同上年一樣，為免影響同學心情，隔幾日先同大家解返份卷，
當然，主要係想中四、中五嘅同學留意下，
整體而言，考評局今年嘅卷出得幾好。
份考卷各個單元都有涉獵到，考嘅內容亦特別獎勵有認真溫書嘅同學。
例如︰引起的個人成長問題、人口老化造成的挑戰、可持續發展等，都係常見概念。基本上呢d概念成個推論都可以靠平日讀書讀返黎。就算讀左幾年你都掌握唔到個科，有d知識死記爛背左之後，都夠你合格有餘，總唔會因為呢科2唔到升唔到U。
卷一維持8個分題，48分(2019年47分)，分題設計無好大轉變。
題型保持舊有嘅為主，只有卷一2c、3b相對特別少少，但問緊乜都係好直接的，純粹用黎分出高階同學。
整份卷仍然好重視數據分析，有超過一半分數都係靠詮釋數據而黎，好彩無老點到各位現屆考生。
所以，中四、中五同學繼續要學好點做數據題啦。
卷二維持8 +12分組合，題目要求亦係同舊有嘅一樣。a 題考核某一議題的小概念(如粵劇)，而 b 題就由 a 題考核嘅內容延伸至更廣闊嘅討論(如非物質文化遺產)，要求考生就議題作出立場判斷，同學要舉出題a以外嘅例證，先能夠拎到高階分數。
呢3題深淺依然有明顯差異，相信會同過往年份一樣，有一題特別少人揀，而果題又真係考出黎特別低分。(相信今年係第2題吧~)
所以，中四、中五同學學識揀題目都係好重要的。
大部分嘅題目都可以對照以往past paper，相信有練過past paper嘅同學都唔會覺得今年份卷好難。轉頭逐題同大家簡單講下要寫乜。
