[半毒遊] 2019.5 名古屋大阪遊記

咁講嘅話佢應該要po埋飛機

要變鐵膠了

有冇俾300定500yen去坐車

DAY3

終於打到第三日好似太長氣

名古屋嘅早餐當然都係落街食
呢日揀嘅係コンパル，係栄嘅地下街，近名鐵栄町站
間嘢俾我嘅感覺就好似香港啲茶餐廳咁裝修同嘢食都唔會有好多花巧嘢，但都係好食嘅總知就好有日本特色我都唔知講緊嘅咩





嗌咗份乜都有嘅熱狗同炸豬排三文治，嘢飲就嗌咗綠茶牛奶
雖然味道同賣相冇其他舖頭咁特別，但都係好食嘅
不過唯一要彈嘅就係呢間嘢唔似コメダ珈琲店咁有分吸煙區同非吸煙區，所以成間都係煙味


之後就我自己去周圍行首先搭東山線去藤が丘站
5050形



落車做鐵膠影咗陣相唔知點解影極都見唔到N1000形



嚟到藤が丘都係得一個原因，就係嚟搭リニモ
リニモ係一條磁浮列車線，當初係因為2005年愛知世博會而起，所以佢嘅定線遠離人口稠密嘅地區，純粹用作接駁會場用途，結果就係完咗個世博之後客量嚴重不足例如個陶瓷資料館南站同陶瓷館距離好遠，兼且附近冇咩其他建築物所以好多站都變晒冇人站，除咗藤が丘，愛。地球博紀念公園同埋八草站




係站長室有得買周邊產品(得上面講嘅三個無人站先有得買)リニモ車當然要買，仲買咗個狗車長POSTCARD好得意



リニモ每個站都會有唔同嘅標誌



リニモ係無人列車，所以緊係要坐車頭位磁浮列車真係好靜同埋坐起上嚟好定，係中央新幹線通車之前要試磁浮列車就只可以去呢到鬼國上海不了


芸大通站落車站名後面啲括住埋我今日嘅目的地


要係高架站先影得好架車
我搭呢架係01號車，亦即係上面玩具車個架

待續

戶外坐細車兜圈果個

留名等九州遊記

唔知幾時先完呢篇
九州去得仲CHUR 應該仲多嘢打

東山動物園啊啊啊

推到有為止先收手

每日一推

做咩咁期待
但我覺得東山麻麻好行

不過我個日東山都唔係行咗好耐
最主要係個日好撚熱同好撚曬行到差啲中暑
所以係揀動物嚟睇
同埋我淨係去咗動物冇去植物個邊，我見啲人行晒成個園都可以玩一日
我就淨係行咗幾粒鐘已經頂唔順

落雨sosad我記得去個日都係陰天 玩完之後就落雨

DAY3 續

呢到就寫芸大通站行5分鐘就會去到TOYOTA MUSEUM，但5分鐘其實只係行到去個路口位


TOYOTA MUSEUM個建築好顯眼，基本上一出站就會望到，唔洗驚蕩失路


5分鐘基本上就係行到呢個牌嘅位再入去段路大約3分鐘到



個日天氣好好，配埋綠悠悠嘅樹同埋草，影出嚟啲相靚之餘行起上嚟都身心舒暢


門口必有嘅打卡位毒撚自己嚟就影個牌算數



入場券自己去啲售票機到㩒，唔知係冇咩人定平時都係咁，隔離服務台嘅姐姐會走嚟問你係邊到嚟，然後會俾本FLOOR PLAN你。佢知道我係香港嚟之後俾咗本繁體中文我我愛姐姐
BTW上網睇過如果買呢個館同埋產業技術紀念館嘅JOINT TICKET淨係需要1400円，呢個館就咁入場都要1200円，所以如果會兩個館去晒可以買JOINT TICKET


上扶手電梯前有架TOYOTA AA型車，係TOYOTA第一款車

呢個館雖然係TOYOTA嘅館，但實際上入面嘅展覽內容係講汽車嘅發展歷史，所以入面係咩牌子咩產地嘅車都會見到，唔係淨係得TOYOTA嘅車
同埋佢有個APPS專FOR語音導賞，去之前可以預先DOWNLOAD定先



基本上你跟住地下箭咀嚟行就一定係順住時間咁睇，不過我好似最後都係亂咁嚟
第一層最開頭就係西方國家嘅車，以前搭車可能係因為得有錢人先搭到，所以設計望落特別高貴



見到呢啲車我淨係諗起BACK TO THE FUTURE
我好似行到呢個位發覺我對於私家車嘅興趣唔太大，古董車更加冇興趣所以行得好快，相都冇咩點影



雖然冇咩興趣，但古董車好多都望落好型




待續

DAY3 再續


上到二樓，即係最高個層，就會見到架TOYOPET CROWN RS，係第一架國產車，冇外國嘅技術合作







以前啲車嘅設計到宜家呢刻睇番都幾新潮




行到最後個PART終於有啲熟悉啲嘅車


AE86


見到呢架嘢就諗起香港啲電動輪椅廢老






基本上睇完上面架電動輪椅之後，汽車館個一PART就已經睇晒，之後就可以經天橋行過去文化館個邊繼續睇



文化館二樓有常設展覽區，展示4000幾件汽車文化資料，例如POSTER，玩具等等，我覺得最好睇係呢PART






畫功真係好
基本上去完文化館二樓就行完成個TOYOYA MUSEUM


一定有嘅跌錢位，但我係到冇買到嘢



另外係呢個位有個用LEGO整嘅場景，當然有砌到架リニモ出嚟




係博物館門口擺咗架巴士係到，可以上去參觀


另外係隔離停車場位擺咗架2005年博覽會展示過(?)嘅巴士，雖然係14年前嘅產物，但個LOOK都係好型好先進


嚟到日本好鍾意買有味水飲但都係得水果同檸檬茶味好飲，其他個啲都好難飲




臨走之前上咗博物館隔離嘅草地，就係好普通嘅一塊草地不過啱TIMING嘅話就會影到博物館個牌同リニモ嘅合照另外呢到個VIEW都唔錯

如果平時對於私家車同埋古董車好有研究嘅話，我深信呢個館係幾啱行但如果好似我咁只係平時有買下トミカ車，對於私家車冇好深入嘅認識嘅話，我就覺得唔太抵去當然如果想試搭リニモ但又唔想咁ON9淨係搭車冇景點嘅話都可以嚟嘅

待續