【少甜】【獵奇】【九唔搭八】《吸血鬼係香港搵食真係好撚艱難》

蒙頭入閘啦重講！

咁都比你搵到件咁正嘅裂口女

呢幾回講老婆，唔會點比戲份裂口女

老婆都ok，不過唔會係16歲幼齒掛

16歲唔幼架啦

幾時有文？

幾時有文？

而家出

第109回 - 我諗返起II

日本經濟發展高速（起碼以前係），地下世界發展亦相當逢勃。日本發展網絡比香港早得太多，黑暗網絡呢家野我就唔多作介紹，不過我絕對能夠講日本係黑暗網絡既先驅。

有d日本人鐘意買女人返去凌辱，買d死屍返去發泄、煮食，又或者齋擺係度，真叉乜叉都有。地下網絡既出現就更加方便左呢一班人。正所謂有供有求，呢班人隨左真係落手落腳自己捉人之外，當然就都會由我地妖怪手上買啦。所以話，人類痴線起上黎，諗到點樣虐人（或屍）既方法可能比我地妖怪諗既更加多。

而我最感興趣既，就係係我旁邊呢個比人斬手斬腳既女性 。呢個人棍係被人故意斬去手腳做性奴，因為防止佢地走佬，而且傷口經過嚴格護理，埋口得非常整齊。有d會剝哂牙，切鬼埋條利。不過買左既人，通常都唔會玩好耐，多數下場都係轉手賣返出去比人虐殺至死。

