早前同同學解釋左關於政府政策題嘅回應技巧
當中涉及到「應否立法」嘅討論，我地可以係呢一點作更深入嘅探討
希望同學仲記得討論立法時，所提出嘅幾個重點，
如立法具有劃一性、強制性，需要配合監察、社會共識等條件，
從而判斷應否立法嘅處境。
在此，我地可以建構三種可能題型，包括「立場題」、評估、比較
立場題︰立法有效處理xxxx議題？你是否同意這看法？
評估︰評估立法對xxxx造成的影響。論證你的答案。
比較︰立法是最有效處理xx議題的方法？你是否同意看法？
其實係呢3種題型嘅處境都可以共通應用，但當然亦有唔同程度嘅要求。
咁評估題 同 比較題同嘅立場題有咩野分別呢？
唔少同學都覺得要死記硬背準則好麻煩，亦唔明白幾時要用準則。
一般黎講，評估/比較都需要用到準則(或考評局常用「平台、標準」)，
是指我地要建立共通的準則去衡量一個項目的好壞，或項目與項目之間的差異。
如比較題要提出其他相關的方法互相比較，以突出某一方法較好。
最後，以下用簡單嘅2個例子作結，相信同學就會明白同記好。
1. 你是否喜歡到小食部買燒賣充飢？
立場︰喜歡
（好味、便宜、方便）
2.「到小食部買燒賣是最有效充飢的方法。」你是否同意這看法？
立場︰同意
成效方面，吃燒賣 比 飲維他奶 飽
可行性方面，吃燒賣 比 吃糯米雞 便宜
時間方面，到小食部吃燒賣 比 在家預先製作食物 方便
最後，有沒有想過，其實用作比較題嘅唔同項目，就正正係建議題要提出嘅方法呢？
仲有兩日
