【少甜】【獵奇】【九唔搭八】《吸血鬼係香港搵食真係好撚艱難》

加速
其實幾好睇，除左夢篇

出個人物對照表 有啲設定唔記得啦

出個人物對照表 有啲設定唔記得啦

第1板咪有

加速
其實幾好睇，除左夢篇

支線任嘛

返嚟留名

留名

Pish

lm

出個人物對照表 有啲設定唔記得啦

第1板咪有

當我無講過

唔夠喉啊

推一推先

文呢？

逢星期一放假

推

禮拜二啦，夠鐘出文

文

華dee 派完膠好出文啦

華dee 派完膠好出文啦

第100回 - 潛入黑暗搭II

我地係漆黑既天台度攝步前進。唐樓既天台有非常多雜物，你想象得到既野都有。不過以我吸血鬼既視力，根本完全唔係問題。

我同Rose快步到達天台盡頭。我望落去6層高之下既後巷地面，濕滑既路上面充滿垃圾同雜物，絕對係棄屍既好地點。睇黎下次開餐我都可以考慮下呢度 。下下都帶返屋企食，一路食一路滴又要自己執返。

我羅出飛索槍，瞄准對面較矮既唐樓既頂部天線，然後..當然係發射啦唔撚洗講 。

飛索上既釣飛出「卡」一聲，表示我地而家可以好似打機咁，遊繩咁飄落去了。不過下一棟大廈，亦都係我地既目的大廈，就無咁簡單了。因為呢棟野既天台高過我地所在位置，理論上我地要用遊繩咁爬上去，由頂到底逐層清。不過我實在覺得太撚花時間了。你地有無遇過d人打機好鐘意用金手指既？我就係果種人 。

「Rose。」我情深地講，身體都唔覺意貼近左佢。我故意想睇下我既挑逗成唔成功，話哂都曖昧緊嘛我同Rose.. 。

「乜撚呀 ？」Rose唔多耐煩。「快手快腳啦。」

睇黎Rose仍然對男人免疫。仲諗住帶佢一野飛上去。

『華仔！』Lora呼叫。『我感覺到...感覺到.... 』

『做咩？ 』我一頭冒水。

『好強既氣呀！！ 』玻璃佬把聲又響起。屌佢其實匿埋左去邊呢？

我話。『乜撚野氣呀，無人識你喎！ 』

Lora：『好強大既靈魂反應，小心D。』

『哦，咁咪岩你地囉。 你地d巴打呀。』我話。

我慢慢蹲下身，然後快速跳起！我奮力一跳既結果，就係瞬間已經到達目標大廈。

「華仔！你做咩呀？」Rose經過無線電傳黎通訊。

「拜拜你條尾囉 。」我回應。鬼叫佢咁串。「自己跟上黎啦。」

我無視Rose係通訊器度不斷鬧我，話咩要團隊合作唔可以掉底任何一個之類既廢話，然後視察呢個地方。

『黑媽媽天台，地下有....好似係子彈殼之類既野。』我同Lora講。『我見唔到有任何鬼魂。』

『繼續入去深處啦。 』

我打開門，門後面等待我既係無盡既黑暗。即使如此，習慣黑暗既我又點會怕？我反而覺得興奮添呀。

我昂首大步向前一踏。

『哇！！！』

『大佬，唔好無啦啦叫得唔得呀？人嚇人會死人架... 』玻璃佬話。

屌，我無留意，一野碌左落樓梯。