[2019] [跟住台長去檳城] 北馬來西亞6日之旅

多謝

Day 2 檳園茶室 - 張弼士故居 - Penang Time Tunnel - Penang Town Hall - Little India - 牛干冬街

度假當然瞓晏啲，咁我由夜晚十一點瞓到朝早十一點。
一起身個東主成家喺到幫啲房拍宣傳相。

起身完梳洗得嚟已經十二點，係時候落去食brunch。



呢餐去間野係由間酒店過條馬路轉個彎就到。今日去間野喺Lebuh Carnarvon，叫檳園茶室。
無啦啦個天好陰。

行兩步就到了。講檳園茶室未必知係咩，不過一講老虎炒粿條就個個檳城人都知。




檳城其中一樣最出名就係炒粿條。炒粿條即係炒河粉（aka炒貴刁，唔知邊個天才將炒貴刁引入香港變左用黃薑炒，明明本來係用豉油汁做底），而檳城炒粿條會用芽菜，蛋，蝦，螄蚶，等等材料即炒（如果你係去冰室食），火侯十足。老虎炒粿條呢檔野傳左三代，由1940年代做到宜家，所以啲味道都比較傳統。

老虎炒粿條特別之處係用左豬油同臘味去炒，而佢係可以加鴨蛋炒。 即使我碟野用左雞蛋炒，都係非常之香口同埋惹味，同埋芽菜同海鮮都係新鮮，係非常之夠味。 (打到呢度好想食返碟)
不過香港炒唔返呢種味，一來水土問題啲芽菜同河粉喺香港唔太好食，二來香港無咩餐廳可以做到咁有鑊氣同埋咁抵

食食下有個local同我吹水。
"You come from where?" "Hong Kong"
"For you the food here is very cheap" "Yes arr so I ordered two, this (炒粿條) in Hong Kong sell $40+"
咁我就叫多碗Lo Mee，即係滷麵。顧名思義即係用滷汁煮麵。碗野有滷豬肉，豬皮etc。咁碗野其實都幾濃，個汁都幾杰。我自己食落就一般般，食過就算。

兩碟野加埋11.5 MYR，平過香港喺U食。食完之後喺街角見到炒粿角，即係用炒粿條嘅汁去炒蘿蔔糕。不過我食到飽晒無胃口去試。
馬拉人其實好懶，呢檔野係開朝早８點收下午兩點。我發現佢地啲餐廳營業時間好短，一係淨做早午市，一係開夜晚６點收11-12點。唔多餐廳會開成日。

又無打日期
Day 2: 19/5

食飽飯之後就行街街。
不過一食完行出去之後就無啦啦落雨
咁惟有避雨先。

落左一陣之後，就無雨了。熱帶啲妖怪天氣，一係好撚曬，有時可以突然間落好大雨。




跟住我行去下一個景點，沿途啲街同建築好復古。










呢個景點係張弼士故居

呢間屋個屋主係有條叫張弼士(Cheong Fat Tze)嘅友仔。咁以前中國土地上啲人會逃出中國出外搵食，雖然宜家都係。咁南洋就好多呢啲華人，張弼士就係其中一個。咁佢有咩特別? 就係佢撈得特別掂，做埋清朝駐檳城副領事。
咁呢間1897年起嘅屋成間都係藍色，係馬來西亞現存嘅最大中式園林住宅。咁因為條友撈得掂，所以佢用靚料起屋，啲料由廣東至蘇格蘭都有。


寵物又係時候出場。

屌你想出文又開始DDOS

檳園炒粿條我都有食
好正 好好味 夠鑊氣

呢間夠味
汕頭街四大天王個間炒粿條唔夠入味

瞓醒繼續

好油 唔岩我

無油嘅炒粿條

間mansion係有得跟團行，咁我就去左跟團。
個團一開始就講下中國人落南洋背景，同埋介紹下個大廳。




大廳行入去就係天井，咁中式庭園好中意喺中間整個露天空間。個導遊就介紹話中國人好信風水，同埋風水係科學。 風係指空氣流通，個天井可以換氣。水係指可以方便排水，個天井下面有啲排水渠。同埋水為財，流動的水代表錢多啲。又比你解得通風水係科學，ok you win。

又咁多負評

唔緊要
我一直追緊post

行左中間庭園之後就睇下旁邊庭園，旁邊啲花園啲房宜家改建做酒店房。




跟住行上上層了。呢度開始介紹間屋開始翻新。

下一塊展板介紹下啲清朝時裝同佢第７位老婆，同隔離航空討論區某著名會員一樣都係姓Tan（陳）。

再隔離係啲當時用過啲衫，襪，碗之類嘅野，同埋洞房的床。





行到最尾就講間屋翻新完畢。

啱啱有新正評

行完之後，覺得間屋保養得幾好，保留到當時嘅格局同埋樣貌，唔會話好重商業味。
btw 間屋有間fine dining餐廳，想約女炫富有high class feel嘅朋友可以去食下。不過我覺得價格係中環level，又唔係食地道野。比我就留番食海鮮好過。(Price in MYR, MYR:HKD ~ 1:1.9)

https://www.cheongfatttzemansion.com/restaurants/indigo-at-the-blue-mansion/

行完之後落去下面係手信鋪，佢賣啲postcard我覺得都幾有特色。 行行下醒起朋友T次次強迫叫我買手信同寫postcard，咁我惟有喺到放低馬幣。　唔係之後返香港佢實煩死我



臨走之前影下個大廳先。太靚仔唔出樣了，費事嚇走晒啲讀者 P返隻連豬就啱啱好



行完呢座blue mansion之後，我就開始行去海邊。

推
頭先負評左自己post

今晚無遊記就講個笑話
我有精神病的老豆話中國未來好強大 未來啲人踴躍移民中國
我諗精神錯亂先講得出啲咁嘅野

行完Blue Mansion之後我就行去海邊。＇
雨後街景
途中行過一間酒店。



I love Penang，自從I love Amsterdam之後呢種牌全球都有。



跟住行過Penang High Court，Georgetown近海個邊係有好多英式建築。




行多兩步就行到下個景點，就係時光隧道博物館。

係咪得我覺得I love Penang塊牌有D怪

隻字體同平時類似啲牌有啲唔同

I made a lunch reservation at Tai Jo restaurant for quarter to one next sunday for two people.

呢個博物館有分上下兩層，下層係講下檳城近代歷史，上層係set好左啲痴線背景之後比人影相，如果一大班朋友或者男女朋友唔好講啲我無嘅野入去玩會好開心。佢歷史展區係有BB版，比啲覺得正文太長唔想睇簡稱TLDR嘅人去睇。

咁以前檳城州係吉打王國治下，咁入面就係得馬拉人同埋著草去南洋謀生嘅華人。順帶一提馬來西亞係有個吉打州，係以前吉打王國嘅領土，位置係檳城州以北，亦即係Day 5 我去亞羅士打個到。明朝鄭和下西洋中國地圖叫呢啲檳榔嶼，因為盛產檳榔。(不過好似無見過有得賣)




跟住去到1786年，英國想同中國通商，想喺南洋有立腳點。當時英國最近據點係印度，但係荷蘭人佔據左馬六甲同埋爪哇。之後英國人同吉打班土著傾好左，就派左總督萊特喺檳城島登陸。而第一座城叫Georgetown，向英皇致敬。

I like beef served with onion in Cho restaurant. The inside of the meat is raw whereas the outer surface is cooked. Onion can be eaten raw or cooked

I also made a dinner reservation at the restaurant for two people for ten to nine tomorrow. I'm counting down the hours until i dine there with my girlfriend.