成都冰室係汕頭街同食老虎炒粿條個條街交界。
去到個時係一點鐘,整蠔煎檔野係到準備緊,佢話半個鐘後先開檔。
咁我返左入酒店坐陣先。咁因此實在太無聊,我決定同東主個女吹下水。佢望落似中學生,想知佢點解日日咁得閒睇鋪唔洗返學。
問完先知原來佢讀完中學之後就無再接受教育,出嚟幫手看鋪。馬來西亞啲華人好難升大學,再加上啲赤納粹媒體洗腦,令佢地普遍對世界有錯誤認知,好似有啲藍絲咁,簡單啲講係班快樂的傻瓜。
傾傾下差唔多夠鐘食飯,咁我就行返去成都冰室,順手online check-in埋兩日後國泰返香港航班。
坐低叫杯野飲之後就有條友向我sell份蠔煎,我就要左份細蠔煎,盛慧11馬幣
,跟住叫多碗粿條湯就正式開餐。
首先嚟嘅係粿條湯。
其實粿條湯即係湯河粉,不過呢檔嘅粿條湯係比較特別,唔係平時檳城食開個啲。呢檔粿條湯係mix麵底,碗野都比較多豬肉。所以呢個粿條湯比較濃味,湯頭有豬潤令到成碗野好有鮮味。
跟住上碟嘅係新鮮滾熱辣嘅蠔煎,蠔煎嘅馬來文係O Chi。
碟野啲蠔係比較散,望落似炒野,唔同係香港潮州鋪同台灣食到個啲,係一塊餅咁。
見到佢倒粉漿落啲蠔到煎,個蠔煎起晒火咁
場景好似火焰牛柳咁好重火侯,所以呢個蠔煎係好好食,啲蠔都幾新鮮同埋都足料。
不過食食下有個乞丐入嚟乞錢
,問我可唔可以比5 MYR佢。
咁我一睇就知佢見我遊客樣想呃飯食,當然彩佢都傻,一野車埋去話no money la on9。
點知呢條友知我醒水呃我唔到,跟住發爛咋屌9我話no money?
How come you have money eat this.
我啲錢點用關你撚事咩
,我決定無視佢繼續享受美食。
佢見到自己成個on9仔咁最後敗走。
跟著個店員望一望我,暗示條友成日嚟呃錢。
食完之後仆你個街無啦啦落雨,南洋啲天氣真係痴撚線,都係返酒店瞓晏覺。