[長氣多圖][不爛尾] 中九州觀光列車之旅

佢話直通福岡機場嘛，咁姐係得103/303/305，得305系用黑色做主題色

唔洗讓黎讓去啦

祖記出左局之後
歐聯對我黎講已經無咩意思
然後就唔洗再諗住飛去馬德里睇
仲可以繼續北海道既行程

然後仲買埋曼谷既機票
終於可以一賞A380商務位
真係以後都每兩個月去一次旅行
起碼都直到出年2月



DAY3 阿蘇神社 一之宮商店街 南阿蘇月神天文台

竹田市其實唔錯
係度渡過左一個愉快既三小時

阿伯一陣坐名蘇男孩番別府
而我坐普通區間車去宮地

可能行得耐真係有D累
有雙人座真係舒服好多

一小時後到達宮地
中途會經過呢個九州最高車站

標高754米

宮地站

並唔係無人站
但車票就咁放入個箱就算

話佢求其又唔係
真係講個信字
我用PASS都唔知比邊個睇啦

因為阿蘇神社離開車站都有十五分鐘路程
已經行得太多路
今次就坐巴士去好啦

而巴士站就係車站出面

可能放學時間
好多學生上車
但係宮地呢個站對比阿蘇站真係細好多
一陣都唔知有無的士可以車我去天文台

幾分鐘車程就到阿蘇神社

3年前熊本7級地震
係遙遠既香港感受唔到震動
但係卻為熊本帶黎深遠既影響
唔單止係鐵路損毀
多個歷史建築亦都受毀
尋日上阿蘇火山已經見到
今日黎到呢個阿蘇神社亦都係其中一個
今次既旅程
正正就係圍繞住災區行左一轉
並唔係話想為熊本將來D乜野
只係純粹想見證一下呢個影響

神社既門已經唔存在
就咁大刺刺咁行入去

一邊擺放既相係當時既慘況


拜殿同樓門就已經無晒

但係三神殿總算係完好

而家只係得番一個錢箱參拜

三年後
殘骸已經唔再存在
好努力咁修服緊

作為路過既人
我只可以略盡綿力
同埋祈求一切安好

因為巴士站直入神社
反而外圍係出左黎之後先觀賞

而阿蘇神社邊就係一之宮門前商店街

阿蘇山周邊都係湧水群

相傳呢度D水係可以直接飲用




條街就無乜野行
係有少量既旅行團經過
同埋有D阿蘇名產既赤牛專門店
不過我一心就係想番去宮地站前面間藤屋食晚餐
所以又得番巴士番去

熊本大分呢度D廢老真係好熱心
等巴士見我一個人又鳩UP
問我跟住會去邊
我話之後會去南阿蘇
佢地都嚇一跳
因為阿蘇市係阿蘇山既北面
而南阿蘇當然就係阿蘇山既南面
路程就唔算太遠
但呢段路完全無巴士直接通過
唯一選擇就係的士
佢地都只有祝我好運

不過最唔想發生既事又發生左啦

呢間全阿蘇赤牛最高分既藤屋竟然話今日早休
3點鐘LAST ORDER

一時間我都好混亂
登特坐車番到車站搵唔到野食
唔通又要番去商店街
最後係宮地站附近搵到另一間叫YOKAYOKA亭既專門站
分數唔高
叫做頂住先啦

一個人霸左個個室係舒服既

因為今日無食LUNCH
一陣住果間天文台又BOOK左無DINNER既
所以就係度一次過解決
叫左最貴果隻扒

都只係普普通通
真係只可以當解決食慾

不過餐廳算好
可以幫忙CALL的士
正常由阿蘇市到車阿蘇既方法只得一個
就係坐巴士去到肥後大津站再轉巴士入南阿蘇
呢個方案太浪費時間
唯有坐的士解決
呢段路坐左四十分鐘都有
但係竟然出奇咁平
只係7000YEN左右
對於起上幾次搭既都平好多

而點解山長水遠都要坐的士黎住呢
因為呢個南阿蘇天文台係大有來頭
除左住宿之外
佢仲有個星空TOUR
其實有時去旅行除左食野就係跑景點
近期多左個溫泉之旅
但人既慾望真係無窮無盡
係N次日本旅行之後
想得到既想多
想有一點與別不同既
就搵到呢間天文台黎住一晚

