二零五零年 – 我女神係暴徒
比勒斯
636
回覆
313 Like
24 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
幽靈天婦羅
2019-12-12 00:38:57
頂
係基督教學校讀完之後習慣性代入上帝
柒咗添
大家當冇事發生啦
比勒斯
2019-12-12 16:28:15
「老豆你…你派李SIR監視我呀??」李叔叔平時上黎客客氣氣…以前佢重會帶埋個女黎我地屋企坐…原來一直監視我!
「乜野監視咁難聽…佢救左你呀傻仔! 唔係李SIR幫手內部溝通下…你比人捉左去唔知邊度熔鬼左啦!」老豆講野果陣雙眼掹到好大…七情上面好似講鬼故咁…
「邊有咁大件事呀…老豆…我講錯左幾隻字咋啵…連學校都只係叫左我讀好D份稿…唔小心姐!」
「阿熊…自從你上星期五晚係牛頭角比監控鏡頭影到同隻曱甴女攬埋一齊, 重偵測到你地講禁語之後…你已經比人放左入監視名單…我頭先特登親自番總部就係處理你既事!」
「好彩而家總部既人都重比幾分面我! 我而家用緊自己個人頭保你呀!」
「監…監視名單…?! 我同同事出街…閒談中有幾隻字比你地偵測到就搞到咁大件事? 有冇咁險惡呀??? 我有自由嫁!」
「自你老母! 你果D所謂既自由…只係等同一隻狗困係間狗屋入面, 你係間狗屋入面自由咁跑咋! 做主人既隨時都可以將隻狗連狗屋一把火燒左佢呀! 所謂既自由…係有束縛嫁!」
「做乜用狗黎形容我地呀…我…」我地雖然姓熊, 但我地係人黎嫁老豆!
「阿仔…係政府面前, 我地…我地只係一隻狗! 但做狗都總好過做曱甴呀…做狗起碼不愁衣食, 做曱甴既話…一腳就比人踩死左啦!」
咁樣…即係太古城只係一間高級既狗屋, 我同老豆都係狗…我地咁多年黎都係狗屋裡面互相追住對方個屎忽黎跑圈…
「老豆…咁我寧願做曱甴啦…我寧願係條街度自由自在咁通地爬比人踩死, 都唔想一世困係間狗屋入面搖尾哄主人開心呀…每日重要驚住唔知幾時會比人捉去做紅燒狗肉…」
「你…你係咪食女食曚左你呀…? 為左條女去做曱甴…??? 你要女同老豆講丫嘛…我可以係武警女兵部揀堆好野比你呀! 再唔係諗諗李SIR個女丫?!」
唔L係呀話…李叔叔個女同李叔叔100%撞樣…純粹係長頭髮版咋喎。重有, 細個果陣陪老豆出席武警學院既新兵畢業式, 真係好似去左動物園一樣, 一堆雌性既大笨象、河馬、山豬係個運動場上面步操…。
果陣我見老豆同李叔叔望住堆動物好似J到出血咁, 簡直係童年陰影, 好彩老豆無係果堆動物入面揀一隻做我後母咋…!
「唔…唔…唔好啦呱! 我有迪儀就夠! 我…我…我寧願陪佢做曱甴, 都唔陪你做狗呀!」
「啪!」老豆又再一巴車埋我度。頂你個肺咩尋晚車完我一巴, 今日又車我一巴。
「真係生舊叉燒好過生你! 為左隻曱甴唔要老豆!!!」老豆嬲到青根都扯直晒, 佢雙眼掹到好大…佢氣沖沖咁行左入房…之後…佢拎住支野行番出黎…「咔嚓」。
''
2019-12-12 19:58:02
唔通佢想吞槍自殺?
比勒斯
2019-12-12 23:14:23
獸父邊有咁偉大
係就爽YY了
觀塘美欺
2019-12-12 23:22:01
我覺得唔係槍 係伸縮警棍
比勒斯
2019-12-12 23:56:58
咁都記得果下聲效
二十幾集前既聲效
ReneSeulWen
2019-12-13 00:09:16
寫得好好 留名支持下
''
2019-12-13 00:25:21
凍撚死小甜
2019-12-13 00:25:42
留名
風之使徒
2019-12-13 01:30:22
前面ok係因為主角係表現,的確係資訊完全封閉既社會(例如北韓),一個正常人可能出現既情況,都算係合理既
但後來寫到佢變智障,就好突兀了
感覺就變成佢真係智障,而唔係受環境所蒙蔽,影響左佢價值觀
風之使徒
2019-12-13 01:31:10
點為之贏……香港得到真正既民主自由?
