[半毒遊] 2019.5 名古屋大阪遊記

但你好幽默

DAY6 續
跟住就到重頭戲餵鴨睇鯨頭鸛



佢個area都幾大，中間係個湖/池，啲鴨就係到游水


當然第一時間就係入嚟搵鯨頭鸛
R緊痕



佢就好似呢到嘅皇帝咁企咗係個平台上面
不過其實佢地係好蠢


呢區中間有個好似島仔咁嘅嘢，上面可以俾人行亦會有其他動物係到，為咗近距離啲睇佢就行咗上去好似偷影咁


俾佢發現咗




影多幾張


島上面就會有呢隻嘢



仲有鹿都會周圍行所以係可以超近距離接觸，又唔會咬人好過去奈良餵鹿


係呢到行嘅感覺好好，冇咗塊破玻璃隔住




係島上面嘅鴨ssss同埋雀ssss
基本上你攞住啲糧係手到佢地就會跟住你上次去有隻跟咗我好耐好得意



咁啱行到呢到見到佢地表演緊類似係高速滑翔過去對面





行到呢到見到第二隻鯨頭鸛



繼續鴨ssss



兜個圈返嚟見到隻鯨頭鸛訓咗係到



大鵬展翅好得意




收翼三部曲



隔咗陣就訓著咗


一路游一路搵嘢食



。。。。睇見都覺得辛苦


好CHILL嘅鹿



行多個圈返嚟又見到佢醒咗周圍望



另一邊個隻鯨頭鸛行近咗池邊
佢地一行埋池邊就會引到成堆人走埋去





真係好得意




擺番好POSE俾人影相

神戶動物王國完
DAY6待續

睇完即刻眼訓
多謝樓豬

邊個位令到你眼訓啊
見到鯨頭鸛應該要開心

見到待續就眼訓

我發現原來開咗po成半個月都未打完
更得好慢雖然都冇咩人睇

DAY6 續
得閒更埋剩低少少嘅DAY6


係月台影番落去嘅神戶動物王國，佔地真係唔大，就咁望都唔會覺得係動物園


搭番車出三宮站食嘢，食RED ROCK牛肉飯
佢係神戶三宮附近都多分店，我就揀咗呢間係三宮站行5分鐘就起到嘅分店，不過呢間嘢係二樓，啲樓梯斜到仆街


因為係神戶動物王國食咗嘢，所以就嗌咗唔記得細飯定係中飯都好食嘅，下次再去試另一款薄牛肉片個隻


本身原定係去明石大橋，但因為天氣麻麻，個日食完飯又有啲眼訓(飯氣攻心？)，所以就返酒店抖下算
係JR站月台係會睇到隔離阪急嘅車經過山陽電鐵3000系



搭JR就當然搭新快速返去
好似第一次坐225系新快速


大阪站落車，對面去高槻嘅321系


係附近兜咗陣，專登唔行平時行開個條路，發現原來呢邊旺好多


呢到間TOWER RECORDS都有IZONE簽名POSTER
計埋九州個次好似見過3次



係FAMILY MART買咗啲嘢返酒店食
終於破例買咗炸雞嚟食我覺得FAMILY MART係最好食



另外買咗呢兩個。。。其實排便暢通，只係以防萬一



抖咗陣就去日本橋行下買下巴士
當然係可以搭御堂筋線起難波再行過去但搭咗好多次搭到有啲悶，決定搭到去動物園前站再轉堺筋線去惠美須町站落車
咁啱搭到阪急直通運轉嘅車再一次讚嘆阪急啲車真係好靚



日本橋其實都係去SUPER DEN DEN LAND到買嘢


另外去咗NAMBA CITY下面間書店到睇嘢，呢間書店入面有一大個位賣好多鐵道周邊


朝聖下難波團嘅舖頭


又去咗間激安到兜，咁啱個日難波團有劇場公演



係難波到行咁耐就係等夠鐘食國產牛
出發之前搵燒肉舖見到好多台仔BLOG推薦，又話抵食，又坐得舒服咁就決定去試下
不過呢間嘢其實唔係幾啱一個人嚟食
首先BOOK位個時得本町呢間俾一個人嚟食，其他分店都要兩個人或以上。其次佢所有枱都好大張一個食真係羞恥度MAX。同埋又唔係獨立個室隔開，所以就會見到隔離左右都好開心咁食但得你自己一個毒毒食
不過撇除上面嘅嘢我覺得嘢食質素都幾好嘅，又好多唔同款式揀，4000円嚟講都值嘅 (香港出去食燒肉都200幾蚊啦，仲要唔知俾咩肉你)