無揀兩食既原因係佢要求四點半前要到達
選擇左當日要去岡城既我真係做唔到
所以就揀左呢個只有早餐又可以參觀夜之TOUR既方案

到達果時我以為去錯地方

見到有人開緊餐

其實南阿蘇月神天文台只係一個統稱
旅館正確既名叫做森之atelier
一晚住宿連早餐一萬一千五
經過一晚之後我覺得抵到爛
而呢度絕對係我一世人住過最好既旅館

不過CHECKIN果時其他住客就食緊晚餐
成個感覺就係好怪咁

今晚係4月19日
岩岩好係農歷15滿月
亦都係平成最後一個滿月
對於觀星黎講唔係一個好日子
因為月亮太光
會睇唔到星星

CHECKIN後得到靚仔鎖匙一條

亦得到說明書一張

八點鐘開始星空TOUR
十分鐘前集合

房就唔係話好靚
不過就三人房黎

除左下面兩床
仲有上層


四四正正基本住宿

叫做仲有個獨立廁所

但係最大既問題係佢唔比開冷氣
[img][/img]
直頭電插都炆左
行到就黎熱死既我唯有開窗

窗外面就係傳說中唔知值幾多億既望遠鏡


沖個涼換件衫搞陣野話咁快就天黑
終於要開始呢個星空TOUR
出發前睇過評語話個TOUR係好既
但係唔識日文會錯過唔少野
希望一陣可以聽得明少少啦

係reception集合
入門口都要除鞋換拖鞋

咁多對擺係門口即係好多人係外面
等我仲以為TOUR已經開始左嚇親即係搵人問
原來我係第一個黎到
有位叫POLLY既人話佢一陣會帶四間房既人
而其中一間就係我啦

裝修幾靚


仲有小賣部

宣傳

係呢度仲可以舉行婚禮

可以既話
真係想係呢度搞
因為真係好正
不過未有機會

然後就越黎越多人集合
仲聽到唔少廣東話
之後就話因為人太多
會分兩TEAM人
一TEAM係日本人
另一TEAM係海外既朋友
結果成TEAM海外既全部都係香港人
可能係復活節關係
真係好多香港人外遊

成個TOUR分三PART
第一PART就係睇望遠鏡
要行樓梯上頂樓

就係呢個好撚貴既望遠鏡

我地呢TEAM總共有一個四人家庭
一對情侶
同埋我一條毒撚
七個人
佢話我地好好彩
因為平時得一TEAM既話會坐爆左呢個地方
每人睇望遠鏡既時間得好少
而且因為我地都係非日本人
仲全程有英文講解

如果對天文有研究既應該會好鍾意呢度
令我諗起日版既50次初吻
山田孝之就係呢類型既學好者

因為無帶腳架
最盡都係影咁

呢支鏡防震都幾勁

講下邊D係雙子座
新星同老星又係咩樣
POLLY都幾識搞笑
起碼我地笑得出
仲有個戶外望遠鏡
原本就用黎睇睇
不過今日月亮太光就變左觀月
今晚滿月
由個望遠鏡望出去個月亮真係又大又圓
深深體會到咩叫外國既月亮特別圓

佢仲可以幫你拎電話透過望遠鏡影月毫
部相機就對極都對唔到

但係一用電話就影到晒月球接面

呢個就係平成最後一個滿月
真係乜都抵番晒

第二PART就係入戲院

由房帶你出宇宙
無辦法係戶外見到漫天星空
唯有係影院到睇

因為唔真實
但係幾靚

而最後一PART
就係戶外草地觀星
一早就已經開定床比我地

POLLY話今晚月亮好光
未必會睇到星星
但一場黎到呢個遠離煩囂既地方
呢半個鐘就算訓覺都好
即管感受一下呢個環境

雖然真係好光
但手渣機都可以影到星星

雖然都係好難影
但呢個就係現場環境

而一場黎到
唔用電子產物
擺低埋部相機
我就係呢個夜空之下盡情咁放空
係香港我連露營都無去過
係唔知痴左邊件總制令我想黎呢個地方
但係呢半個鐘真係令我好舒服
有D感動
令到我
好似搵到少少旅行既意義出黎

而格離位小朋友
就訓到扯埋鼻寒
咁呢個都係旅程既一部份黎既

咁個半小時既TOUR就完結
就參觀下頭先無好好睇過既旅館
餐廳

座位有個房號碼
聽朝就會係呢度食早餐

某D日子
仲會係度有人演奏


任飲既南阿蘇天然水

聽講阿蘇D水好乾淨
雖然飲落去無咩分別

好似要有認定證先可以賣阿蘇赤牛


然後番屋拎埋支新買既腳架出去影相
雖然係第一次用
但都有幾多時間可以係度玩下
又幾特意
不柱我揹多成KG走左咁多路


而周圍真係好黑

頭先露天觀星既地方

POLLY已經好快咁收晒D床


呢個月亮真係成個太陽咁光


因為附加乜都無
頭先阿伯送既万十

成為左今晚既宵夜


仲有頭先行過岡城既捲軸

幾特別

DAY3 完

我成日都話我係跟佢學野

原來塊玻璃已經寫咗

觀星tour幾$？

住宿包埋
我住最渣間房連早餐11500

祖記行軍太慢
Ajax班後生仔快上快落，跟唔上

次次都係球玉望後
人呢人呢

少左兩個主力即刻無得踢咁

如果睇波嚟講，祖記都算係我數一數二唔鍾意既波

呢度夠黑同開揚
如果唔係滿月就有銀河睇

西波

有銀河就正

比祖符碌入決賽都比全盛美欺屌打

睇星果個好正
遲下做伸手黨問樓主拎資料

小花屌打全宇宙
係世界盃踢成咁

間野唯一唔好係偏左地方偏左d

偏啲唔緊要 最緊要值