比勒斯
2019-12-13 01:43:31
呢個就係問題
無得話佢問老豆借支核彈爆左北京
風之使徒
2019-12-13 01:47:54
中共內部瓦解/俾全球聯合軍打柒lor
革命黨
2019-12-13 10:43:08
莫非扑完一下智力上升至正常水平好似廢老食tg咁?
比勒斯
2019-12-13 10:45:38
呢個都係一個好主意
等我咨詢下藍絲腦科醫生先
比勒斯
2019-12-13 10:46:07
重有漫漫長路先到呢個情節
可以慢慢諗
比勒斯
2019-12-13 13:49:00
「咔嚓」…老豆由佢間房行番出黎之後…隻手多左支又長又粗既伸縮警棍…即係佢果支「振中棒」。老豆一步一步咁行埋我度…我背脊開始感覺到一陣陣既涼氣…唔通就係殺氣?!
「我比你揀多次! 你寧願做曱甴丫嘛? 係唔係呀!! 你做曱甴既話咁岩晒啦! 我專打曱甴既! 我就係呢度打死你個衰仔! 我最多當自己生少個啦!」 老豆一步一步行埋黎, 我就一步一步退向後…
老豆係咪嬲到傻L左, 佢本身剩係得我一粒仔, 又點樣當生少個呀? 我一直向後退…退下退下…咦?! 頂! 隻腳已經退到撞到梳化…退無可退! 間屋明明千幾尺, 點解退幾步就無位退嫁?! 今次瀨野了。
「老豆你保持克制啦! 咁嬲好易中風嫁! 有乜野唔岩咪坐低傾下囉! 最多你放低振中棒, 我地揸揸手當無數啦…!」老豆一路行一路揮動佢支振中棒…
「打死你個死仔包…做曱甴丫嗱…做曱甴丫嗱…做曱甴丫嗱…」老豆好似聽唔到我講野咁…一直係度自言自語, 佢而家個樣…除左肚腩大左不少之外, 十足十之前睇影片裡面果堆Green Object…
老豆又好似玩太極劍咁係咁舞支棍…唔通咁樣會有型D?! 突然間…「啪!」…振中棒係老豆博大精深既棍術舞動中跌左落地。空氣突然間好似靜止左咁…我耳邊再聽唔到電視傳黎既魚生廣告聲音…
老豆隻手仍然好似「手中無棍, 心中有棍」一樣繼續做緊揮棍既動作…但老豆隻眼…一直呆左咁望住地上面果支振中棒。而我…雙眼不斷穿梭於地上面支振中棒同老豆舞動空氣既雙手…最後…我同老豆雙目交投, 大家都係一個錯愕既表情。
突然間腦裡面「叮」一聲! 似乎活命既機會黎啦! 我將身體向前傾, 然後撲向地上面既振中棒。老豆好似都意會到機不可失, 佢都同時撲向振中棒, 兩股巨大既力量…似乎將要係振中棒上空相撞。
我望住自己隻手同振中棒既距離由2尺…1尺…半尺…一直縮短, 點解阿媽唔生我隻手生長多少少呀? 然後…我感覺到我既膊頭同老豆既脂肪肚腩攬炒埋一齊, 而我…因為同性相距既定律…比老豆撞開左。
「想搶我支警棍!!」老豆急忙執起左振中棒…企番起身然後舉住支棒指住我塊面。比碌野指住塊面…我自然反應伸出右手想撥走支棍, 但最後都係撥左空氣…老豆見我用手伸向支棍, 佢就縮開左…「唔夠我快而家都重想搶警棍!!」
撥完空氣之後, 心入面湧出逃生既衝動, 想轉身向住大門方向逃走…但都未跑到兩步…「啵!」突然間個人無力再跑…眼前天旋地轉…雙腳發軟蹄, 我跪左係地下…剎那間思想變得好模糊。
「阿…熊…阿…熊…喂…你…點…呀…? 喂…」模模糊糊之間聽到老豆把聲…但唔多知道佢係度講緊乜。
我感覺個頭後尾枕濕濕地。
''
2019-12-13 16:33:53
革命黨
2019-12-13 20:06:23
西灣河案
比勒斯
2019-12-13 20:53:01
手足....
突發性交易
2019-12-14 01:03:28
Lived
請重新載入
2019-12-14 18:55:55
新讀者留名
終於由故事開頭睇到最新一篇
個故事寫得幾好睇
但係睇完之後好sad
想像唔到要點喺嗰個世界生存⋯⋯
等緊更新
比勒斯
2019-12-14 19:26:32
多謝有睇
2050年香港起碼好過澳門嫁啦
澳門死城一個
而家重話搞金融中心,中環人表示笑到肚痛
請重新載入
2019-12-14 23:12:28
無自由 毋寧死
其實都唔係好得好多,即使個城市表面上好繁榮,但係個地方冇自由,就同死冇乜分別
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