《香港傭兵》(23)

上回講到飛揚好信個卜占師。
之但係綽姿就唔覺有乜咁好信。
唔係喎...講晒佢哋而家嘅情況喎...仲唔堅吖？
講真一句，呢度有邊個唔係咁㗎？
又好似...真係...
綽姿留意到呢度好多拾荒者擺檔賣嘢。
仲話全部都有佢嘅價值，就只有占卜師最冇價值吖嘛～
啱吖啱吖～就只有冇價值嘅飛揚先覺得占卜有價值～Match晒～
綽姿帶住飛揚上到平台，路過一間酒吧後，就挨住石壆睇夕陽。
飛揚唱起歌嚟～綽姿覺得勁難聽，要飛揚收聲。
唔唱咪唔唱囉。
飛揚發現海面上有唔少船駛出駛入...問起有冇機會由水路出去。
綽姿話唔少黑社會都想咁做...之但係有規矩定咗只可以出入貨物㗎姐...
『咩規矩嚟㗎？邊鬼個定㗎？』冇其他出入市區嘅選擇...又俾林雪壟斷！
即係利益輸送姐！
「仲有邊個定？咪又係西貢獻命。」綽姿點點頭。
又係西貢獻命班仆街！
作風咁似政府，唔怪得國安局會睇中佢哋啦！
跟住既劇情發展又會係點呢？



準備出文