盲目支持同唔承認錯誤，或會破壞抗爭者一直以黎賴以成功嘅self-correction機制

我希望大家就算對我本人或者本文有咩唔滿意，都可以先冷靜理性咁睇下文，再作批評


運動冇大台，但係可以行咁耐行到宜家，其中一個好重要嘅原因係因為抗爭者識得self-correct，行錯棋之後，抗爭者識得自我反省跟住作出改進、應對

諗下圍稅局衰左之後個日嘅道歉行動，得到幾多掌聲，彰顯抗爭者因公義而為，唔怕認錯


沉晚發生咁大件事，我好肯定大家心裡都明白當中一定好多做得唔好、甚至做錯嘅地方

沉晚嘅事，好多人覺得出問題，並提出問題，動機大多都唔係指責割蓆、分化、失敗主義，更多係因為見到事態受到切膚之痛，恨鐵不成鋼

我唔知係咪打擊太大，大家都唔識反應，好多人將提出問題、擔憂，郁D打成分化、指責割蓆、失敗主義，甚至斷言沉晚完全冇出問題、盲目地話做乜都冇問題

假設沉晚真係有失誤，係咪應該以事論事講下有咩做得唔好，有咩要改善，而唔係一討論到好似對己方不利嘅野、或者自己唔同意嘅觀點，就上崗上線，乜都唔理就幫對方扣帽子，鬧對方鬼、道德撚、民意撚、五毛三毛、道德潔癖、失敗主義等等


我唔落結論，不過留底一堆問題，我覺得我地大家有必要就以思考、反思，加以辯論，尋找共識：

兄弟爬山，係咪代表乜都盲目支持？

不指責、不割蓆，係咪代表唔可以討論有咩做得唔好？

討論有咩做錯，係咪必然代表指責戰友？

討論一D好似對自己不利嘅野，係咪就係代表失敗主義？

冇大台，係咪代表冇共識？

冇底線，係咪代表冇良知、原則？

大家做嘅野，會唔會為左一時之快，令到我地同目標越走越遠？

大家會唔會過度reinforce自己嘅固有信念，導致蒙蔽左自己雙眼？

我地會唔會變得只肯面對自己嘅回音，而拒絕聆聽、接受其他聲音？

大家嘅行為，究竟係為左報仇，定係為左公義、為左成個抗爭運動？

當初追究公義嘅心，會唔會比仇恨掩蓋左？

原先大有正當性嘅以武制暴，會唔會因為仇恨變左冇正當性嘅以暴易暴？

大家係咪太怕輸，導致唔肯面對自己嘅過失？

大家係咪受到好大打擊，而選擇去逃避不可逃避嘅現實？

大家係咪冇左當初光明磊落承擔過錯嘅勇氣？

類似嘅問題多不勝數，我覺得我地有必要深切思考、反省、有建設性地討論，絕對不能逃避

最後，其實，錯左唔緊要，最緊要肯去面對、肯去認、肯去承擔，我唔希望我地賴以成功嘅自我改造能力，會因今次嘅事而受到可致命嘅破壞


共勉之

推 好重要

加油 不割

我認呀
其實對家都係用"不割蓆"　去夾個抗爭升級到一個唔合理嘅層次

不割蓆真係兩面刃

就算認唔認同 係咪都有必要討論下呢

推！！！！
終於有人講到我諗法

大家停一停，唔好再話自己手足喇。。激動既有佢激動既原因，加上星期日之後有邊個唔嬲呀？大家可唔可以係唔同身份角度諗下呢？大家都係香港人，矛頭都係一致，對準政府呀！！唔該大家理智d諗諗再行動，其實有冇鬼都係一樣，睇返場合睇返當時既形勢處境，亦都係旅客個角度去諗下啦。尋日我地真係有唔岩既地方架，試諗下尋日d機係未取消既情況，旅客delay佢地上唔到機，班機照飛，錢照袋，旅客比左錢冇得搭機係咪會燥呀？？唔該各位手足理性少少，唔好比d唔理性既人帶到啦。。既然我地人手唔夠多，做唔到癱瘓行動，咁咪轉第二個策略，做宣傳，等夜晚多d手足入黎做返前一日做既野囉，而家比人唔理性既帶風向做過激既事，你覺得邊個最開心呀？林鄭呀！！
btw重點：唔好再話自己手足喇，咁做都做左，一齊諗下計點解決／舒緩呢件事啦好冇？
仲有獨立思考！！大家都係聰明人，比我聰明100倍都唔止。

推

推