「陰功囉。」我對住呢個人棍話。「如果你傷口未埋呢我都可能會有多d興趣。」

其實斬左出黎d手腳擺左去邊呢？我真係好想知道

「再痴線都有。」比我高三倍既鼻高天狗話。「人類既魔性比起我地仲重。人間係最能體現善惡既地方，自由度最大既世界 。」

「唉。」我歎氣，有時真係會諗，點解人類會咁樣做。「我地係返去先。老婆等緊我。」

「同人類結婚，係何等愚蠢 。」鼻高天狗話。「我地好歡迎你加入我地妖怪大軍，唔洗再同班人類一齊。」

「...不了。 」我話。「我唔係什麼高等妖怪可以完全離開人類生存。我都仲要一日三餐，唔會捉人類煮黎食咁易搞。」

「比佢去啦。」裂口女阻止天狗開口鬧我。

--------------------------------------
呢一晚，我返到去屋企，已經天黑了。

「老公你一定好攰喇。 」

杏子好似傳統既日本女人一樣係門口等我。我覺得好滿足 。

「還好啦。始終唔慣係呢度生活。人工少，又要受氣 。」我話。

「聽日一定會搵到工既，放心啦 。」杏子非常體貼。「你咁攰，咁我地今晚仲...要唔要sex？」

「sexy？？」我眼睛發光 。「梗係要sexy啦！！！」

晚晚我同杏子就係中出一百連，然後一路睇AV一路扑野，乜春都試過哂，人生真係無撼既..本來。

~~~~~~~~~~~~~~~~~~~~~~~~~~~~~~~~~~~~~~~

「唔好意思，劉先生。你太太既胎兒出左問題，我建議你地做中止懷孕。」女婦科醫生用純正日文話。

「點解呀？ 」我極度驚慌。「佢有咩事呀？ 」

女醫生繼續話：「我地發現到你太太既身體日漸虛弱，唔太適合繼續懷孕。」

「咩呀 ..」我苦笑。「身體虛弱，咪補充營養囉？點會虛弱d就唔洗懷孕？咁鄉下d呀姑唔洗生啦？」

「我地真係唔明原因。營養的確我地有補充，我地發現你太太開始有營養過剩既情況，不過仍然十分虛弱。」

我望住面色一日比一日差既杏子，佢好似好辛苦咁 。

我突然唔識講野。我望住超聲波圖像。明明係咁健康既BB，點解要佢死？

第110回 - 我諗返起III


「師父，我想知點解人類同吸血鬼生唔到bb ？」我打電話問Dio，或者叫佢做林生啦 。

「由你唔做人類果一刻你已經唔應該再同人類交往啦 。我都講過好多次。」林生話。

我有d嬲：「我唔拗呢個問題。人同狗一樣可以一齊生活。我而家只想知道點解杏子會咁虛弱。」

「唉。」電話傳來歎息聲，解後解釋比我聽。

吸血鬼本來係由人變成。第一隻吸血鬼係中世紀既德古拉。當感染「吸血鬼病毒」之後，全身細胞會產生輕微變異，雖然能夠保留人形，不過已經有左吸血、嗜血既特性。

用醫學角度去講，吸血鬼係一種人類既疾病。不過唔係令人類虛弱，而係令人類強化，改變生活習性。相近既疾病係瘋狗症，病徵係怕水、聽覺視覺混亂，容易狂暴，體液帶感染性。

人類嘗試用疾病方向解釋吸血鬼呢種生物，例如紫質症病人怕光等等。不過當然就完全唔係果回事啦，吸血鬼既感染途徑唔係細菌、病毒（所以我話「吸血鬼病毒」，其實唔正確）、甚至蛋白質變性。我地係透過一種未知既東西感染。原諒我唔可以用文字寫到出黎，因為從來無人研究過係咩黎，而吸血鬼界都係無科學家的 。總之係人類認知以外既野，你可以好籠統咁叫佢做「吸血鬼之氣」。

吸血鬼之所以會吸血，唔係想要血入面果種血細胞、血紅蛋白、鐵質、血清等等。對我地黎講呢d只係食飯既伴碟。我地既主菜都係人類既「生命氣息」。

正因為我全身既細胞都係吸血鬼細胞，包括性細胞。所以杏子陀住既，係吸血鬼bb！！

「原生吸血鬼，真係好少有。」林生話。

「點解？」

林生：「因為係胎兒時期就會吸緊母體既生命氣息。」

吸血鬼bb

唔通吸血華咁好彩有個原生吸血仔
安已不
爸爸

吸血鬼bb

華華 幾時出文呀


再唔出屌死你

第111回 - 我諗返起IV


吸血鬼bb，由胎兒階段就會吸食母體既生命氣息。所以人類做母體，係絕對不適合的。

「而且由bb開始養大一隻吸血鬼，成本太高喇。由bb去到成年吸血鬼，係人類既4-5倍時間！即係差唔多80歲先會到青春期。呢段時間需要殺極多人比佢成長。」林生話。

睇黎呢個先至係吸血鬼最大既詛咒。

「..我而家只想知道有無方法可以保住杏子。如果我將杏子變埋吸血鬼呢 ？」

「而家先換血太遲啦。母體會同胎兒發生強裂排斥反應，嚴重起上黎，一屍兩命。」林生話。

「...」我給上電話。我好快就做左決定，就係要杏子進行墮胎。我唔會比吸血鬼bb殺死杏子。

呢一晚我地嘈左場大交。杏子話就算幾辛苦都想生bb，呢個係佢地做女人既使命，又話佢父母都年事已高，好想見到孫仔，乜乜物物。但佢完全唔明白，佢肚入面果個係吸血鬼bb，隨時羅佢命之餘，將來既日子都要無數人類獻上生命。

