咁我去完T2見證埋T2最後時光,就返返去T1接機。T2真係機管局失敗規劃之作,用左十幾年就拆,完全係倒錢落海。
返到T1有個friend嚟左,我同佢行陣機場吹陣水。平時去機場都係9衝安檢入Gate,所以我地係Check in Counter行左陣,
扮自己有得上飛機去旅行。
其實主要想睇下CX作為地主個check in counter有咩特別,因為我見過SQ EK個啲係主場嘅check in counter有特別野。
結論係因為土地問題,CX Premium Check in個counter雖然係幾優雅,應有嘅element都有,但是個空間感一般般,以一個Premium Passenger而言有小小壓迫感。有機會都想坐下重光後嘅CX
無敵組合 嘅premium class。
希望有下次坐CX。
最後,朋友K由地球另一邊坐左十幾個鐘頭返嚟,佢因為行李無位所以著住大褸返嚟。
大家可以見到佢非常喜歡打扮,係一個商務客嘅衣著落機,唔講以為入左CX F Lounge歎左陣先出嚟。
我就喺南洋度假返嚟所以衣著就是旦啦。
Budget Plan
Hotel 60 MYR/Night + 6% GST
Transport 120.4 MYR
Entrance Fee 177 MYR
Food 181.2 MYR
Air Travel 2055 HKD
酒店方面,雖然朋友A話Kimberly 24啲燈光望落有啲恐怖
盞燈暗啲姐同埋黃色燈,其實我覺得ok,張床舒服同埋地理位置好,方便下午返酒店避暑瞓覺,同埋東主一家都係好人。當然,對羊教授住個間有錢大家可以試。
交通方面,我Day 5比人抬價左一程先咁貴。
Grab 對我地本身唔貴,PEN 出市區Georgetown大約20 MYR一程,你call車前會睇到價錢,同埋內置通訊軟件,簡直係南洋神器。
除左call車之外,你可以用嚟叫電單車,外賣etc。
食方面,去南洋可以試下土豪係咩感覺。我會話夜市,Food Stall 10-15 MYR可以食到兩樣主食(炒粿條, 蝦麵, 咖喱麵呢類),正常應該飽
。食海鮮,娘惹菜就貴啲啲。
機票方面,南洋熱門航點直飛應該來回1000-1500,CX直航係咁上下~2000 HKD。
咁去得南洋就當然係度假,玩樂我無咩洗費,我同個intern同事朋友Y分享旅行經驗,我話我由夜晚11瞓到朝早11,跟著食下野行下返去瞓晏覺夜晚先出返嚟,跟著佢個反應係呢個樣:
手信
檳城手信我買左肉骨茶,同埋MyKulai Curry Mee同Prawn Mee。
呢個牌子係攞獎。
肉骨茶已經比我屋企人拋左去黑洞,所以淨係講Curry Mee同Hokken Prawn Mee。包裝係呢個樣,麵餅係公仔麵,未食過馬來西亞野未必慣,因為都幾辣。
Curry Mee係咁嘅樣,Curry Mee個湯包有兩個,一個係奶粉,要凍水落如果唔係好難溶,另一個係檳城蝦膏。呢款麵係比較辣,係正宗馬來西亞風味,不過始終同檳城食差啲。
Hokken Prawn Mee就係呢個樣,老實落左檳城蝦膏個成品差唔多。呢個係好有蝦味,湯底煮出嚟同檳城食到差唔多,好有檳城感覺。
都係好有蝦味,有啲辣不過越食越上癮。我仲攞去做邊爐湯底。
全篇完