[長氣多圖][不爛尾] 中九州觀光列車之旅

我都未知幾時去得sosad
暑假機票好貴

行完富士山再玩富士急咁激
富士山急d過山車真係好癲

好鍾意玩過山車
又唔洗自己郁
同去富士山無沖突既
富士急都係我其中一個心願黎

比個期黎
可能快閃富士急都得

唔想立法都無辦法
已經由憤怒變到心淡

DAY4 高森湧水隧道公園

坐番巴士番到高森
就行過去全阿蘇既最後一站
高森湧水隧道公園

1公里距離
大約行十分鐘左右

隧道上面係湧水館

不過四點已經關左門

下面就係隧道公園

算係係側門行落去

公園係外面

而隧道就係裡面


明明有人守門口
但偏偏就係要由自動賣飛機

無入場券可以做紀念
買完飛就比守門人入場


一入到去真係好似與世隔絕咁

個個都話呢個隧道係大伏
但比三百YEN入野睇有冷氣涼
我覺得OK

話說呢度本來就諗住真係起隧道
貫通熊本同宮崎既
點知掘到一半發覺洞內有大量湧水
每分36噸水
仲搞到町內八個湧水場所枯晒
咁就停止左呢個計劃
之後就改建成呢個公園
隧道掘左2公里
而家就將其中550米公開

好似係

咁唔知係咪真係水力發電啦
成條隧道咁長但室溫同出面差咁遠應該用好多電先係

如果只係一條隧道就可能好無聊
所以整左好多聖誕燈飾

都擺足成四個月

右上左落

一方通行

係隧道入口巴士站等車

個行人路窄到我都唔知點等

其實係有巴士直出熊本既

不過快速高森號三點幾已經最後一班
咁而家就坐1732既南鄉LINER番肥後大津站
走左呢班車其實都仲未絕望既
不過就要去高森中央個巴士站等車
會有一班由延岡途經高千穗既巴士駛過黎直出熊本
亦即係一年前我都坐過既果一班
當日坐足三個幾鐘巴士
中間會有個休息站
原來果個就係高森
一年前既我
點會想像到而家我就去左當日我以為唔會有人去既地方旅行呢

聽日就係日本全國大選
好多好嘈既車係咁行黎行去

其中呢個議員叫做さんじ
就係咁三字三字咁瘋狂咁叫


上巴士
然後再見阿蘇山


直到遊記既呢一日
佢都仲係封緊山

離開左阿蘇
雖然旅程仲未完結
但就好似結束左某件重大既事咁
一個二十年既回憶
就係我已經唔再年輕既意思

番到肥後大津坐JR
係新水前寺落車
原本係想去食馬肉刺身既
但好累又揹住好多野放棄左
轉場去到熊本市最高分既拉麵
麵商人

其實都唔係話好近
但食馬肉要轉電車真係好煩
而麵商人只有星期五六日先會晚上營業

而夜晚就只係賣一種麵

唔知咩係煮干

個湯就濃到好似食緊沾麵咁
但係幾樣野撈埋一齊就好入味好好食

食完番熊本站做左成個旅程最錯既一件事
其實應該行番去搭JR番熊本站
而唔係坐電車番去
電車又慢又多人上落
仲會塞紅綠燈
差D搞到追唔到新幹線
一落電車就要直沖入車站
如果唔係就要等一個鐘後先再有車
結果雖然趕得切
但差D反胃

呢條友真係好痴線


因為聽日將會一次過坐五程觀光列車
唔想起身仲要坐多程新幹線
所以今晚揀左係聽日既起點
出水站落腳

好彩行李就一早寄左去酒店
就算係車站

原來扶手電梯係會收工架

肥薩橙鐵道

架熊本列車就停泊左係度

今晚住既WING酒店
就係車站出面

同車站距離近
但附近竟然一間便利店都無
無宵夜食

就係普普通通一間房

住一晚完全無問題

窗外面就係出水站


第一次見到水龍頭D水係真係飲得既


日本新聞竟然報導支那顛婆發顛

唔明呢D新聞有咩價值

話說我買左本27既進擊巨人上飛機睇
睇下睇下覺得好奇怪
點解我無印像麵包妹死左既
結果落機果時就問屋企人搵下屋企頂漫畫
原來我係無買到26期既
咁見酒店竟然係每層既電梯口都擺左漫畫架

就係開始左遊LIFT河既旅程
當我滿心期待去補完第26期既進擊巨人啦

點知佢19期打後就無再入
真係唔識貨
明明馬雷篇開始正到仆街

DAY4 完

鐵道隧道變左觀光點

幾特別
但擺聖誕野又真係九唔搭八

住出水站酒店 有無水出?
應該一晚平過市區?

無去到西出水
明明只係一個站

3百幾
正常價位啦

之前仲諗住搭九州橫斷特急拎佢個張乘車記念証
我差個張就有齊成套

LM
阿蘇D景點好似唔太岩自己口味未必會去, 不過你打到好詳細

大師
我仲差由布院同a列車未坐到

我落車果時問個車長佢都以為有
然之後同我遊晒兩卡車發覺都係無
唔知朝早果班會唔會有呢

點樣先岩口味

你介紹得太好, 陣伏味出晒黎

我好似有多一張由布院（我前後搭左3次）你要唔要？
A列車唔錯，去得三角梗係要睇海豚
上網睇的人話要坐足全程先有九州橫斷特急個張（好似係）

Btw 我最近上網睇到原來佢有兩款乘車紀念証

要自己坐過先有意思架嘛
我由阿蘇坐到別府
坐晒全程啦，仲坐埋指定席，都係得個吉
你係邊度睇有兩張卡？

我tg id係delpierotang
不過我都係去過一次ja

介紹晒陣伏味
火山同神社都正wor