以下嘅內容上年答過嘅
睇下幫唔幫到你先,如果唔得,你可以具體少少再問~
1. 論點要求
呢度所講嘅論點,係任何「題型」中嘅段落,最基本都要做到咁(要求唔複雜)。
主題句 (展示概念 / 歸納能力) + 解釋概念 + 引用例子支持(卷一用資料優先) + 申述說明(扣題) + 小結。
咁概念說明就緊係你自己讀返黎﹗
2. 題型
坊間好多時都分題型黎教,希望同學可以用唔同方式去應對。呢度,我想大家諗一諗題型幫到你邊一部分,我唔反對用題型分類,但唔少同學記題型都記到好亂,咁明顯害左你。其實,題型只限於幫你答得框架,好比你中英文作文,寫議論文都有一定嘅框架,但框架係無幫你填滿內容(段落內容嘅要求睇返第1點)。所以坊間成日鬧通識科話背框架就考到,呢種指控並不正確。
題型分類當然都有功能,就係當你見到題目關鍵字之後,識得係答題時用相應嘅框架,避免你做少左要求而失分。但由於近年考評局出題都有微少變化,考題嘅要求亦愈黎愈清晰,如指明兩個原因、兩個影響、一個關注點等,呢類題型嘅框架亦不外乎︰
引言 + 論點(要求幾多個論點就用幾多段) + 結論
依幾年要記熟嘅框架,可能淨返
「論證立場」
「比較題」
「評估題」等題型。
同學答呢幾類題目時記得一定要︰
表明立場 + 從不同角度論證 (+ 比較 /評估題要加入準則黎衡量) + 駁論 + 總結重申立場……
絕對唔難記吧
準則就永遠都係果堆啦﹗﹗
即係可行性、時效性、成效、影響範圍等
不過,死記框架唔一定幫唒你,講到尾考生要靈活應對
有框架唔代表你唔需要臨場應對,亦即考評局多次提及考生唔應該死記硬背特定框架。