二零五零年 – 我女神係暴徒

因為唔想係咁前期拖二三十集講女主點信佢
所以用佢想救細佬既焦急直入主題

文呢

咪講左東至無更新..........

梳 諗住求其打兩隻字推post

冬至快樂 聽日篇文如果可以長少少就好啦

190正評...紙言2萬view...
我...無乜事既話都係番去寫文先

講真平時每季寫份report 幾萬字覺得無乜野
但原來每日寫1000字係勁難

「校長! 發生什麼事了??」下午4:07√√

「總之你快點過來!」下午4:08

望住校長一連兩個表示緊急既短訊…事情既嚴重性似乎遠超我想像, 我既直覺話我知…一定係老豆做左D野, 而當我係腦入面嘗試串連起呢兩日發生既事…一定係迪輝出左事…!

我係電話簿裡面手指一直向上掃…一路搵迪儀個電話…手指點解咁僵硬既…?! 握住電話既手同時係度震緊…唔好呀…千奇唔好出事啊…! 我輕輕觸碰迪儀個名…隨即傳黎「嘟…嘟嘟…嘟…嘟嘟…」……但最後都無人聽。

然後…我轉為打比校長, 校長接電話之後…我由電話傳黎既背景聲裡面, 隱約聽到迪儀既抽泣聲同吶喊聲…隨住一下又一下既喊聲, 我個心就好似比高射炮打一炮一樣, 完全粉碎。

校長交帶好我要去既目的地之後…我仍然聽到張少校係度講緊廢話…一直係度講乜野幫佢美言兩句…話佢係細路仔唔識世界?! 我用力由按摩椅彈番起身, 張少校終於停止左佢既廢話廣播。

「兄弟…想去洗手間嗎? 在那邊呢! 人來! 帶兄弟去…」

我無理佢…我急步行向房既門口, 我要盡快去到迪儀身邊, 我唔可以再係呢度曬時間! 「叮!」大腦裡面既潛意識突然傳黎響聲, 咦? 其實可以最快去到迪儀身邊既方法係…? 方法咪就放左係我眼前囉。

我回頭望向張少校, 我唔知我呢一刻臉上既表情係點樣, 但張少校望到我個樣之後…佢失平衡向後跌左落按摩椅個位度。「兄…兄弟?! 沒事吧…?」然後我一步一步行埋去佢度…佢隨即雙手舉起向我伸出兩個「五」既手勢「不要…不要啊!」。

印象中我拉住張少校既衣領, 叫佢馬上送我去目的地。然後我既意識就已經再無空閒分配比張少校同其他人。我感覺到我既身體比人搬運左上警車…然後四圍就只有警笛聲同一陣陣既引擎聲。

「滴嗚!…滴嗚!…滴嗚!…滴嗚!…滴嗚!」

由一陣陣既警車笛聲裡面回過神來…望向車窗外面, 我已經係龍翔道上面飛馳緊。自從老豆退役之後, 我就無坐過上警車, 無估到事隔多年之後…再坐上警車已經無左細細個果陣坐上警車所感受到既自豪感。對我黎講, 呢一刻佢只係一架特快既的士。

「前面的車輛立即讓開! 重覆! 立即讓開! 緊急事件! 前面的車輛立即讓開!」

望住前面一排既鐵騎開路, 加上警車無間斷發出既警號, 我係平日車來車往既龍翔道上面快速前進。

「還沒到嗎? 怎麼這麼久? 你有聽懂我說要盡快嗎?!」我用冷冰冰既語氣質問揸緊車既警官, 雖然我知道佢已經揸得好快, 但我心情好差想搵人發洩下, 特別係呢班無人性既警蓄。

有文睇了
睇完有啲sad

我本來好猶疑呢幾日出唔出好...
聖誕節但咁岩個劇情去到呢個位...

