《香港傭兵》(23)

1001 回覆

19 Like 1 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2019-05-02 17:35:46

幸運小灰鳩 2019-05-02 17:35:51

飛揚 2019-05-02 17:36:16

飛揚 2019-05-02 17:36:42

弟兄寶馬 2019-05-02 17:38:11

飛揚 2019-05-02 18:30:41

飛揚 2019-05-02 19:00:05

上回講到原來散漫都係叛徒！
仆街喇呢次...唔止係三對十...仲要係二對十一...
其中一個仲要係先行者！
散漫呻做先行者又點？咪仲危險！
又冇得繼續上！上面得返一個預行者話晒事！
係SPIRIT嘅權力核心問題...好複雜...唔係咁易理解...而家亦冇咁得閒理解...
綽姿話呢啲都唔係叛變嘅藉口！
嘩...說話又唔係咁講吖...冇必要同自己條命仔過唔去吖...
散漫早知綽姿佢哋唔會同意...
唔係㗎唔係㗎...其實飛揚都好認同㗎...可唔可以一齊加入逆行者吖？
一言不合，十個行者就同綽姿同飛揚展開攻擊！
飛揚就只好盡力招架！
之但係...未爆Seed嘅飛揚真係唔多掂喎...
“嗡！吱！！！”飛揚用精神刀擋住面前嗰個，然後左右兩邊同時各有一把紅光刀刃兜頭砍落嚟！
今次弊！
喺電光火石之間，綽姿一邊用精神刀刃幫飛揚擋，另一邊就直接用右手接住另一把紅光刀刃！
大量嘅紅色粒子由綽姿右手掌心中飄出！
綽...綽姿...
此時，坐喺瓦礫堆上嘅散漫就食住花生講：「真係估唔到，西貢攻防戰嘅倖存者都會顧及隨行者...成為自己嘅負累...」
成為...負累...
飛揚係綽姿嘅...負累？！
跟住既劇情發展又會係點呢？

準備出文

飛揚 2019-05-02 19:00:41

[Day 12－片翼光芒] PART 11

綽姿一刀格開精神刀刃，再揮刀擊退三名行者！

「不愧為西貢攻防戰嘅倖存者...」

綽姿係...西貢攻防戰嘅倖存者...

「西貢攻防戰死傷慘重...唔好話執行者...就連先行者都冇幾個存活...」

綽姿嘅實力...

「如今一見...能力同實力果然好接近先行者...就只差一點點...」

接近先行者...

飛揚 2019-05-02 19:01:41

「單憑在場十個執行者，根本就唔係瓦解嘅對手。」

十個執行者...都唔係綽姿嘅對手...

「要全身而退，必定綽綽有餘...要是消滅晒佢哋，都只係時間問題...」

綽姿可以一個...打十個...

「可惜...有個咁垃圾嘅隨行者佗手掕腳都算，仲要因為保住佢而拖累自己...哈～睇嚟今次...我可以抖抖～」

我係垃圾...

係我拖累綽姿...

飛揚 2019-05-02 19:02:10

我係綽姿嘅...負累...

負累...負累...我唔要...我唔要...

八個行者圍住綽姿嚟攻...

我唔要做...我唔要做...

另外兩個正準備向我再次發動攻擊...

我唔要...我唔要做綽姿嘅負累！！！

飛揚 2019-05-02 19:03:11

『喝呀！！！』我雙手握實精神刀，身上隨即散發出刺眼紅光！立即以忍步衝向兩個行者面前！

先發制人！

“嗡！”我向住兩個行者一砍！

兩個行者立即各自向左右跳開！

將佢哋兩個分開嘅一剎那，我立即向左邊嘅行者施以橫到一斬！

行者邊退邊用精神刀擋！

“吱！”我見個行者好似只係勉強擋住，就乘勝追擊！

“嗡嗡！吱！嗡嗡吱！嗡嗡！”我向住面前嘅行者施以亂刀狂斬！

面前個行者一邊擋，一邊後退！

我要斬！我要斬中！我要斬中要害！

飛揚 2019-05-02 19:04:42

就喺我連環揮刀，紅光刀影閃過不停之時，我感覺到背後有道氣息正急速接近！

接著！我感覺到有一道強大嘅能量由背後直砍落嚟！

係...精神刀嘅能量！

我立即用精神刀反手一擋！“吱！”正確無誤咁擋住從後以來嘅行者施以嘅偷襲！

我隨即用左腳向後一伸！順勢向前一砍！

後面嘅行者俾我一腳伸開！面前嘅行者就勉強擋住我嘅一砍，震到退後咗幾步！

飛揚 2019-05-02 19:05:31

眼見面前嘅行者借勢向後退多幾步，同我拉開距離。而我感覺到背後嗰個俾我伸開不遠，仲失緊重心...

