[長氣多圖][不爛尾] 中九州觀光列車之旅

應該舊版同新版
我見有台仔都問係咪無左印給
有人答佢未聽過
我懷疑條友都係亂答

樓主揾左條女出晒水

無水既麵搵唔到

原來咁難拎架?
我得兩張九洲乘車紀念証, 其中一張就係九洲橫斷特急

可唔可同你交換，用二換一都得

睇錯，以為你有兩張九州橫斷特急

巴打係咪好耐之前去架啦？

我上年去別府都係住呢間
兩個人3萬6yen，加鐵板燒，係抵左間房超大加個景唔錯

應該三四年前左右

留個遺憾俾個藉口自己第時再去

好似唔再派啦

DAY5 橙食堂

九州最後一個全日既行程
今日將會坐到四架觀光火車
暫時係我一生最顛的既一次鐵路之旅
我並唔係鐵膠
連型號都唔識
只係個集郵撚而已

酒店外面既出水站

今日第一程就係肥薩橙鐵道既橙食堂列車
係JR當道既九州知名度應該比較低
原本都只係諗住坐肥薩線
點知見到時間又可以
就將佢放埋入去行程

今日既行程是咁的
0756坐橙食堂 出水->新八代 0939到達
1025坐SL人吉 新八代->人吉 1209到達
1322坐伊三郎 人吉->吉松 1448到達
1516坐新平 吉松-人吉 1635到達
1724坐翡翠山翡翠 人吉-新八代 1829到達

除左阿蘇
今日係旅程另一個重心
一次過將南九州既觀光列車幾乎坐晒
都算係一程經驗

再下次去西九州
我會想試下ARU列車
雖然係貴左少少

出水站並唔係肥薩橙鐵路既起點
不過就係今日橙食堂既起點

入到去已經有阿叔恭迎
本身我以為自己真係會包車
原來仲有個阿嬸一樣會坐呢架車
就變左一人包一卡
咁樣都唔錯

橙食堂多數五六日運行
而平日會作為貸切列車運行
每日有三至四班
分早餐
午餐
下午餐
同晚餐四班車
我今日坐既係最早既早晨車

同其他觀光列車相類似設計

印滿晒自己LOGO




內部豪華裝修
第二卡有個室設計


我坐既第一卡

最主要係因為呢卡有counter位可以面海

我最鍾意就係坐呢種位

一上車就已經見到餐具排好晒
仲有張歡迎狀

話說我之前寄左行李到出水間酒店
今日就拎埋上火車
因為無人
車掌阿叔就比左個位我個GIP訓


全車總共有三個服務員
可能因為無乜人而我又係外國人
感覺上服務好似特別好咁

其實都已經唔係第一次咁樣坐觀光列車法
開始已經覺得唔再尷尬

同JR唔同玩法既紀念乘車證


上車前入晒信封交比你
裡面仲有張神秘禮物換領卷

車上面仲有自助曲奇任食


咁沿途都有日文旁白講解外面風景
由於我聽唔明
阿叔就好熱心指埋比我聽呢條河就係鹿兒島縣同熊本縣既交界

因為熊本叫做肥後
而鹿兒島叫做薩摩
所以呢條鐵道就叫做肥薩橙鐵道
而橙唔識解

一開始我都唔知823呢個時間係點解

直到去到水俁站

我仲ON99咁望住窗外面
然後阿哥仔就拎住一堆野

之後仲見到同車另一個阿嬸都落埋車

我先知道原來係可以落車行下
而0823係開車時間
之後一路去到吉松
每架車都可以見到呢個阿嬸既存在
即係佢同我既路線大致相同
再之後見唔到佢最大既原因
係佢應該坐隼人之風番鹿兒島
而我就坐回程車番熊本

水俁站重新裝修過
所以好鬼靚





熊本三大鐵道

JR肥薩線
肥薩橙鐵道
同埋熊川鐵道
而熊川鐵道位於人吉
佢仲有架叫做HAPPINESS既觀光列車
因為唔可以係人吉留一晚
所以無機會坐得到
好可惜
其實我都幾想係人吉溫泉過一晚夜
咁就可以試埋人吉最出名既上村鰻魚