本來想寫幾篇外傳講下廢話拖下稿
但諗諗下都係算...

lm

繼續出
想睇
冇得日日睇故好唔慣

預祝200正皮 同 紙言2萬view
(唔知醜其實可能達成唔到)

加更準備中。

每次加更果日都會沉底

落車企係葵涌公眾殮房既門口…隨手將車門大大力「啪!」咁關上之後, 隨即傳黎沉重油門所帶黎既引擎聲, 幾架鐵騎同警車就好似逃跑一樣加速離開, 連同警笛聲都好快就消失左係我既聽覺範圍內。

雖然雨水拍打住我全身, 但仍然無法將我既罪洗淨。我戰戰兢兢咁行入殮房…咁大個仔第一次黎呢種地方。行到入大堂…冰凍凍既氣氛已經令人毛骨悚然, 而校長已經企左係電梯口果度等緊我。

「校…校長…早上的時候迪儀發我短訊時好像還沒事的…事…事情是怎樣的…? 迪…迪儀現在怎麼樣?」我感覺到我隻手震緊…我隻腳震緊…我個身震緊…就連我個心…都震緊。

「就…就大概兩點半的時候吧…突然教員室傳來吵鬧聲, 我過去了解時…看到迪儀哭哭鬧鬧的對著電話大喊…原來是武警打電話給她, 說…說水警在海上找到迪輝的屍體…!」

「海…海上…?!」我突然腳軟失左一失平衡…要用手按住牆邊…老豆果班畜生, 無人性到將迪輝掉落海…!?

「迪儀說…武警通知她說非常肯定他們在海上找到的是迪輝, 讓她盡快過去驗屍…然後就掛線了。迪儀差點就直接在教員室暈倒過去了…我實在不放心她自己一個人到這邊面對這種事情, 所以我陪她一起過來...剛剛才終於辦完登記手續。」

我雙眼唔係好聚焦到…一條人命就咁無左。「校長…麻煩你帶我去迪儀那邊。」

校長帶領住我踏入電梯, 然後係一條又長又冷冰冰既走廊度行, 外面既雨水啪啪聲咁拍打落去玻璃窗度, 每行前一步, 都感受到心如刀割既痛楚。

黎到認屍室門前…我將手伸向門柄…突然手臂被拉住。

「熊主任…你不適宜進去, 我們就默默在這裡等她吧, 多給她一點時間…你進去也沒用的, 我們能做的就是在外面等待她。」

我同校長係門外既座位度靜靜等待, 大概十分鐘後吧…迪儀跟隨住一個職員行出黎, 迪儀個樣…已經喊到塊面腫晒。

「小姐, 就這樣了, 你節哀順變吧! 我們這邊實在沒法提供任何協助了, 這事已經結案了…只能直接安排後事了, 你還有問題嗎?」

「暫時沒有了…你讓我再想想…」職員聽罷就轉身離開, 而迪儀隨即腳軟向後跌, 好彩我黎得切扶住佢…將佢緊緊抱住。

「迪儀…! 迪儀…! 你…沒事嗎? 來…! 你先坐下。」迪儀微微點頭, 我小心翼翼扶佢去座椅果度坐低, 望見佢咁…我真係好心痛。

迪儀坐低之後…伸手握向我手臀…非常用力…同時佢隻手係度震緊…「校長…熊主任…幫…嗚嗚嗚嗚….幫幫我啊…嗚嗚嗚嗚…迪輝死得很慘啊…他死得很慘啊…!」

「嗚嗚嗚嗚…輝啊…我什麼都幫不了你…姐對不起你啊…」

校長從旁攬住佢…一直掃佢個頭…嘗試安撫佢。 「迪儀…你慢慢告訴我們…迪輝…迪輝他發生什麼事了…? 有什麼我們能幫忙的? 你慢慢告訴我們, 我們馬上去辦! 馬上去辦!」如果迪儀呢一刻話想殺左我老豆, 我真係會立即去做。

迪儀坐低之後…伸手握向我手臀

自膠, 眼殘。

好sad
P牌推唔郁

會唔會有啲被自殺過我真係因為咁

lm

幫手不定期推一推