《香港傭兵》(23)

1001 回覆

19 Like 1 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2019-05-01 15:37:31

幸運小灰鳩 2019-05-01 17:13:15

飛揚 2019-05-01 17:15:29

可愛妹妹仔 2019-05-01 18:58:58

響日本等文

飛揚 2019-05-01 18:59:49

日本

可愛妹妹仔 2019-05-01 19:00:13

㗎妹

飛揚 2019-05-01 19:00:15

上回講到呢個頭髮凌亂...滿面鬍鬚...烏眉瞌睡嘅男人真係今次強迫委託嘅隊長...先行者散漫！
唔撚係掛？點睇佢都係一個社會嘅垃圾咋喎...
自我介紹完之後，綽姿同飛揚就跟住散漫行。
行到嚟停車場，望去遠處嘅寺廟。
有乜嘢睇？好似都係破爛同荒廢...就好似尋日同羅羅去青松觀一樣。
散漫同綽姿都用上精神液，飛揚都立即跟住做。
然後就見到有十個身影行入寺廟。
呢十個身上都散發住紅色嘅身影...就係變節行者？
十個咁多？點搞吖？
綽姿同飛揚都跟住散漫跳過去！
殺個措手不及？好吖！
之但係...跳到落嚟嗰十個行者面前...又唔似係要...殺個措手不及喎...
仲要好似...
散漫向住嗰十個行者行近兩步：「你哋都嚟咗喇？」
有啲...
散漫再向住嗰十個行者行近多一步：「好準時。」
呢個情況...
「同我哋約嘅時間...」
呢種氣氛...
「啱啱好。」
有啲唔妥...
跟住既劇情發展又會係點呢？

準備出文

飛揚 2019-05-01 19:00:46

「你哋十個...想成為逆行者？」散漫繼續背住我同綽姿，問問面前十個行者。

好唔妥...有一種極危險嘅感覺！

「首先...要過咗佢哋嗰關...」散漫以背住我同綽姿嘅姿態，向後指指我哋。

“嗡！”一聲響，綽姿拔出精神刀柄！亮出刺眼嘅紅光刀刃！

當然！我亦都立即跟住綽姿拔出精神刀柄！亮出紅光刀刃！

綽姿堅定不移咁企定定：「估唔到...身為先行者...都要做叛徒。」

「先行者？」散漫轉個身，兩點紅光對住綽姿，「咪只係一個名！」

只係...一個名？

飛揚 2019-05-01 19:02:39

散漫繼續講：「先行者又點吖？你估唔使做吖？咪又係今日唔知聽日事...日日搵命搏！」

日日搵命搏...

散漫繼續講：「我哋個個都用盡方法賺多啲Sil！賺到又點？買裝備買精神液買情報都入不敷支啦！」

啱吖啱吖...啲情報好撚貴㗎！

散漫繼續呻：「唔死得俾你好似我咁上到先行者喇，咁又點？咪就係啲強迫委託更危險！」

強迫委託...更危險？

原來上到先行者嘅級數，都仲要做強迫委託...而且更危險...

又係喎...強迫委託都係先行者帶隊㗎嘛！

飛揚 2019-05-01 19:04:27

散漫繼續呻：「會遇到逆行者嘅機會就嚟越大！有得避吖，都想避開佢哋啦！你哋都唔係唔知㗎啦！」

啱吖啱吖！又講得啱吖！

次次遇到逆行者，綽姿都叫逃走㗎啦！

明顯就係遇上逆行者嘅策略啦！大家都有共識㗎啦！

散漫滔滔不絕咁呻：「你想上進？又上唔到預行者！本來十二個預行者，而家只係得返恐怖一個話晒事！想頹廢咩？你又唔可以落返去做執行者，就只有死先係唯一出路！」

十二...預行者？

而家只係得返...恐怖一個話晒事？

咁講法...即係話本來有十二個預行者做決策？

飛揚 2019-05-01 19:05:33

等等先...有啲複雜...照散漫所講嘅推斷...呢個牽涉到SPIRIT嘅權力最頂端！

假如成個SPIRIT都係得一個稱號為“恐怖”嘅預行者話事嘅話...獨攬大權...公平咩？！

不過講返轉頭，嗰十一個預行者去晒邊？

跳晒船吖？

牽涉嘅層面太高...好難推測...

再加上而家嘅處境...

飛揚 2019-05-01 19:06:21

散漫攤開雙手：「有機會幫逆行者做事，咪當係俾自己一個生存嘅機會囉～」

啱吖啱吖！我都係咁諗㗎！！！

形勢比人強，有得揀梗係揀勁啲嗰邊㗎啦！

綽姿正氣凜然：「呢個唔係背叛嘅藉口。」

嘩...說話就唔係咁講喇...