但其實最爭扎果個係我。一心想由我開始改變成個吸血鬼界，同人類共存，比林生同佢d fd笑鳩我，到到而家反要人類捱苦，捱刀，捱手術。我開始唔知自己做緊d咩。 我去日本其實係做咩？？




「劉先生，手術非常成功。 」色色衫戴住口罩既醫生講。

一星期過去了。杏子即使點反對，我都要佢墮左個吸血鬼bb去。不過我既好意佢似乎唔能夠理解，係手術之後既足足三個月佢都嬲緊我。佢話我奪去左佢既所有野。佢生活係痛苦之中，佢話每晚都訓唔到覺，都幻想緊個bb係度望住佢。

有時真係不得不佩服人類既幻想 。吸血鬼bb既靈魂，鼻高天狗已經幫我安頓好左。我都同鬼b講左聲唔好意思，因為我地其實未準備好。我仲比鬼b既靈魂屌柒我：「未準備好咪撚學人生啦！」

順帶一提，個鬼bb係女仔黎。 有緣無份。

「你真係無事呀嘛？吸血鬼？」帶住口罩、帶關西口音既裂口女問我。

「我只覺得我已經係吸血鬼，仲走去做人類做既野真係好戇鳩 。」我垂頭喪氣。

「做妖怪既，唔怨得咁多。你睇全日本得返我一個裂口族，我咪又係要生存落去。加油。」裂口女雖然非常由衷，不過我完全聽唔入耳。

「黎，比你。」身高係我三倍既鼻高天狗突然係我隔離降落，羅住把日本刀隊比我。「妖刀村正。」

「玩我咩，我自己都搞唔掂，仲要照顧埋村正呀 ？」我話。

「我唔洗你照顧。」把刀自己出聲。「我食鹽多過你食米。」

「袋好啦，總有一日用得著既。」鼻高天狗話。「妖刀村正可以幫你殺人不留名。」

「可能啦，可能有日我切腹自盡會用得著。 」我話。

「開始人生新一頁吧。」天狗用力拍翼，飛走左。


-------------------------------------------

「杏子，我買左銅鑼燒呀。」我係呢個得200尺既單位度，行近我既老婆黑木杏子。「快d食啦 。」

杏子唔理我，只係望住個窗嘴嗡嗡。我不知幾想同佢講鬼b一早過左上野果邊有戶田中家度投胎 ，不過佢唔會信我。

「唉，本身想你做隻飽鬼上路。」我爬上床。「長痛不如短痛啦 ？」

我見杏子無回應我既意思，於是按住佢膊頭，用力一口咬入佢頸部既嫩肉之中，熱血不斷湧出。

『你總有一日知我係為你好。』我望住已經離開身體既杏子講。

第112回 - 我諗返起V

2017年，夜晚，唐樓（前恐子總部）

「唔好喊啦，我知你為我好。當時我唔知嘛。」杏子用我女吸血鬼既身體同我講野。

『哈，我邊有喊 。』我話。我見到玻璃佬係度喊苦喊忽唔知做乜春，想喊出聲又唔喊咁。我幾想踢佢一腳，叫佢男人老狗聽故就咪喊！

『嗚嗚嗚... 』Lora喊得好撚難聽。明知自己係鬼就咪喊啦嘛 。

『我係失敗既人類 。』我話。

杏子搖頭。「人類既執悟，有時真係成世人都放唔低，要到死左之後生知道原來自己有幾無知。」

雖然我都覺得果時都係杏子衰格架啦成件事 ，根本佢唔嬲咁耐咁大執念，根本我就唔洗殺佢。不過我又唔會咁直接講架嘛 。

「我死左之後，揀左係2001年既香港出世。我同摩耳甫斯講，我有個人好想守護住 。」杏子望住我。「摩耳甫斯本來唔肯比我係人世以外既時間留係地球，應該要去月球果邊。不過後來我打動左佢。我係做人以外時時間，就可以由1972年開始，做一個人既守護靈。」

『..我出世果年？ 』我話。

「你今世所有事我都同你一齊經歷過。我暗中保護左你...16次，你都未發現到我。 」杏子笑住話。「係今次你先發現到我 。」

『哈，哈哈，我一向靈力都唔係好高嘛 。』我有點慚愧。老老豆豆，我都係上次Lora係度打趣話我可能都有背後靈，我先至真正去feel下。

「我都係時候走啦 。」杏子開始眼濕濕。

『走？走去邊呀？唔好走呀！守護我啦 。』我話。

「你已經有更好既背後靈啦 。」杏子用手指抹走眼淚。

『Lora？Lora佢走架啦，報左仇架啦佢。佢要跟佢個人類主人走架應該，我收留住架咋。 』

「好多野都係緣份黎既 。」杏子話。「你同Lora可以做到拍檔都係緣份 。」

『喂，咪走呀喂！ 』我話。

「我地今世仲會有機會再見。記得對我好d，唔好太粗暴。我只係十六歲，仲係咩都唔識，唔記得你架。你想見我，就由頭追多我一次啦 。」杏子講完，女吸血鬼既身體就失去左重心，訓左地下。

『杏子---！！ 唔好走呀 』

黑木杏子

羅日本刀既吸血鬼

呢兩日出左4回 本身係兩回既不過太長

我星期六暫休一日

assignment太多 要開始做 可能要再請下假，正皮請繼續

專心做功課啦，我等得架

不過唔知其他人...

有洋蔥

杏子

做咩變左洋蔥故

文？