有無人睇書好鍾意打下Notes記得d鍾意既句子或撮要？

類似呢個page？
https://www.facebook.com/copybook.hk/

有無人鍾意睇哲學呀文學呀社科呀等等既書又鍾意記筆記，又…想同人share？

不如…一齊喺度share互相stimulate？

《致魯賓遜》楊瀅靜

你恨極海浪說過不停
傾聽那一片海
但你卻更寧願去聽
城市裡的噪音

你更討厭那些生氣勃勃的綠
到處是樹葉嘴巴
有風就得發出聲音
你無法插嘴
無法得到交談的愉悅

#

詩好長，特別鍾意呢兩小節。
因為我無諗過…魯賓遜其實討厭大自然？呢個角度好可愛。
即使大自然可愛…喺寂寞時，寧願喺返城市，喺有其他人可以交談既城市？

//討厭那些生氣勃勃的綠
//你無法插嘴
呢兩節似反映作者自己同人相處？
有人太有生氣，太多話，只係單向講，而唔識傾聽。
呢個抱怨幾可愛

《水上葬禮》 楊瀅靜

你恨過的人腐朽
愛著的人誕生

#

好鍾意「愛著的人誕生」種時間錯亂：
誕生前，已經愛著。
呢種描述好浪漫。
就似，愛唔係雙方誕生後相遇發生；
而係，雙方誕生前就已經愛著，命中注定咁愛著；
愛係必然，之後既誕生同相遇反而顯得次要，而只係順從種必然既愛而自然地順便發生。

「你恨過的人腐朽」，呢句邏輯正常。
恨發生後，對方就腐朽。
腐朽既未必係真正對方個人？
而係對方係自己心入面既狀態。

《沒有影子的地方》 楊瀅靜

他賜給她一片陰影
沒問過她要不要
自此她的影上增了別人的重量

#

兩個人…喺埋一齊？
自然兩個人同行，影就重疊而變大。

「陰影」係指現實中既影，都係指…對方心理既陰影？
就係對方既情緒、對方既唔開心等等。

「她的影」係指現實中既影，都係指…自己心理既陰影？

呢種語帶雙關好可愛。

標題「沒有影子的地方」，睇晒成首詩會知…
作者認為，只有離開世界先可以再無影子或陰影…

詩人之寫詩，純粹出於自然，腦子裡決不能有旁人的存在。

——張愛玲

#

寫者沉浸於自己的世界
探索語詞的新鮮性、神秘性
也透過寫作從自己世界通往不同世界
摸索自己每個念頭
試圖表達一切不易表達的

#

甚至唔只寫作？
其實好多事，一為他人而做，就變質？
譬如為吸引他人而改變自己。
咁就只會成為一個，太討好人而無左自己，最後更討人厭既自己？

或者好多事，都只可以為自己而做？
對外面既世界外面既人有咩影響，就只係不可控、要順其自然既後話？

可以隨便回覆，唔洗一定要貼Quotation，可以討論當中諗起既野都得？

在縱慾歡樂中，一個男人貼著那個女人的耳朵低聲問：What are you doing after the orgy？

——Jean Baudrillard（尚·布希亞），《冷記憶 1980-1985》

#

orgy，鬧酒狂歌；狂歡；放蕩；熱衷。

男喺行動中問呢句。
問題入面…after the orgy…用orgy呢個字去間接將做緊既行動定性為orgy。
或者行動未完，女方根本未感受到種活動係orgy？但就喺狀態曖昧既情況下，男方就先行將個活動預想而定性為orgy。

「What are you doing after the orgy」，喺行動中，男方問呢句，將女方由當下分心到去幻想事後既狀況？
呢種誘導到分心…或者係一種手段，緩和對方既緊張，方便自己行動？

甚至，活動太情欲太激情…呢個狀態…社會定型下，係男方benefit？
男方將女方誘導到去思考What things will happen after the orgy…事後個種激情變淡，變得溫和既intimacy，係社會定型下，較屬於女方既領域？

呢句問題，係flirting，有好多暗示，同時係instrumental，連結當下同未來既虛虛實實。

任何誘惑都是貓一般輕盈。就好像外表開始自己運作起來，不費力就能前後連貫。

——尚·布希亞

#

誘惑最重要既係表現自然。
要表現自然，就要輕盈；如果太沉重，就係try hard，try hard就係刻意、著跡。
刻意，intention太大，就無美感。

「不費力就能前後連貫」。
誘惑係一剎一個動作，但更重要既係，作為一個人，剎剎既統一成為一個無矛盾既人格。
誘惑要喺一個吸引既人格下先有意義。
就似貓既舞要喺一隻style consistent既貓中出現，先有感覺，有種真、真誠、authentic既感覺。

如果人格唔因為一致而表達到真實真誠，誘惑就變得虛偽，虛偽既誘惑無力，甚至令人反感。

與其喜歡享受性欲的女人，還不如喜歡那些假裝享受快感的女人。後者在快樂的遊戲中保持著一定的距離，保持著某種貞操。

——尚·布希亞

#

鍾意點既人好？

可以鍾意直接既人；可能係直接對你好？直接向你表達好意？直接同你一齊享受你享受既野既人？
但種直接會令人猶疑…我究竟係鍾意緊對方，定鍾意緊對方對自己既好？或者鍾意緊譬如享受自己享受既野？