我哋做啲嘢都唔係大仁大義吖...冇必要同自己條命仔作對吖...

呢啲都係喺你身上學返嚟㗎咋...

飛揚 2019-05-01 19:08:31

散漫擰擰頭：「我就知道你哋唔會認同。」

咪住先...咪住先...唔認同嗰個係佢咋...我好認同㗎！我好認同㗎！

散漫擰轉身：「殺咗佢兩個，你哋就可以加入逆行者。」

喂喂...咪住先...咪住先...仲有商量㗎嘛？

“嗡！”十個將要成為逆行者嘅行者同時拔出精神刀柄！亮出刺眼嘅紅光刀刃！

喂喂喂喂...咪住先...咪住先...仲有位俾我哋加入㗎嘛？

飛揚 2019-05-01 19:09:20

散漫一邊行去瓦礫堆，一邊講：「你哋最好小心啲...話晒瓦解都係西貢攻防戰嘅倖存者...雖然...我冇參與嗰次委託，並唔清楚有乜咁特別。始終消息都被禁...不過冇所謂啦～我都唔在乎～」

當散漫坐喺瓦礫堆之上之時...

十個變節嘅行者立即向我哋作出攻擊！

呢次弊！正前方一百八十度同時受攻擊...點擋？！

只見綽姿踏前一步，同時招架五個行者嘅攻勢！

其餘五人都亦同時向我展開攻擊！

飛揚 2019-05-01 19:12:17

“嗡！嗡嗡！吱！嗡嗡嗡！”刀來刀往！紅光閃過不停！

雖然話佢哋十個嘅氣息唔算特別強...但求其一個都喺我之上！

我只能用精神刀不停擋擋擋擋擋！邊退邊擋！

“嗡！吱！嗡嗡！吱！嗡嗡嗡！”邊退邊擋之下，我同綽姿就俾佢分隔開！

以一敵五...我邊可能...

“嗡！”話口未完，我右手手臂就中咗一刀！

不過好消息係，呢一刀斬唔入！

飛揚 2019-05-01 19:13:24

冇錯...的確唔入肉...就好似只係喺隻袖劃咗一下！

呢啲就係...Level 6嘅威力？

就連精神刀都...擋得到...

五個行者並冇因為斬唔入我而停手，反而攻勢更猛烈！

“嗡！吱！嗡嗡！吱！嗡嗡！吱！！！”接二連三嘅攻勢，我盡量以精神刀擋！

紅光刀刃與紅光刀刃之間嘅互擊同摩擦，紅光閃過不停！紅色粒子不斷飄出！

飛揚 2019-05-01 19:14:34

但正所謂雙拳難敵十手！佢哋嘅實力...仲要個個都喺我之上！

“嗡！嗡！嗡！”話口未完，我雙臂同腰間又中刀！

不過都係一樣，只係輕輕劃過一樣...飄出一點點紅色粒子！

就喺呢個時候，綽姿見我陷於苦戰，立即突圍趕過嚟，為我解圍！

本來圍攻緊我嗰五個行者，一感應到綽姿嘅殺氣就立即退避三步！

綽姿同我背對背：「唔好依賴長袍嘅防禦力。你好快會耗盡能量。」

『嗯...』我夠知啦...唔係嘅話...我又點會咁努力用精神刀擋吖？

之但係都要我夠打先得㗎！

飛揚 2019-05-01 19:16:00

十個行者手持發出刺眼紅光刀刃嘅精神刀包圍住我同綽姿！

弊...唔好話再被斬中...就算俾我用精神刀擋得住...避得開...淨係磨都會耗盡能量...

話口未完，十個行者再次同時向我哋展開攻擊！

“嗡！吱！！！”我用精神刀擋住面前嗰個，然後左右兩邊同時各有一把紅光刀刃兜頭砍落嚟！

今次弊！

喺電光火石之間，綽姿一邊用精神刀刃幫我擋，另一邊就直接用右手接住另一把紅光刀刃！

大量嘅紅色粒子由綽姿右手掌心中飄出！

綽...綽姿...

此時，坐喺瓦礫堆上嘅散漫就食住花生講：「真係估唔到，西貢攻防戰嘅倖存者都會顧及隨行者...成為自己嘅負累...」

成為...負累...

我係綽姿嘅...負累？！

飛揚 2019-05-01 19:16:26

今晚出完