二零五零年 – 我女神係暴徒

新觀眾 留個名先

我以為佢老竇會話「你咁黃竟然係我親生仔」之類

我都係見到你竟然真係我個仔笑咗

黑警獸父系列

出文喇喂

尋晚出左今日果更

今日都未有機會埋電腦位

再快啲

新人lm等出文

出文未

文呢

LM

寫緊...多謝催稿...寫緊...寫緊...

快d

老豆就係因為一場社會運動…不單止離棄左全香港市民, 而且除左背棄左全香港對警隊既信任之外…就連對自己個老婆既信任都拋棄埋…。係黑警心目中, 放棄晒所有野之後到底換黎左乜野? 權力? 金錢? 定係呢個太古城既單位呀?

我鬧完老豆係死仆街之後, 老豆無反駁我自己企左係廳果度呆左, 我亦無理佢自己番左房, 望一望個鐘已經凌晨2點, 聽日重要開工, 都係快D訓教。

由太古城番去將軍澳既建國中學開工…沿途企係黨鐵車廂入面聽住「起來! 起來! 起….」既國歌…只係事隔兩日, 心情已不再激昂。

步出地鐵站之後…行番中學既途中, 我對周圍既環境事物都留意多左, 然後先發現乜條街上面原來有咁多支燈柱嫁咩?! 我望住燈柱頂部既透明玻璃罩…如果我呢一刻對住燈柱揮手, 唔知老豆會唔會見到呢?

行到番學校門口…望住學校正門外兩支旗桿上面飄揚緊既國旗同黨旗…心入面浮現一種寄人籬下既奴隸情感, 我作為教育工作者…咁多年黎係度做緊乜野呀?!

「熊主任早哦, 今天怎麼你神情這麼苦惱?」

「校…校長早! 啊…只是睡眠不足而已! 我…對了! 我昨晚批閱作業批到凌晨了!不會影響工作的, 請不用擔心! 我先進教員室備課了。」

撞鬼了, 最神不守舍既時候撞到校長, 上年老豆係微信朋友圈譴責校長迫佢升我職, 當時老豆唔小心將校長既老婆仔女舅仔姨媽姑姐既大頭照同地址電話放左上網, 雖然老豆已經盡左力補救係七日之內刪除番呢張清單, 但校長應該已經恨不得將我推落大海, 如果比佢捉到我痛腳就大獲了。

我係洗手間用凍水沖左一沖塊面, 「啪! 啪! 啪!」再大力咁拍一拍塊面保持清醒, 就開始今日既工作。

「各位同學, 上星期讓你們做的作業, 現在我抽樣叫名, 被叫到名字的同學請站立簡短報告一下你們的作業! 啊…黃小龜同學! 你報告一下!」

「是! 熊主任! 啊…我詳細研讀過上週外交部發言人問候美國總統的娘親、妹妹、女兒以及外孫女的精彩言論, 發言人閣下在提及美國總統是自由閪的時候…用字精準…我上網查閱過閪的意思…發覺是一個生物學的專業用詞…他是指女性的…」

「小龜! 停止! 就不用再解釋這個字了! 西…啊…不! 這個字別提了!」我見到好多男同學都偷偷地笑, 女同學表情尷尬。我都差少少忘記左發言人有講過呢個字…

「主任…知道了! 那接下來是關於發言人閣下提出想操總統老母的想法…我在百度找尋過美國總統媽媽的照片…啊…三十年前確是美人! 操他老母這主意確是充滿前瞻性的策略! 操他…」

「小龜! 停止啊! 不用再討論這個論點了…!」

「啊…主任…但是發言人閣下整個發言都是這方面的表述…你上週不是讓我們研讀每一句髒話嗎? 那…那…」

「好了好了! 小龜你先坐下…大家就把作業交上來好了, 我們開始上課吧!」

的確…我上星期覺得我國貴為全球第一既強國, 國家每件事、官員每句話都係正確既…但今日…總係開始覺得國家每個舉動…都奇奇怪怪。

推

一開始睇到好sad
點解呢兩篇會發展成咁

「各位同學, 上星期讓你們更新的文章, 現在我抽樣叫名, 被叫到名字的同學請站立簡短報告一下你們的新文! 啊…比勒斯同學! 你報告一下!」

再檢討下方向

新讀者 LM

光復香港 時代革命


121要人

「各位同學請打開「中國威風史」課本第一百零七頁, 偉大祖國於二零二三年六月於聯合國理事選舉成功奪取全部席位! 由於世界各國都已貧病交迫, 紛紛擁護中國為王拯救世界, 當時中國正式稱霸了世界。」

「同年的八月, 偉大祖國成功發射了「習派熊貓型探測用火箭」, 以比光速快一億倍的速度向銀河系盡頭出發, 根據中國航天部門的公告, 我國已實現了太空人不須穿著太空衣於宇宙空間漫游的創舉…」。。。。。。。。。。。。

一路跟住本書讀出黎, 我開始諗我到底係度講緊乜。國家既然咁多樣野都係假既…呢本書上面講既野, 到底有幾多係真呢…? 咁樣教班學生…有一種難以言喻既內疚感由心底裡面慢慢散發出黎。

「…美國谷歌公司於二零二五年因為痛失中國市場及外國失去網絡而宣告破產後, 所有谷歌的業務已完全停止…運作?!…啊…不…谷歌的瀏覽器其實還存…啊…不不不…都破產了!」鬼拍後尾枕…但…谷歌真係仍然存在。

我快快打完場…抬頭望向課室角落天花板上既閉路電視鏡頭…全身不禁出晒冷汗…死啦…我係唔係要被消失啦…? 一陣會唔會有武警攻入黎課室捉我走…? 我洗唔洗通知老豆走佬先…?

