睇到你依個post 令我諗起依個post:https://forum.hkgolden.com/view.aspx?message=4779460&page=1
我每年都會有一段日子覺得個心會好痛好痛
個一段日子會將我帶返去當年我覺得好痛但又好開心既時期到
所謂既“當年” 就係我最lost and found既一年
我係個一年搵到自己 搵到自己想要既野 搵到一樣值得我瘋狂一次既野
同時間亦我遇上佢 同佢相識相知相愛
覺得一切都好唏噓
每一年睇返個post 上年又睇返 睇下原post個日期 原來已經過左咁多年
係咪真係得我一個人仲係原地踏步 或者其他人已經走得好遠?
我開心既時候 又會睇 唔開心既時候 又會睇
以為自己開始都睇下睇下就會無哂感覺 但係原來對佢個份情仲係到
以為每日都同自己講:佢死左架喇 你醒下啦
以為咁樣我就會醒 但其實唔得
以為自己係出於不甘 覺得付出左咁多 理應要得到相同既回報
但原來無條件為佢付出既一切已經係大於不甘
個一刻 我終於醒左 終於知道4年來都唔係不甘 而係真係愛佢
係愛到痴左線個種
我從來都無迫過佢 佢話點就點 佢話乜我都會話好
佢話過:你對我真係好。
好 咁點解要拋低完我一次 又要再拋低多我一次?
我不懂 真的不懂。
直到有次 咁岩係路上巧遇 見到佢
問佢 點解唔覆我?
佢竟然話:好快會覆
依四個字 逐隻逐隻字咁樣打左落我個心到 覺得好痛 好痛。
原來依個世界係真係有種距離
係我企係佢前面 曾經愛過既人 竟然變到如此陌生。
原來彼此所講過既一切同將來 一轉身 就可以變成一堆狗屁
或者佢已經忘記得一乾二淨喇 咁耐以黎只有我一人在原地
等? 要你等的人,你不會等得到
後來發現 即使佢不愛了 忘記我了 點都好 我都仲可以係到等佢
係咪真係太傻 好傻 真的好傻。