二零五零年 – 我女神係暴徒

636 回覆
313 Like 24 Dislike
2019-11-11 09:55:57
幫西灣河中槍既手足集氣
請大家走出去支持三罷
今日暫定更新

跪地拜謝

求大家唔好放棄
2019-11-11 09:57:21
2019-11-11 10:04:14
休刊通告:

鑑於黑警暴力已遠超活在二零五零年的熊主任所想像, 今天11/11/2019 暫定更新。請大家為二零一九年中槍的手足集氣。
2019-11-11 13:15:26
屌你故仔都冇現實咁黑暗
2019-11-11 13:20:30
對唔住, 黑警已超越我想像
2019-11-13 21:49:23
2019-11-14 13:10:11
會恢復連載。
但攻打大學呢D 真係連發夢都想像唔到...
諗緊後面點寫落去...

本來構思既極端香港情況已不再極端.........

最近無番工又好早訓教發夢
更數會無咁密
2019-11-14 13:16:24
「何解 血在流 但邁進聲 響透」。。。。。

警察明明已經係公園外面試圖攻緊入去…點解咁多市民仍然坐係公園裡面唱歌…佢地唔驚咩?? 點解前線既人唔逃走…要一路比警察打…一路推住個鐵馬?? 爭取多果幾十秒真係有用咩?

咦…我塊面濕濕地…?! 「在晚星 墜落 徬徨午夜」。。。

一路望住香港人反抗既畫面…歌聲一路無停過…「捍自由 來齊集這裡 來全力抗對」。。。

呢個時候突然房門開左…之後有輕輕既腳步聲行緊去我身邊, 我除低左個耳機。

「熊主任…你…整個晚上都在看影片嗎?? 咦…你在哭啊?...」

「迪儀…我們…」迪儀伸手放左係我膊頭上面。

「你怎麼了啊…你沒事嗎? 來…我先帶你去吃點東西好嗎?」

我伸手去捉住迪儀放係我膊頭上面果隻手。「我們一直在活在這樣的香港…? 怎樣活下去啊?」

迪儀好快咁縮開左隻手。「哎呀! 熊主任…你為什麼摸我的手…你真的…哎呀!」

女人明明唔應該係咁理性既生物, 流住兩行眼淚都唔摸得隻手, 又食一次檸檬。

迪儀帶住我經由大廈既後樓梯行上八樓, 然後入左八樓走廊盡頭既一個單位, 單位入面傳出好誘人既香味…「咕…咕…咕…..」啊…原來我好肚餓….

「熊主任…你昨天一點東西都沒吃過對吧?…你肚子餓得像打雷一樣哦。」

入到去迪儀叫我搵個位坐低, 我見到本身住宅單位裡面客廳同飯廳位置都放滿左長方型既飯枱, 有幾個人坐係度食緊野, 而其中一個係Felix。

「阿熊! 你黑眼圈這麼大…都沒睡過在不停看影片嗎?」

「嗯…看著看著就不知不覺已經天亮了…然後迪儀就來找我吃早餐了。」

迪儀行埋黎, 放低左碗湯飯比我。個蕃茄湯真係好香! 晨早食啖湯飯人都醒神晒!

「阿熊, 那你看了一個整個晚上, 內心有找到答案了嗎?」

「我…突然覺得自己所擁有的生活…好像都滿充血腥味了。我在影片中看到我爸用棍打傷了很多人, 他的同事都像吃了興奮劑一樣在發狂…而他的同事…都是看著我長大的叔叔啊…」

「嗯…當年每一個小隊指揮官…只是一堆野狼的領袖罷了…看到越是弱小的目標…就越會想用口咬住他, 都已經失去理想思考的能力了!」

「迪儀, 我在很多影片中…都聽到很多人在唱歌…那首是什麼歌啊?」

「歌? 主任你聽到<<榮光>>了嗎??」

「嗯...是這樣的…」我憑住影片既回憶…開始哼起歌上黎…

「「黎明來到 要光復 這香港!」」 「「同行兒女 為正義 時代革命」」

Felix 同迪儀佢地都停低左食緊飯既雙手, 呆左望住我。

「阿熊…你識廣東話嫁??」
2019-11-14 13:45:12
寫得好
2019-11-14 13:52:09
多謝你有睇。
2019-11-14 13:53:26
睇到好不安
樓主一定要係燈神
2019-11-14 13:54:58
我係, 10年前係香討買波區
燈到出晒名。
2019-11-14 13:55:24
好驚之後香港真係變成咁
2019-11-14 13:56:34
呢幾日既發展...
咁落去會重衰過我開頭世界觀個setting.......
真係屌佢老母死黑警
2019-11-14 14:12:12

