二零五零年 – 我女神係暴徒

我地三個人迫埋一齊望向平板電腦…影片既解像度非常差, 片中閉路電視既角度只係拍住一個碼頭既出入口…隱約見到畫面既遠處有好多個貨櫃, 然後陸續有好多人出出入入, 影片播放左大約十秒左右, 影片就咁完結左。

「吓??」「吓??」「吓??」 本身迫埋一齊既我地, 三個人不約而同發出同樣既聲音。 校長更加伸手摸向自己塊面, 佢再三確定自己有正常戴住眼鏡之後, 表情先至鬆一口氣。

我望向光頭佬, 佢一副胸有成竹既表情望住我地。「片段這樣就完了嗎? 我到底看了些什麼啊? 就一堆人在出入口進出而已嘛?!」 我明明視力正常, 但我金睛火眼望住條片…完全睇唔到有咩特別, 我同迪儀、校長三個人你眼望我眼…大家都搖搖頭, 毫無頭緒。

「對啊! 完了啊! 拍得很清楚了啊! 其中一個進入碼頭的就是黃先生了! 就是赤腳的那個男人啊! 正常人哪會赤腳進入碼頭的, 一定是他了!」 到底係乜野推理邏輯?! 咁都得?! 咁沙灘上面咁多人赤腳, 咪有好多個迪輝?!

我地再次重覆播放錄像…三個人再次集中精神觀察每個進入碼頭既人, 今次重特別將視線聚焦係每個人既腳部…由於片段既解像度異常地低, 每個人既腳部係畫面上都只係一格一格咁, 最後…我地終於望見一雙肉色既腳! 但係…

「我弟弟的身材不是這樣的啊…片段中的是一個大胖子…怎麼可能是我弟弟啊?? 而且…而且…」你班死黑警到要折磨迪儀折磨到幾時…不斷拎一堆垃圾證據出黎…你地班人有冇腦嫁?! 要呃人都將堆證據整好少少丫…

我稍微用力握一握迪儀隻手, 示意等我講埋落去。 「而且那雙所謂赤腳…只是剛好那雙鞋是肉色吧…你看仔細一點…有個白色鞋底的啊…!」

「我不知道! 我沒看到! 可能你弟突然變胖了吧! 你都很久沒見他了吧?! 說不準啊!! 至於什麼白色鞋底啊…?! 我不知道! 我沒看到!」光頭佬再次扮野側頭望向天花板…跟住同樣地再吹起口哨上黎。

「但…我剛剛認屍時才見到我弟的屍體啊…!! 他骨瘦如柴啊…!! 你們要戲弄我們到什麼時候啊!! 啊…!! 你們…!!」「啪!」迪儀再次激動起上黎…一手拍左落枱度。

「小姐, 我給你第一次警告啊! 你好好保持克制啊! 否則我拉你回警署強…不! 是告你襲警啊!」死黑警強你老母咩…! 你敢郁迪儀一條毛我都同你搏命。

「強你娘親嗎?! 襲你屁股啊?! 你們都這樣威嚇死者家屬的嗎?? 是你們工作不到位啊! 這些狗屁一樣的所謂證據, 騙誰啊?!」光頭佬無反駁我, 亦都無回應我, 我將視線放番去錄像果度, 其實呢條片重有最後一個好重要既問題。

「上尉! 還有一個很奇怪的問題…你們在海上找到黃先生的時間是什麼時間點啊? 怎麼片段上顯時的閉路電視時間會是昨天的早上?! 明明牛頭角警署的張少校跟我提過黃先生是今早才離開警署的! 怎麼會是昨天走進碼頭呢?!」

