[長氣多圖][不爛尾] 中九州觀光列車之旅

草千里望到個小山丘叫米塚

另外我上年都行左富士山，一個人行富士宮線其實唔難

無去過
不過係香港行開山
驚唔惦最好一早就開始行，慢慢行唔好太急
最緊要book定山上小屋唔好一炮過上頂
入黑前去到小屋休息下訓翻幾粒鐘

一早話咗樓豬Richard
跟佢post 實有好嘢睇

Why

信果班友仔會雙目失明架

岩岩又買左曼谷機票

係wor
應該最後係西站見到果座山先係千幾米

我走最大路果條線ja
而家番屋企有時都會行下樓梯
雖然好似係咩幫助

睇晒攻略
會係河口湖住一晚先上山
有全日時間上八合目
Book左元祖室
睇下之後御來光館開放預約再book唔book到
落山就住溫泉休息一日
再去山梨玩

話咗樓豬又自爆

你睇下自己啲記錄先啦

樓主轉頭又會話曼谷唔係日本唔計

咁樓主咪好忙 又要去曼谷post留言
唔知樓主要追幾多個post

唔知樓豬仲得唔得閒更新依到啦

你mon住幾多個post

每日更新啦hi

你仲有2.5小時

無難度呀

DAY2 別府溫泉 世界之塔 別府塔

話說自從試過一次獨遊溫泉之後
就真係愛上左
而家就係不斷去搵每個溫泉區最好果間
咁今次因為要坐九州橫斷特急同埋阿蘇BOY
就會以別府作為中轉站來回阿蘇
別府總共有八湯
出名既鐵輪溫泉係好遠就去唔到
最後揀左離開別府車站最近既別府溫泉過一晚夜

九州橫斷特急上面既乘客
九成都係大分落左車
而我就坐到總站別府站

五點鐘左右到達
其實時間就已經唔太早
但因為只有一晚時間會留係別府
所以將好多野都迫埋一齊
時間比較趕

首先緊係搵左酒店CHECKIN左先
別府塔就係別府溫泉既地標

見到座塔即係已經身處係別府溫泉啦

同一般既溫泉街唔同
別府溫泉就位處係大馬路格離
離開市中心非常近

不過好似都好古老咁樣

以呢個溫泉區黎講
搵過幾個網站最高分就得出呢間海根酒店既結論

仲要上樓梯

好彩我無帶行李

呢間酒店好似有米芝連推介


其實別府站呢一邊仲有一間差唔多滿分既旅館
但果邊真係純旅館
無兩食即都無任何風景
一個人住兩層樓真係有D驚
所以都係住番呢頭

今晚BOOK既係最細間40平方米既二樓海景房
因為一開始無BOOK到晚餐
直到出發前一晚先覺得時間許可
可以係酒店食埋晚餐
至拿拿臨BOOK個晚餐
特別餐就太急唔比
只可以食個傳統和食
價錢就大約四萬左右
一個人係比較貴左少少

主廳

窗外面係沙灘

望出去同比人望都好方便

套房有兩張床

而房出面就係半露天溫泉

基本上就唔會落閘

夜晚係度浸溫泉仲可以聽到海浪聲

反而洗面位有少少窄

安排左六點食晚餐

因為之後仲要去參觀別府兩座觀光塔
就算黎到溫泉區仲要趕頭趕命

已經日落時間

耐唔耐就會見到有人SWEETSWEET

而我就要獨自食晚餐

今次兩食都係部屋食
如果揀左鐵板燒既話就會係地下餐廳食

餐單


前菜

主菜

好似有D少咁
唔怪得之雖然酒店好高分
但夕食都算係比較低分少少既一環

最後上甜品

可能算係比較現代既酒店
上餐都算快
但係正合我意
因為之後我仲要出門
無辦法好好享受溫泉酒店係一種遺憾
但去唔到景點亦都係一種遺憾
兩害取其輕
當然係選擇左BOTH既我啦

食完飯黑已天

別府除左經典既別府塔
仲有一座新既叫得世界塔
離開車站廿分鐘路程
所以我都係坐巴士去

樓下沙灘望番上黎

呢間應該就係我間房

別府塔夜晚都幾靚

可惜入面真係狗流流

遇上主子

SHOW都唔SHOW我

無人既商店街

其實別府有D舊
而呢D區都有D似紅燈區

係別府站坐巴士到世界之塔
座落係個叫做B-CON既商場格離
夜晚真係好似死場咁

得一個賣飛COUNTER
連門口都無
上網PRINT優惠券可以以200YEN入場
同別府塔同價

呢座無門口
只有一種升降機
上面一個工作人員都無

第四層就係位於100米既高空

又係夜景遺產

雖然按左4樓
但架升降機3樓就開左門
我亦都出左去
盡入既係四面既景色

然後上樓梯

360度景觀

仲係半露天設計

其實幾靚

上面得兩個日本妹係度玩緊
我黎到好似格格不入咁

別府市真夜景

呢個景絕對係世界塔獨家
係別府塔唔會睇得到

因為差唔多滿月
個月亮好光
影出黎都有D怪

世界塔背面個景

果座最大最顯眼既叫做杉乃井酒店
有個泳池係頂樓
可以望到成個別府景觀

第一次用呢支鏡影夜景
係度試左陣就落番去坐巴士走

番到別府站見到北九州發生人身事故

超音號要停駛

係大分呢一兩日就係不斷見到呢個欖球世界盃



別府塔外面有個手湯

幾特別

仲有呢個為世界盃為既


別府渠蓋


又番到別府塔

雖然無咩特別
但作為六兄弟其中一子
都有上一下去既需要既
而呢六子就係
名古屋電視塔
通天閣
別府塔
札幌電視塔
東京鐵塔
同埋博多塔
只係剩低博多未去過

別府塔
開放到夜晚十點

所以可以去完世界塔再番黎

樓上無售票處
要係地下售票機就買飛先上去

200YEN入場
同世界塔一樣

全日本20塔

有時間限制
不了

展望台只有55米高

好矮

而展望台入面真係乜都無
同通天閣
札幌電視塔幾兄弟一樣都係廢廢地
都係玩下紀錄幣鎖匙扣

簡單介紹下

因為太矮
都無乜夜景好睇


不過就可以望到自己間酒店

幾分鐘就可以落番去

番番去酒店



終於可以好好浸過私人溫泉
不過一落水就熱到仆街
需要加番凍水先可以浸得到


今晚宵夜


DAY2 完

hotel umine 我都住過
房靚 但野食真係唔ok
我唔信佢有米芝蓮推介
我食送上房既鐵板燒 都算唔好食

樓主獨遊都豪住

我明明主要住東橫
住左一晚溫泉咁多ja

睇下你北海道住咩酒店

咪住東橫

別府塔個 interior design 都幾靚 wo

個夕食有 d 少, 我去又唔知要食幾多宵夜