都唔知咩嚟，大概係豹貓啲FRIEND掛
唔知係太熱定咁啱訓教時間，好多動物都訓晒


跟住行番落去湖個邊嘅主要園區


印象中湖邊定湖附近擺咗好多種鳥類係到


因為真係好熱嘅關係，一見到有室內嘅地方就閃入去



呢到啲樹熊真係好得意，好活躍，係衰在個館唔太大同埋好多人，所以都幾難貼得埋去影。
海洋公園果個就冇玻璃，但印象中好似去親都訓緊覺



郁得咁快好難影啊



跟住到北極熊出面仲有好大個area嘅，不過應該太熱所以唔想出去
另外呢到啲動物好多都會係個籠/活動範圍入面氹氹轉因為活動範圍真係太細，其實都幾唔人道


另外佢有啲動物係擺得好撚遠，放大都影唔撚到例如圖入面嘅長頸鹿

我仲記得有去睇獅子，但唔知點解搵唔到相。獅子又係有啲搵笨，因為多人睇，所以就要排住隊去影相，但隻獅子就坐咗係最高


企鵝睇相都覺得曬



熱到好多企鵝都企係呢啲噴水位



有啲直情匿埋

待續