咦…?! 原來…講錯一句野會咁驚嫁…? 呢種恐懼…我以前從來都無想像過…亦已經超越左我對恐懼既理解, 原來當人係生死關頭…知道左有人可以隨時幫自己埋單既時候…係咁可怕。呢種恐怖…唔通就係書本上所講既白色恐怖??

好唔容易終於捱到落堂, 落堂既鐘聲就好似打救左我一樣, 真係大獲, 我重有咁多班通識要教, 我捱唔捱得過今個學期嫁?!

行入茶水間…「熊主任!」突然間…有一隻手輕輕拍左我膊頭一下。

「哇!!! 是誰啊???」大佬, 唔係咁快捉我去處決下話?! 我自然反應一仆一碌咁向前爬行左兩步, 半蹲係地上面回頭一望…咦?! 原來係親愛既迪儀。

迪儀又再次露出好似望住嚿屎咁既表情, 但迪儀今次亦都係無捵住個鼻, 所以…應該今次都係我自己誤會姐。

「熊…熊主任…你腦子…不…你身體沒事吧?」迪儀欲言又止咁對我展示女性關心既一面, 係呢個危急關口簡直係雪中送炭。

我扶住牆邊起番身, 迪儀行埋黎, 呢個時候…我見到有一個人影…係茶水間門口外好似行緊入黎茶水間。

「熊主任, 昨天你…回家後有跟你爸討論過嗎? 有跟他提起你在澳門看到過的警暴畫面…」茶水間外果個人影真係行左入黎重企係迪儀身後…而且佢係…

「停...! 啊! 迪儀老師! 你說電影中的警察情節嗎? 我都不知道呢…!」

行入黎果個竟然係校長...佢企係迪儀身後無出聲。

「什麼電影啊! 我在說你那黑警老爸呢!」

你對未來 都幾悲觀
香港唔會咁樣 一定唔會

迪儀竟然係校長面前提起黑警同警暴…如果校長篤我地灰, 咁我地就只能夠係九泉之下相戀啦…點解迪儀咁蠢唔留意下周圍先講呢樣野呢? 唔通真係波大會無腦?! 但如果波大同有腦只可以二擇其一, 咁我都寧願揀波大啦。

「我…我…迪…後面…」我伸出手指指向迪儀身後…校長望住我用隻手指指住佢心口, 校長望一望自己心口, 然後好疑惑咁望番住我。

迪儀側一側頭, 轉身向後望…然後好自然咁同校長打招呼。「啊! 校長你好! 今天辛苦了哦! 我幫你倒杯茶吧!」啊…個傻妹唔通唔知今次已經出事啦咩…重咁自然…?!

「校…校長你好…我…」校長無理我…剩係望番迪儀果邊。

「黃老師你好! 你今天也辛苦了! 很少看到你和熊主任聊天啊? 關係突然變得這麼好了嗎?」 校長真係明察秋毫!!! 我地重一齊去左澳門過夜添呀! 我地發展神速唔通又話你知咩?

「校長你別開玩笑啦…誰會跟熊主任這種腦…不…這種人關係好呢…?」迪儀表情顯得無奈, 我明既! 似終呢度係辦公地方, 唯有決絕同老闆澄清我地無亂搞男女關係啦!

「那倒是! 啊…熊主任…那你們剛剛在談論什麼黑警的事情啊?」我既人生…正式宣告死亡啦…我腦海湧現我被戴上手扣, 同迪儀相擁一齊被火車送上大陸偏遠地區, 之後被推落地坑入面活埋…

「我…我…沒…」我內心一直同自己講「講野呀阿熊!!! 出聲呀!!! 快D動用全部腦力諗個原因打發校長! 唔好放棄呀!」

迪儀偷望左一下茶水間外面有冇人。 「是哦校長! 我週末帶熊主任去星火了…他看到那些錄像時好像突然對自己父親很失望。」

「…吓吓吓…?! 迪…迪…校長他…他…?」我相信我呢一刻既表情可以用「囧」字黎形容。

迪儀呆左一呆, 好似恍然大悟一樣。「哦!! 熊主任你放心吧, 校長是自己人哦! 都是手足呢!」

「什麼…? 校長你…香港以前的事情你都知道嗎? 你連迪儀和星火的事也知道…?」

「熊主任…我都什麼年紀了…那些事發生的時候, 我都是親眼看著市民被凌辱...我當然知道得很清楚當時發生過什麼事情啊! 再說了, 黃老師本來就是Felix介紹給我認識再招聘過來的, 她是什麼背景的人我當然也很清楚了。」

「校長…你竟然是黃色份子…!!!」我一時控制唔到大聲講左出黎。

「你小聲點! 你想自殺嗎…?? 熊主任你不會打算再叫你父親在朋友圈批鬥我吧…?」校長退後左一步…用雙眼由我腳趾尾一直掃視到我頭頂。「黃老師…這…熊主任真的是自己人嗎…?! 很不可靠啊…。」