我冇向前追擊，反而轉身向後一砍！

“嗡！”一刀直砍落行者身上！

呢一刀，雖然唔入肉，但行者身上件長袍同我手上把精神刀擦出大量紅色粒子！

可惡！能量唔夠大！砍唔開長袍嘅防禦！

不過唔緊要...只要繼續砍中...斬中...就睇吓邊個能量消耗得快！

飛揚 2019-05-02 19:06:17

我乘勝追擊！貼住行者施以連環斬！

“嗡！吱！嗡！嗡嗡吱！嗡嗡吱！！！”紅光刀刃與紅光刀刃之間不停互相撞擊！磨擦！飄出大量紅色粒子！

無數咁多紅色粒子喺氣空中飄散！消失！

行者俾我迫到跳上瓦頂！

我都立即跳上瓦頂，再順勢向住瓦頂揮咗幾刀！

本來已經爛爛地嘅瓦頂俾我再斬到瓦片都碎開！飛起！

飛揚 2019-05-02 19:07:20

行者見冇立足之地，立即跳返落地面！

我就向住行者一跳！由上至下喺正行者頭上直砍落去！

行者一個轉身用精神刀一擋！

“吱！”大量紅色粒子就由紅光刀刃之間飄出！

就喺呢個時候，另一個行者見我有空檔，就趁機過嚟送我橫刀一斬！

我就喺紅光刀刃仲未揮到埋嚟我身邊之時，快速一腳踢落佢個頭！食到應一應！三百六十度轉體三周半直飛落地！

同時我都轉身落地擺返個有型姿勢！

飛揚 2019-05-02 19:09:12

俾我踢到飛落地嗰個行者仲拐吓拐吓咁起身！另一個就立即走到佢身邊！

兩個都向我擺出防禦姿勢！

喺我都仲未諗到應該要點破之時，好自然咁踏前步！同時向佢哋兩個使出一閃！！！

“嗡！吱！！！”右邊嗰個及時用盡全力擋住！左邊嗰個見有空檔，就立即想向我揮刀一砍！

但都只係喺佢舉起把精神刀之時，我就已經舉起右手！托住佢刀柄！

同時，我向後抽刀，“吱！！！”紅光刀刃與紅光刀刃之間擦出大量紅色粒子！抽到最盡之時，再向左邊嗰個行者一刀刺埋去！

飛揚 2019-05-02 19:10:06

左邊嗰個行者及時反應得切，一手拉咗右邊嗰個行者埋佢面前擋！

刀尖直刺向行者胸前...刺進長袍...刺進體肉...

我感覺到...感覺得到...成把紅光刀刃刺入行者體內！

「嗚呀！」面前被人拎嚟做擋箭牌嘅行者口噴紅色粒子！

大量紅色粒子就由暗黑嘅面容飄出...喺空氣中消失！

同時，我感覺到腰間有被刺嘅感覺...

原來，有把紅光刀刃由面前個行者嘅肚穿出！刺入我腰間！

飛揚 2019-05-02 19:11:19

『吔！』我一腳就伸開佢哋兩個！退後兩步！

被刺兩刀嘅行者都俾佢身後嘅行者一腳伸開！跪喺地上！

我望望自己腰間嘅傷口...飄出紅色粒子...

我再望住跪喺地上....慢慢企返起身...胸口正中心同肚嘅傷口都飄出紅色粒子...

唔係要害...所以唔會立即煙消雲散...

之不過...

『竟然用隊友嘅身體擋刀都不單止...仲要借佢嘅身體向我施襲...』卑鄙到極。

「哈～隊友？你講咩吖？」中咗兩刀嘅行者口吐紅色粒子，單手撳住胸口，「今次我俾佢利用...下一刀可能係我送返俾佢...」

『又係咁...爾虞我詐...死不足惜...』

飛揚 2019-05-02 19:11:46

今晚出完