「阿熊…你識廣東話嫁??」

2019-11-14 14:53:51
2019-11-14 15:39:52
2019-11-14 15:52:13
覺醒篇就黎完
革命篇會無咁M

2019-11-14 16:59:36
2019-11-15 10:03:10
我記得好細個果陣, 老豆同阿媽經常嘈交, 而且我隱約記得老豆成日會郁手打阿媽, 所以阿媽成日夜晚都會入黎我間房入面攬住我喊, 陪我一齊訓教, 可能…因為佢唔想同阿爸訓。

阿媽果陣好堅持每晚都教我講廣東話, 老豆果時好反對因為佢成日都話未來只會用得著普通話。當阿媽唔係屋企果陣, 老豆有時會因為我講廣東話而打我一獲甘。

雖然老豆自己講普通話好爛, 但佢以前係屋企都會用好難聽得明既普通話同我講野, 直到老豆醒覺我根本聽唔明佢講乜, 佢先係屋企講番廣東話。

而因為我經常目睹老豆打阿媽, 我心底裡一直都好唔鍾意老豆。我為左想阿媽開心, 我好努力自己練習廣東話, 因為阿媽成日都同我講「識講廣東話先稱得上係真香港人」。

最後係我小學畢業果年, 阿媽就突然執晒野離開左呢個家, 但同時亦由果日開始老豆就無再打過我。

「啊…係呀, 我識講廣東話…Felix你…係喎! 你個年代當年母語都係廣東話…」

「熊主任…第一「此」聽到「李」講…「講」東話…」哇…迪儀都識?! 但佢既音怪怪地…

「迪儀你竟然都識講廣東話? 點解既? 我地以前讀書應該唔會教。」

「係我細佬教「禾」既…佢以「錢」好鍾意唱「講」東歌…」

頂唔順, 女神明明平時把聲好甜, 一講廣東話怪怪地。我轉番普通話頻道….

「迪儀…咁..咁…那迪輝就是因為唱了這首歌而被捕嗎? 但即使他唱了這歌…你說過他只是在學校的錄音房裡面唱啊…」

迪儀突然塊面黑黑地。

「迪輝”距”話...哎呀! 他告訴我…校長說過是有職員在閉路電視中聽到…就去武警那邊告密了…聽聞學校職員就是為了那數萬元的告密獎金…」

學校連自己既學生都篤灰?…為左幾萬蚊就可以出賣自己既學生? 真係教蓄…

咦?!…其實又有乜野出奇呢…之前果班 Y.M.老師係課室入面教學生D非官方批准既內容…都係因為閉路電視監聽到而被拘捕…篤灰文化根本已經係學校入面根深柢固…

「就因為在學校裡唱過一首歌…他就被關上十年了嗎…他被抓的時候都還沒成年...都還只是一個青年…」

「阿熊…當時政府用<<非緊急法>>將羈留時間無限伸延既時候, 同時授權左武警可以無視所有對未成年被捕者既保障, 審問果陣亦無需父母同律師在場。」

「熊主任…當時我第一次在羈留室探望迪輝時, 他的眼和臉都被打得面目全非了, 一隻手也骨折了…當時我立即就跟當值警官投訴, 但警官說沒有可疑…只是迪輝自己跌倒受傷…但迪輝一直被綁在坐椅上又如何跌倒呢…?!」

我望向Felix, 心情好沉重。

「國家已經打壓到年青人就算係學校範圍入面唱一首比較敏感既歌都犯法啦咩?」

「阿熊…連用隻眼啤住武警都算犯法既地方, 唱歌犯法好出奇咩??」
2019-11-15 10:09:35
2019-11-15 13:57:18
新讀者lm + 推故
2019-11-15 14:04:08
多謝有睇
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