上回講到飛揚同綽姿去三聖坐輕鐵。
綽姿就拎住部電話撳撳撳撳撳。
飛揚都拎部電話出嚟睇,想睇羅羅有冇搵自己。
係冇㗎!
啱吖啱吖~啲𡃁妹仔係咁㗎啦~
一時熱情如火~一時掉你落廁所~
唉~
都係收拾心情準備接落嚟嘅委託!
心態決定境界。
同綽姿嚟到市中心,先發現呢度已經被露宿者霸佔。
其實都預咗...
飛揚又諗返以前聽老豆講,呢度本來好美好...
然後行到嚟中央...企定定...等...
企咗一段時間...等咗都幾耐...
然後...然後飛揚見到有個露宿者喺用紙皮搭建嘅屋仔之中行出...
個露宿者打個大喊露...再伸個大懶腰之後,就向住飛揚同綽姿身處嘅方向行過嚟...
喺有限嘅光線之間睇清楚啲...呢個著住...黑色長袍嘅露宿者...一步一步...摸住凌亂嘅頭髮...行到嚟綽姿面前:「嚟咗喇?好準時...嗚呀~」
「係。」綽姿企直個人,簡單直接回答一句。
吓?呢個...呢個露宿者...都係行者?都係今次委託嘅隊員?!
跟住既劇情發展又會係點呢?
準備出文