《香港傭兵》(23)

飛揚

1001 回覆

19 Like 1 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2019-04-29 14:16:04

著住白色背心底衫孖煙囪踢住對人字拖
左手摸住自己個肚腩咋

飛揚 2019-04-29 18:58:00

今日要遲少少
俾個小巴佬阻撚住咗

徐丹青 2019-04-29 19:01:22

文召喚

幸運小灰鳩 2019-04-29 19:04:28

去咗邊

飛揚 2019-04-29 19:09:08

上回講到飛揚同綽姿睇完日落西山。
終於收到下一步指示。
係要去市中心集合。
而今次委託就只有一個叫散慢嘅先行者帶隊。
唔係片翼...仲要淨係得三個人咁少？
綽姿就帶住飛揚出發。
喺馬路旁，飛揚見到有唔少貨車。之前都唔覺。
綽姿話係久唔久有幾日運貨。
飛揚嘅觀察力真係好差呀。
跟住既劇情發展又會係點呢？

準備出文

飛揚 2019-04-29 19:09:39

同綽姿行返過嚟三聖輕鐵站等車。（我仲以為佢想行去市中心。）

呢邊月台嘅燈光都比較暗，又唔算多人，就只有幾個學生一齊等車。

我同綽姿就企喺陰暗嘅環境之中，佢拎部電話喺手撳撳撳撳撳。

我八八卦卦偷偷望一望...

「唔准偷睇。」綽姿側一側身，擋住我視線。

搞咩咁神秘吖...

好啦好啦～只要知道自己需要知道嘅事就足夠嘛～

我係一隻工蟻～

飛揚 2019-04-29 19:10:27

無所事事咁偷偷望望啲學生妹...

唔...唔知羅羅佢點呢？

我就拎部電話出嚟睇睇...都仲係冇Message Send過嚟...

頭先喺黃金海岸睇委託內容都留意到冇新Message...

行到過嚟等車都係冇新Message...

好唔好Send句Message問問佢今日過成點呢？

飛揚 2019-04-29 19:11:27

係唔係應該由我做主動呢？

係唔係應該關心佢多啲呢？

點解我會咁在意佢呢？

又點解有咁多問題呢？

我真係一個好撚婆媽嘅煩膠！

唉！都係唔好理咁多！

而家唔係婆媽男女之間嘅事嘅時候！

而家要做嘅都係...收拾心情！

飛揚 2019-04-29 19:12:35

好認真咁收拾！一聲不發咁企定定等車！

身邊所有事我都唔在乎！我所在乎嘅都係...一陣嘅委託！

心態...心態好重要...

心態決定境界...

我無視身邊一切所有所有...完全唔知時間在流逝...

然後輕鐵埋站...然後無意識咁上車...

完全察覺唔到同一個車廂裡面有幾多人...

只係在意住綽姿喺我身邊...撳電話...

其他嘢都唔重要...唔再重要...

飛揚 2019-04-29 19:13:20

不知不覺，輕鐵駛過幾個站...

不知不覺，嚟到市中心...跟住綽姿落車...

一直跟住綽姿身邊行，行入屯門市廣場...

一入到去先發現原來裡面唔係盞盞燈都著。

天花上嘅燈好多都壞。

我哋一直行，喺有燈光嘅地方行唔夠幾步，又黑麻麻...

然後穿過黑暗，又行到光明嘅地方。

飛揚 2019-04-29 19:14:17

光暗光暗...光光暗暗...

成個屯門市廣場都冇商舖...就只有...露宿者...

被露宿者霸佔嘅屯門市廣場...

之前嘅屯門市廣場人來人往，喼來喼往。

早被大陸客攻陷嘅屯門市廣場，而家竟然輪到露宿者霸佔。

其實都冇乜好驚訝。

應該話一早預咗。

飛揚 2019-04-29 19:15:23

呢十多日以嚟，應該已經有意識，喺特殊區裡面嘅大商場，唔會再有店舖。

全部都荒廢...遺棄...淪為露宿者嘅天堂。

跟喺綽姿身邊，穿過忽光忽暗嘅通道...喺露宿者旁經過...喺雜物堆穿梭...然後就嚟到...廣場嘅中央...一大片空地。

話係空地，但而家眼見都坐或瞓咗唔少露宿者。

露宿者們都以紙皮圍起自己嘅國界...屬於自己嘅世界。

我就同綽姿行到嚟正中間，企正喺正中間。

飛揚 2019-04-29 19:16:39

望望四周...望望上兩層...喺有限度嘅光源之下，只可以望到殘舊...破爛...

都係被遺忘嘅感覺...喺特殊區之中，到處都被呢種感覺同氣息所包圍。

講起上嚟...聽講以前呢度...有音樂噴泉。

聽老豆講，喺好耐好耐之前，呢度成個空間都以歐陸色佈置。

中間有條長長嘅樓梯，空地上放咗唔少歐陸色嘅長木凳，仲有兩三個電話亭。

三樓整晒假嘅歐陸色平台，天花仲要油上藍天白雲。

當然唔少得音樂噴泉。

飛揚 2019-04-29 19:17:52

每當時間一到，就會有音樂噴泉表示。

市民都會企定又或者坐喺木凳上欣賞～休息片刻～

老豆仲話年輕時仲成日帶老媽子嚟拍拖～因為唔使錢喎～

仲話嗰時冇咁多人，冇壓迫感～好輕鬆～

不過呢啲一切一切都係由老豆同老媽子口中聽返嚟～我自己就...冇乜印象...

可能係因為...我都未出世...又或者喺我好細個嘅時候就已經拆晒。

飛揚 2019-04-29 19:19:03

喺唔知幾時開始，呢度就變咗一大片空地。

用嚟做乜？租俾人擺攤檔...租俾人做節日Function...總之都係啲商業活動。

本來好有特色嘅休閒地方，變成只講錢嘅租用地。

錢真係咁重要？

真係要每一吋地方都要用嚟搵錢？

再回望眼前這一切...整個空間...本來再值錢嘅地方，而家又變成點？

飛揚 2019-04-29 19:19:53

講返轉頭，點解會揀呢度集合呢？

又幾時先到集合時間呢？

唔...

只見綽姿雙手插褸袋咁企定定等...

唔...好啦...只好企定定等啦...

等...等了又等...

時間一分一秒咁過...都唔見有其他人走近...就只有一直喺度嘅露宿者...

露宿者們都自己顧自己，最多都係偶然望我哋一眼...又自己顧自己...

飛揚 2019-04-29 19:20:48

都企咗一段時間...等咗都幾耐...

然後...然後我見到有個露宿者喺用紙皮搭建嘅屋仔之中行出...

個露宿者打個大喊露...再伸個大懶腰之後，就向住我哋身處嘅方向行過嚟...

喺有限嘅光線之間睇清楚啲...呢個著住...黑色長袍嘅露宿者...一步一步...摸住凌亂嘅頭髮...行到嚟我哋面前：「嚟咗喇？好準時...嗚呀～」

「係。」綽姿企直個人，簡單直接回答一句。

吓？呢個...呢個露宿者...都係行者？都係今次委託嘅隊員？！

飛揚 2019-04-29 19:21:32

今晚出完