可以鍾意間接既人：佢地多扭擰。
你唔確定佢地心入面係點。
佢地個心本身就好矛盾。
佢地都唔肯定自己想點。
佢地心入面本身就有兩面矛盾而同時存在既面。
你望住，根本確定唔到邊面更真。
甚至…邊面更真？個答案可能刻刻唔同。
你愛住一個咁既人…當你問自己…我鍾意佢係基於咩原因？
好可能根本答唔出。
答唔出具體原因既喜歡…可能係最真既喜歡。
因為呢種喜歡似係為喜歡而喜歡；而唔係為其他外在原因而喜歡：就可以確定…自己鍾意既唔係果一個…外在既原因本身？

「我們要散步，我們要走很長很長的路。

我們要不涉核心相親相愛，走整個城市。

只有在散步的時候我們真正的談話，老派的談話。

你爸媽都喊你什麼？弟弟。
你的祕密都藏在哪裡？鞋盒。
裡頭有什麼？棒球、兩張美鈔以及書刊。
你寫日記嗎？偶而。
你養狗嗎？瞇魯。
你喜歡的電影是什麼？諾曼第登陸。
你喜歡的女明星是誰？費雯麗。
你初戀什麼時候？十五。
你寫情書嗎？很久沒有。
你字好看嗎？我寫信給你。

你有祕密基地嗎？我不能告訴你，有一天，會帶你去。
我笑了但沒說好。

你可以問我同樣的問題，但不能問我有沒有暗戀過誰，我會撒謊。這是禮儀。

我們走路的時候要不停說話，紅燈停下便隨著節奏沉默，鬆鬆又黏黏地看彼此。
每次過馬路，我們要幻想眼前的斑馬線，白色橫紋成為彩色的。
紅、橙、黃、綠、藍、靛、紫，一條條鋪開。
踩過它們，我們就跨過了一條彩虹。
過完它，我們到達彩虹彼端。
一道，又一道。簡直像金凱利那樣在屋簷上舞蹈。

我們如此相愛，乃至於渾然不覺剛剛行經命案現場，沒聽見消防車催命趕往大火，無視高樓因肉麻崩垮，雲梯上工人摔了下來，路邊孩童吐出了雞絲湯麵，月球因嫉妒而戳瞎了眼睛。

送我回家。在家門口我們不想放開對方，但我們今晚因為相愛而懂得狡猾，老派的。

不，寶貝，我們今天不接吻。」

——李維菁，《老派約會之必要》

#

散步，其間有一問一答既訪問。
Odd，但正因為Odd而有種純真純情。

去到基地既一問，女方既不答，又顯出機靈，一種故作既矜持。
都係Odd，而純真純情。

行路既時候先對話，因為眼要顧路？
到等燈時，眼唔需要顧路，就可以望最重要既野：對方。
而望既時候，為左專心？嘴巴都閉上，甚至呼吸都暫停？就緊緊望住對方。

然後，無論散步定談話定對望，都完完全全專注到旁若無人。

而種情既濃度，唔因為身體接觸而釋放。
寧願保持身體既距離，令種心如鹿撞既感覺停留喺心，蘊釀。

「她從一開始就知道他無能軟弱，中年人卻承擔不了一點這世界的重量。」

——李維菁，《老派約會之必要》

「微捲的長髮、作夢的眼神及害怕衝突的焦慮，我覺得我看到下一個藝術家的妻子。」

——李維菁，《老派約會之必要》

「把繩子看成繩子不需任何勇氣；把繩子誤當成蛇，這才需要勇氣。」

——Jiddu Krishnamurti（克里希那穆提）

In his 43 year William Stoner learned what others, much younger, had learned before him: that the person one loves at first is not the person one loves at last, and that love is not an end but a process through which one person attempts to know another.

“Stoner” by John Williams

本野好撚好睇

搵到中譯，應該會睇中譯，個簡介好吸引
https://www.books.com.tw/products/0010653681

《史托納》的主人翁威廉‧史托納於十九世紀末出生在美國密蘇里州的一個貧窮務農家庭中。他父親送他到密蘇里大學學習農業經營，但他卻意外愛上了與貧瘠農地天差地遠的英國文學，後來甚至成為了一位學者。不過，年復一年，史托納的生活遭遇一件又一件的挫折：脫軌的婚姻、父母的衰敗、家庭的暴力、愛女生命的消蝕，以及一段轉瞬即逝的燦爛愛情。淡薄堅忍的氣質，如何面對生命的種種衝擊？史托納在他不斷向自己內心追求的過程中，重新探索了純樸祖先們傳承下來的理智德性與靜默隱忍的力量。這些力量伴他面對一生無法逃避的孤寂。

我都識Freud喎！
你平時除左睇小說，係咪仲會多睇其他書？

主要研究人類行為同思想（諗野都係行為），文化，社會問題，歷史學（唔係專業），同哲學。

文學都有睇，不過唔係本本岩口味 通常下載左去Kindle，覺得幾好睇先去買

我會用螢光筆間

唔洗打，影嚟post都得

第一段，以為你RPG緊Freud

本野好似幾正

留名

留埋句子Quotation喇