「我們沒看到手錶啊! 你們看不到外面海上很多船在航行嗎?! 海上很亂的啊! 我們哪有時間可以做什麼事都看看手錶呢! 所以我不知道! 我也沒看到!」

個武警牽強咗少少

個人認為佢哋應該一係擺明車馬話我殺撚咗佢
或者掩飾少少 or 零證據

依家唔嗲唔吊有啲古怪？

因為根本唔係為左解釋而帶佢地去傾
下一章會有交代。

追到live

多謝你有睇
有問題即係有睇, 好開心

「你…你們怎麼可以…」正當我想繼續追問光頭佬之際, 突然光頭佬由座位上企左係身, 佢舉頭望一望會客室果個時鐘…露出左少少奸笑, 就開始急步行去會客室既門口, 似乎想離開。

「喂! 我們還沒說完啊! 你去哪啊?!」光頭佬繼續行, 背向我地講…「我很忙的啊! 突然想起有事情要做, 先逃…不! 先走了! 有什麼你們找武警公關部詢問吧!」

公你老母咩! 問你案情關公關部乜野事呀?! 我追住佢急步行到出黎走廊…見到佢已經跑到去走廊既盡頭, 明明做野咁慢, 乜佢地走佬走得咁快既?! 「喂! 禿頭武警! 回來啊!」光頭佬聽到禿頭兩個字既時候, 稍為停左落黎回頭望向我, 神情充滿殺氣…我都打左個冷震, 但好快佢就繼續跑走左。

真係奇怪, 點解光頭佬帶得我地黎會客室傾, 但係又傾傾下走左去…佢地無理由真係蠢到覺得果堆證據呃到人嫁?! 就算真係咁蠢…件事都唔合理丫…佢地大不了一開始就拒絕同我地解釋咪得囉, 一定有古怪。

突然腦海中浮現番佢幾個舉動…認屍室門前既眼色、破綻百出既證據、經常舉頭望向天花既…既…?! 我呢一刻都舉頭望向天花板…佢經常望方向, 佢…佢一直望緊個時鐘…?! 「完蛋! 我們快點回認屍室! 他們好像有陰謀…由剛才開始整件事奇奇怪怪的…!」

我地跑到番去認屍室…認屍室既大門開左…裡面…金屬枱上既白布揭開左, 枱上無野既?! 迪儀衝向裡面既職員…「我弟弟呢?! 我弟弟的遺體在哪裡啊?! 剛剛明明還在這裡的啊…! 還好好的躺在這裡的啊!」

「小姐…死…死者…啊…已…」 職員神情無奈…欲言又止咁樣, 我知道…又出事了, 我地一定係中左計…

迪儀握住職員既兩邊膊頭, 不斷前後搖晃住職員既身體。職員並無阻止佢…滿臉無奈同傷感咁默默望住迪儀, 任由迪儀一下又一下咁搖晃佢。

「黃小姐…死…死者的遺體…已…已經送往火葬場了…對不起…!」職員低下頭…唔敢望向迪儀雙眼。

「已…已經送往火葬場?? 怎麼可能啊…!!! 我都還沒簽名呢!!! 都沒簽名啊! 沒簽啊! 誰讓你們把我弟弟拿去燒了啊?!」迪儀加重左雙手搖晃既力度…我地果然棋差一著…中左調虎離山之計。

職員伸手指向枱面上既文件…我行埋去一睇, 係一份死亡登記證明書同火葬許可證既影印本…上面重有「王迪儀」三隻字既簽名…又係咁樣。我將文件遞向迪儀…迪儀接住文件一望…佢雙腳一軟就跪左係地下, 淚水再次由佢雙眼奔騰出黎。

我扯起迪儀隻手…「不要放棄!! 火葬場就在旁邊…我們現在跑過去可能還有機會…!!」迪儀聽完之後…努力爬起身, 我地開始左奔跑。

都估到，屌

因為我好想寫呢件事
所以呢PART既走向大家都會估到

Lm

Dklm

自推

P推

推寫多d

Lm

高質 推

我地跑到出去公眾殮房既門口…抬頭望向山上…一絲絲既煙不斷由山上既建築物飄向天上面。我地知道噴出煙既地方…果度就係目的地。

我地沿住殮房後面既樓梯一路向山上前進, 校長行唔夠幾級已經停低透緊大氣, 可惜我無帶氧氣筒, 實在愛莫能助。我唯有拉住迪儀隻手一直向上跑, 準確黎講係迪儀拉實我隻手扯住我向上跑, 因為其實我都無氣了。

