點解仲要堅持做救護員？

人工：同其他紀律部隊一樣

工作性質：危險性高 上樓做精神病case隨時比人斬/經常接觸傳染性高的病人 / 面對各項嘔心核突野 幾年無沖涼既人又有 成日屎既人又有 爆頭又有 分屍又有數唔盡

壓力大：做個man就要做主管去叉部救護車 一個錯誤決定隨時害死人

工作量：一個兩千幾人既職系 每年處理超過80萬轉救護服務 /除此之外救護職系夜晚會少一半人手

每日忍住屎尿去做case 每日超時工作
每轉司機都要集中精神揸救護車 隨時要違反交通規則背負住成車人既安全 性命同埋負上一切法律責任去趕往現場/將性命危殆的人送院搶救

救護車三兄弟 一齊拾人 一齊搶救傷病者.做轉攀山拯救隨時行三四個鐘需要好大能量
但可惜我地連飯都無得食 用膳問題講左幾十年都解決唔到 7點半返工 餓住肚到4 /5點先有得食 每日餓住肚去工作
希望部門會有改善 最終換來係上頭一句救人重要定食飯重要？你食唔到飯人工包嫁！咁大個人自己帶包餅傍身啦

我唔係講到自己好偉大 救人大哂！但點解我地要咁低賤 每日肩負起全港救急扶危既人 但換來係咁既待遇？

夠啦！我好攰

唔知點幫到你
但想講句加油, 辛苦哂

因為你哋辭咗職之後唔知可以搵咩工

加油呀
救護員好值得尊敬

加油

你估個個都好似你咁慘翻洗碗咩

希望部門會有大改革既一日

因為你地升兩柴快,6 7年就有機會升
消防廿年都未排到

你地升柴升得快,令到排宿舍更快,比同期消防起碼快幾年
其實救護都咪即係有急救知識既跟車,出面跟車仲辛苦又冇救護咁好福利
司機咪當楂的士
平時去完一轉車都有15分鍾蛇啦

唔係話你地唔辛苦,但冇必要講到好慘,大家都係打份工

邊個同你講升得快？ 十幾年都未有柴就真
救護唔止係急救知識既跟車，有咁既錯覺係因為消防唔肯比所有人學EMAII或EMAIII，香港救護可以更加專業，認同你嗰句行行都辛苦，但的確成個總區可以改革得更好

我唔係做救護員
但都係從事助人行業
想講 助人呢個過程
係好大負擔 責任好重 好嚴肅
因為係影響緊其他人既生命
幫人幫得唔好 隨時有機會害左人既一生
仲未計有時 盡曬奶力 都係幫唔到

呢個心理負擔 老實講 幾多錢都衡量唔到
但現實係 決定俾幾多人工你果班
管理層從來都感受唔到呢份沉重

仲有好多接受左現實既老屎忽
不如hea住做算 逃避責任
人工又唔會變

但咁樣 成個行業仲係咪幫到人？

估到我咩料既巴打 唔好起底
只係想表達一下心聲
搵下support

Man d啦大佬
空雞、護士呢d女人工就話成日怨姐

呢個post啲人好奇怪，明明自己都係打工仔，但幫老闆講說話

老老柒柒你地勁過醫生護士

唔好偷換我意思喎
我冇話過大把人慘過你呢句亦都冇咁既意思

只係冇必要以為自己係最慘,事實上亦都一定唔算係慘
老實講救護真係咁慘?係就唔會年年百幾人入班啦巴打
問心個句邊到搵份工少少勞動,多多福利?
留意返係5科合格/偽進仔就考得,哩D學歷係出邊有咩工搵到2萬幾,有宿舍?
仲要包升,年年跳point跟通漲,仲要唔殺人放火就唔會炒

冇錯大家都係辛苦,但唔好無限放大自己既辛苦
聽下人講就夠?你知唔知對好多低下層你呻緊既野難聽過粗口

香港多廢佬係唔係都嗌車

做得呢d唔應該用錢量化
如果要搵錢就做其他行
做呢d行業係對自己興趣

其實我都好想做救護可惜考極都唔得，好心冇返咁上下熱誠就唔好做呢行，好唔鍾意啲人冇心做又要考入去

感謝所有救護員的付出