二零五零年 – 我女神係暴徒

出多啲

夜d收工再試試

好緊張
期待更新

好撚正 留名支持一下

多謝支持

被武警發現既一瞬間…腦入面突然回憶起一個技能, 中學時期…有一位樣貌與巴斯光年百分之九十九相似既老師經常告誡我地「同學! 上課要一直看著我, 一直看著書本!」咁到底係望住你定望住本書呀? 「左眼看著我! 右眼看著書!」我一直都以為呢個老師係痴線。

但就係呢一瞬間, 我竟然成功用右眼持續啤住警崗, 同時左眼不斷尋找緊邊條路係去的士站, 我由警崗果位武警既口形中推斷…佢不斷對住通話器叫緊「在正門! 在正門!」。轉向前往的士站既最後一條走廊果陣, 我右眼啤到警崗果邊走廊既盡頭…老豆正跑緊過黎。

拖住只係跑左幾步但已疲態盡現既身軀…我駁命向前跑, 我心底裡好明白, 呢場同老豆既賽跑…我仍然有勝算。因為我聽老豆講過…武警高級軍官身體年檢果陣既一百米短跑, 平均時間係…34秒37, 即係…稍微比我行路快少少。

衝出醫院大門…好彩一排排既的士已經係的士站等緊我。終於…終於都成功走甩! 我撲入去隊頭果部的士裡面。

「司機! 快點開車! 去牛頭角武…」

「哎呀! 不過海啊! 我不去九龍新界的啊! 你下車吧!」我屌你老母的士佬…緊要關口拒載?!

「快點開車啊! 開車啊! 去牛…」

「靠腰! 年輕人, 都說了我不過海啊! 我連什麼是牛頭角都不知道啊! 哪裡是九龍啊?! 我到底在哪裡啊?! 你下車…」

「幹你娘啊! 你再不開車我以叛國罪拘捕你再把你困在警署一年半載, 最後送你全家到廣州受審啊! 媽的你知道這裡是武警醫院嗎!」時空係呢度靜止左一秒…的士佬無再出聲。

突然間車底傳黎巨大既引擎聲…有一股力將我身體扯向椅背, 的士以火箭一樣既速度「飛」離的士站。「是! 長官! 多多得罪了…! 不知者不罪啊…放過我家人啊…求求你啊…!」

的士佬突然好似精神失常一樣係度糊言亂語…係咪真係驚武警驚成咁呀?! 我回頭望向醫院門口…老豆企係門口外面望住我, 同時見佢揸住部電話係度講緊, 老豆唔係諗住派裝甲車追我呱?!

同的士佬講左係去武警牛頭角分部之後, 的士沿住柴灣道上左東區走廊, 我一直望住車後面有冇可疑既車跟蹤住我。老豆教落, 當一個司機好唔專心咁揸緊一架車, 而佢又望住你嘅話…佢就係警察。我望向四圍…咦?! 好似無乜邊個專心揸緊車啵…途經架架車個司機都單手拎住個電話搞緊既…

再望番去的士佬果邊…咦?! 的士佬何止單手拎住個電話…佢直情係兩隻手都放開左呔盤…同時操作緊兩部電話喎?!

「喂喂大哥! 專心開車啊…! 這樣出事的啊!」唔通的士佬先係鬼…佢唔通收到指示要同我攬炒?!

「長官…! 生活艱難啊…! 我要先在九龍那邊找到客戶啊…! 不然我一會回程就虧錢啦!」的士佬繼續左右手各操控一部電話既滴滴打車…

「我付你兩程的錢不就好了嗎! 你專心點開車, 再開快點啊! 很急的!」

緊湊

搵D理由...
啊, 140個淨正皮, 加更。

加更唔洗理由！

幾時再有

樓主再出多啲

每日穩定1000字前進
間唔中加更就2000字

最近紙言愈來愈無人睇
好彩有連登巴打

Lived

一定會等巴打更
每日都好期待更新，F5掣都就嚟畀我撳爆啦
每日上連登一定會睇講故台嘅巴打有冇更新

多謝支持, 連登有愛
呢度寫小說都唔係求財, 都係想一班巴打睇得高興
特別係近排一班寫抗爭題才既巴打, 幾時比人拉都話唔埋

Live咗
真係好1984

唔好bad end啦唔需要太過bbq結局，但係留返個希望俾失敗後既香港啦

而家既計劃唔會bad end
我既構想係, 雖然大家想我係燈神
我真係燈神的話, 香港就根本唔會變成文中咁樣

所以我要寫good end, 即使我無燈到, 2050年香港仍然有救。
如果我燈左, 即係香港2020年已經贏左。