跑到火葬場門口…一整排既靈車泊滿左門口, 好多家屬都係度等待緊或者忙碌緊, 現場太多人, 一時三刻都分唔清邊班先係工作人員。我地越過左一排排既靈車, 終於見到遠處有一個服務櫃台。

「請問…請問…先人名字是黃迪輝…是不是送到這邊了…? 拜託你…拜託你把他的火化程序截停…之前的文件不對!」我已經跪係地上面透緊大氣, 再無氣力幫迪儀去講番件事。

「小姐你誰啊? 哪有說截停就截停的, 黃什麼輝又是誰啊? 我都不知道你說什麼, 是家屬的話自己去所屬的火葬禮堂找師傅說啊。」

「我不知道他在哪個堂…你幫幫忙好嗎…我求求你啊!!」迪儀伸出雙手捉住職員隻手…不停前後搖擺求佢幫忙。

職員非常不耐煩咁扯番自己隻手出黎, 伸手指向對面牆上既電子顯示螢幕。「你去那裡自己看啊…先人的名字和禮堂號碼都顯示在那了! 哎呀…現在的人真麻煩啊!」

我地行埋去螢幕…得一至三號堂、五至九號堂有人用緊…但都無迪輝個名。究竟乜野一回事…?! 唔通唔係呢個火葬場? 迪儀由得我自己繼續沉思, 佢已經立即跑番埋去服務櫃台果度…繼續捉住職員隻手求佢幫手。

職員繼續冷言冷語叫我地自己諗辦法…迪儀繼續大吵大鬧希望職員可以良心發現幫幫手指點迷津。呢個時候…有一個著住師傅袍既人經過, 佢停低左望住迪儀上下打量…直覺話我知, 呢個師傅一定係一個淫僧…佢緊係想呃迪儀去性交轉運!

淫僧行向迪儀既方向…舉起佢既魔爪伸向迪儀…「這位小姐…你是否在找…」「停手!」我衝向師傅, 用手截住佢果隻魔爪, 一瞬間佢既邪氣注滿我全身, 正當我想運功對抗邪氣既時候…身後突然有一股力量…將我成個人推開左。

「師傅…! 求你幫幫忙…我在找我弟的遺體…他名字是黃迪輝…我沒同意讓他火化的…他被送過來了…我應該怎麼辦?? 求你幫幫忙…!」迪儀推開我行向師傅, 可能因為終於有人主動向佢伸出魔…不, 伸出援手, 佢既眼淚又開始湧出黎。

師傅神情愕然, 眉頭深鎖。「先人黃…迪輝嗎?! 你…你是他的…?!」

迪儀雙手捉住師傅隻手…「我是他的姐姐…我是他的監護人…我是他唯一的親人了…! 求你幫幫忙…你知道他在哪嗎?」

我屌，我嘅第六感同我講肯定火化咗

光頭佬拖得時間又係咁望鐘
的確係預留左足夠時間比狗隊做野

啱

不過下次有伏筆唔好整到咁明顯...
要有啲驚喜同埋線索俾我哋搵下先正架嘛
如果有前後呼應嗰啲應該可以更加刺激

老實講, 寫得彥霖既情節都無乜伏筆可言


不過而家都頭痛緊後面點落去

唔駛刻意影射依家嘅，可以FF下點樣令到個環境更加絕望
依家仲有星火嗰啲
或者你接下嚟可以試下寫社會嘅各種慘況同啲人開始想反抗
埋下故事後期出現革命嘅伏筆？

話者可以開始條愛情線

反抗篇已經寫晒大綱基本上定左方向
不過感情線就未有方向