外面既天空好到不得了

第五日黎到九州
個天都係無變過




夠鐘番入車
已經見到哥仔執緊我份早餐

好似係

呢個早晨行程價值4000YEN
包早餐一份
比起其他JR列車應該都算抵
仲可以無其他支那語音騷擾
絕對係我今次行程最美妙既一程

阿叔話將D沙津放落個包度

真係第一次覺得早餐都可以好好食

津奈木站

前面呢舊叫做重盤岩

因為我一副聽唔明既撚樣
佢拎埋份肥薩指南出黎講


一邊食早餐
一邊CHILL住享受呢個中九州既風景

好耐都無試過咁優閒

最後一個會長停既車站係日奈久溫泉

而中間會經過不知火海

對面佢同我解釋左好耐我都唔知佢講果個係咩黎

然後打開GOOGLE MAP
原來就係天草
作為FATE FAN屎既我
當然知道天草四郎係乜水
而且天草係我今次旅程既遺憾黎
全部JR九州既觀光火車
就係差去天草既A列車坐唔到

食飽早餐無野做
望住天草呢個島
佢地兩條友塞左張紙仔比我
同我解釋乜野叫做俳句
俳句總共三行
5,7,5咁17個音組成
而家你叫我學大木博士咁七步成詩
雖然我讀係文科
但我未讀過文學架嘛

之後佢就叫我鳩寫其求乜都好
就寫下呢個旅程既感想

然之後我就寫左呢三句ON9野出黎

佢話會拎去唔知邊個車站貼堂
痴撚線

係日奈久溫泉站
會得到神秘禮品一份
裡面有筷子等等既雜貨
仲有其他野販賣

但全車只得兩個人
當然無人幫襯

車站休息室

上面仲有何雀巢

普通古老車站樣

係度買左D入場券

估唔到離開左北海道
黎到九州一樣都有得買


我本來淨係想影個老納

但係個外國人啤鬼住我
好似仲有套有村架純做既鐵道電影

上番車阿叔比左個印仔我玩

可惜張紙就無咩特別
純粹就比你收藏個印

最後一個站
八代站

會停一分鐘咁多

橫跨球磨川


條紅橋又幾特別

係八代市
11月會有妙見祭

八代站係肥薩線終點
阿嬸就係度落左車
但係橙食堂會開去到新八代站
而我就會係新八代轉SL人吉

咁其實架車除左阿叔同哥仔
仲有個拎住鈴鈴既姐仔

就黎夠鐘開車佢就會拎出去響鐘

臨走果時一次過搵佢地三個影相
雖然都坐過好多架觀光列車
但今次真係坐得特別開心
完全感受到乜野叫服務
中間其實有條小插曲
當時我唔知做乜撚玩手指整損左手
本身就無乜野
阿叔竟然拎左張膠布黎

咁男人老狗真係貼乜鬼膠布
但阿叔一場心意就唯有貼左佢
如果架車多D人就應該唔會做到咁貼心

新八代既在來線同新幹線係屬於兩個車站
因為要放LOCKER
所以就要離開月台走去新幹線站

放完LOCKER啪埋卡比錢
到我玩完一日番來果時竟然見到個LOCKER係開住既
原來我比完錢無拎走條鎖匙
即係個LOCKER全日都處開打開既狀態
痴撚線

新八代站



因為SL人吉係在來線
放完LOCKER又番番去
阿叔已經等緊下一班客仔

呢個月台有好撚多觀光列車會停

翡翠山翡翠
伊三郎新平

SL人吉
仲有唔存在既橙食堂

新八代站


成個月台都係企滿等觀光列車既人

第一架係走左又番黎既橙食堂

阿姐仔今次要走出黎接客

又影多次



今次午餐車比較多人
雖然連一半都坐唔到
同JR果幾架真係完全無得比

可能我一條毒撚又係外國人
所以比較易認
阿姐臨走前仲講多聲多謝

然後望住燈食堂駛走
就等待下一程既SL人吉

續

地震之前

呢緊月中會自己去富士急玩

同frd係南九州玩完坐完火車
之後自己飛上去東京玩兩日

去完可唔可以講聲玩成點
比d勇氣我一個人去
有無諗住去鬼屋
好似一個人唔比入

鬼屋唔啱我
我連海狗公園嗰啲都唔敢去

想去富士急玩佢啲過山車好耐
因為我依家喺外國讀書
呢幾年冇乜機會再去日本
所以今次特登飛上東京玩埋

等你report

A列車有signature highball 飲


快啲再plan 去坐仲可以玩埋天草 睇海豚

架橙食堂原來咁正，淨係搭過去日奈久溫泉住溫泉旅館就完咗

間房真係幾大間
不過你兩個人咁平