《香港傭兵》(23)

喺精神化之下，我睇到善慶洞...唔少屋頂倒塌...又有唔少外牆倒塌...

除咗有唔少破損嘅建築物外，仲有唔少枯樹...地上仲舖咗唔少枯葉...

喺枯葉之間...仲見到塊地...有唔少裂縫...

簡單啲嚟講，又係一片頹垣敗瓦...

有乜咁特別？冇乜異樣吖～

「唔...應該差唔多...」散漫摸住鬍鬚，望實善慶洞。

差唔多？差唔多咩吖？

我再偷偷望一眼綽姿...佢都係冇乜反應，只係同散漫一樣，注視住善慶洞。

點解永遠都好似只有我一個唔知發生緊咩事咁㗎呢？

就喺呢個時候...

「嗯...到喇...」散漫摸住鬍鬚點點頭。

到？到咩吖？

我再望返去善慶洞...望向破爛嘅大門...正正就有...幾個身影行咗入去！

呢幾個身影...

我再望清楚啲...望清楚呢幾個行入善慶洞嘅身影...

一...二...三四...八九...十個...十個著住黑色長袍嘅身影！

呢十個著住黑色長袍...笠起帽嘅...就係我哋要消滅嘅行者？

再仔細望清楚...佢哋十個...身上都散發住陣陣紅光...

的確...的確係佢哋...佢哋十個...十個咁多？！

我哋呢度...得三個人咋喎...

「好喇...準備好...」散漫拉起衫領，笠起頂帽。

準...準備？

綽姿都除件大褸，掉喺地上。再拉起衫領，笠起頂帽。

我都跟住綽姿除件大褸，掉喺地。再拉起衫領，笠起頂帽。

「準備好...上！」散漫行前一步，企喺樓邊，再向外一躍！就跳咗出去！

綽姿好快咁跟住一躍！

話跳就跳？

跟住要點做呀？

唔好理喇！佢哋都跳咗出去...就跳過去殺過措手不及！（應該係！）

我都立即向外一躍！

嘩嘩嘩！好高呀！！！

跳到出嚟先察覺高！

我就只好喺空中勉強跟住綽姿跳落瓦頂上！再一躍！跳上另一間建築物嘅瓦頂！然後再跳多幾跳，就跳到落散漫身後！

而喺散漫面前...正正就係嗰十個行者！！！

企喺面前嘅散漫冇郁手...面前嗰十個行者都冇舉動...

等我仲一心諗住...殺過措手不及...

但點解...而家好似...

散漫向住嗰十個行者行近兩步：「你哋都嚟咗喇？」

有啲..

散漫再向住嗰十個行者行近多一步：「好準時。」

呢個情況...

「同我哋約嘅時間...」

呢種氣氛...

「啱啱好。」

有啲唔妥...

今晚出完

三句預告

「你哋十個...想成為逆行者？」散漫繼續背住我同綽姿，問問面前十個行者。

好唔妥...有一種極危險嘅感覺！

「首先...要過咗佢哋嗰關...」散漫以背住我同綽姿嘅姿態，向後指指我哋。

聽日直入戲肉等唔等呀 好撚辛苦呀

字都打撚錯埋 係得唔得

入啦入啦
暴風雨之後 就係腥風血雨

飛揚幾時可以變先行者

可能直接做逆行者

返去過去搵返阿月好過啦

背叛嘅心

is time to 爆seed

個情況爆seed都危危乎

有先行carry就冇問題啦

打10個仲唔危

你覺得真係有咩

問題係睇嚟唔止咁簡單

表面上
散漫好似就係招募變節行者嘅人

但係飛揚嗰啲嘢都係估佢唔到㗎啦

其實散漫先係變節嘅人

飛揚咁蠢

今次仲唔死