我大約嗌咗三ROUND
佢呢到都會有中英MENU，所以唔駛驚睇唔明基本上你指圖俾啲STAFF睇就得


任食嘅部分係唔包甜品甜品淨係可以揀一款嚟試

雖然係唔錯，不過下次去獨遊都係食一人燒肉算等有人陪先再嚟呢到食

DAY6 完

已經對台仔推介有D保留
佢地既味覺同我地都幾唔一樣

台仔真係咩都話好食
或者就算唔太好食都會講還可以
不過好彩呢間冇中到伏

一路都想去神戶動物王國睇 正
有冇睇貓頭鷹表演？
阪急真係高汁

神戶動物王國真係好正，去關西要睇動物必去
另外都想去白浜個ADVENTURE WORLD，但專登搭3個鐘車去有啲癲

冇睇表演啊
反而係呢到鍾意自己行自己周圍睇
啱啱睇番係鯨頭鸛個到都玩咗成粒鐘

食腳皮

食腳皮

我覺得好奇怪唔敢試

DAY7
終於更到DAY7

一起身就見到咁其實第六日係神戶個天已經陰陰地仲要好大風
咁落雨都要照出去嘅，冇理由係商場行街

今日計劃係去岬公園同埋睇貓站長，岬公園同東山動植物園差唔多，又係有遊樂設施+動物園 而岬公園夏天就有埋水上樂園
另外因為岬公園係南海旗下，所以係園區入面有個電車園地，介紹南海電車，可以當係南海嘅鐵道博物館


因為去岬公園淨係可以搭南海車，所以就走咗去難波搭。另外買咗張2DAY PASS因為第二日返機場都會搭到。呢張PASS嘅特別之處係可以唔駛連續兩日用



買完PASS咁啱走咗班車，就去隔離間M記食早餐
每次去日本必食嘅熱香餅版豬柳強真係好好食
希望香港唔好出


跟住上咗月台影下車等車
空港急行嘅8300系


其實南海難波站同阪急梅田站都幾似
不過緊係阪急果個靚啲


搭0945嘅特急SOUTHERN
特急SOUTHERN淨係得頭4卡係指定席，其餘4卡都係自由席，不過就係普通LONG SEAT，我覺得510円去坐指定席都抵嘅，始終要坐成粒鐘


買指定席飛可以用月台上面呢部機，不過好似開車前10定15分鐘先會俾買
我入咗幾次都入唔到先發現呢樣嘢


指定席飛


車到，12000系



影下個車身，個LOGO幾靚黃色係海岸線，藍色係南海本線



510円抵俾嘅原係因為冇咩人坐
真係好靜好舒服


張凳就係普通特急凳啦，可以挨後



搭咗9個字就到岬公園
一睇個天就知天氣麻麻，同早幾日差勁遠


咁啱見到多奈川線嘅列車


因為隔離個岬公園，所以個廁所標誌都CUTE啲


車站入口


望到呢張相都勾番起個日可怕嘅經歷
去到岬公園突然落好大雨，本身諗住搭遮都頂得順，點知行咗幾步就勁大風加勁大雨仲要佢全程都係露天冇遮冇掩


終於行到去門口係有瓦遮頭嘅位等咗陣諗住等細啲雨
但越等越大雨仲要啲雨撇晒入嚟搞到我個陣全身已經濕晒
最後都係放棄入去行，因為應該越行越冇癮，又大雨又濕撚晒

不過冇得入去真係好可惜岬公園好似今年3月就收皮，再冇機會去多次

待續

隻鯨頭鸛好得意
嚟緊都會去神户動物王國
諗緊去唔去埋神户水族館

之前去過大阪海遊館幾好
同天王寺動物園 但麻麻地

識貨

原來神戶都有水族館
我覺得海游館其實幾無聊兜嚟兜去都係同一個缸
第一次去幾正 第二次去有啲悶
天王寺好似出咗名垃圾不過係夠方便囉

岬公園有咩睇

岬公園有咩睇

做咩3月咁快收皮

其實本身想睇動物見到有動物園都會想去下
另外個電車園地有擺南海車頭
得台仔blog寫得詳細啲
https://www.bigfang.tw/blog/post/nankai-misaki
其實都偏小朋友向 大概同東京多摩果個京王RAIL LAND差唔多

https://business.nikkei.com/atcl/NBD/19/00115/00023/

應該冇咩人去掛(?)
利申日文N700

呢間野幾好住
係無浴場姐
開幕2個月就入住

神户水族館係須磨嗰邊
不過我自己都未去過
嚟緊神戶動物王國就去硬
仲有個京都水族館仲諗緊

之前去天王寺又細又熱
睇住隻北極熊好慘咁攤

呢間野幾好住
係無浴場姐
開幕2個月就入住

新酒店係好住啲
同埋間酒店房都算大 諗起apa個啲