《香港傭兵》(23)

沿住碼頭邊行，觀察住碼頭上嘅工人工作...

綽姿突然停低！拎出手機！

綽姿皺皺眉咁望住個Mon，再撳兩撳：「有下一步指示。」

『吓？有喇？！』我都立即拎部電話出嚟睇睇！

打返開個SPIRIT App！睇返“緊急委託：消滅所有變節行者”！

可以睇到嘅資訊...都係唔多！

就只可以睇到...集合地點...屯門市商場？！

撳到入去！仲顯示咗...幅地圖！

地圖顯示住嘅係...屯門市商場二樓嘅...

至於隊員方面，除咗睇到有我同綽姿之外，仲有一個叫...散漫嘅...

『先行者...』係片翼以外，我所遇到第二個先行者...

「唔係片翼帶隊...」綽姿諗咗諗。

『嗯...』其實喺我見到“散漫”呢兩隻字之時，我腦海中都有閃過“唔係片翼”呢個念頭。

潛意識之下，我都係以為會係由片翼帶隊。

「雖然仲有啲時間...不過都係過咗去先。」綽姿就袋返好部電話，雙手插褸袋繼續行。

『哦...好...』我都袋返好部電話，跟喺綽姿身邊行。

其實唔係我唔想講集合時間係幾時，而係我睇唔到。

喺個委託裡面，除咗委託名、隊員同集合地點之外，其他我都係睇唔到。

就連報酬都睇唔到！

我可以知道嘅嘢真係好少。

喺咁少資料嘅情況之下，我又可以推測到啲乜出嚟？

其實我係唔係真係乜都唔使推測？

只係跟住有限嘅資訊，跟住指示做？

我覺得...唔係咁...

我總係覺得...綽姿唔係咁...

佢係有諗過...計過...推測過...

「你又咁樣望住我。」

『呃...咁我睇你頭㗎嘛...』

「睇我頭唔使真係望住我。」

『咁...咁望乜好吖？』

「望四周。觀察四周。」

『望咗好多次喇...』

「你講得呢句，即係你仲未知要留意啲乜。」

『呢度有乜好留意呢？』

「你呢句直頭表露咗你嘅無知。」

同綽姿步出黃金海岸，繼續步向三聖方向。

“飄！”天一黑，寒風吹埋嚟就更刺骨...

我再望前望後，望望馬路...

『淨係得啲貨車...』一邊行，身邊都有唔少貨車駛過。

「唔係你想有乜車？」綽姿望住前路行。

『紅Van囉～林雪囉～咁鬼凍...搭車過去好過啦...』成日都行...有車又唔搭。

「你都係唔好諗。行快兩步。」綽姿真係好似好鍾意行路。

『講開又講，今晚條馬路...好似咁多貨車？』之前喺呢邊都唔多覺。

「佢哋嘅出入貨時間唔定。通常一嚟就一大堆。好似今晚咁。有機會連續一兩日係咁，然後又靜一段時間。」綽姿眼眉望一望架貨車，Keep住行。

『哦...原來係咁...你又知嘅？』

「情報係搜集返嚟。自己留意、觀察、打聽、查探。」

『哦...咁點解佢哋要咁樣出入貨呢？』

「係唔係仲要問吖問題寶寶？」

『唔問又點知呢？』

「都話咗自己留意、觀察、打聽、查探咯。」

『我而家咪向你打聽緊囉～』

「唔係喺我身上。」

『哦...咁...』

「唔好再問我。」

『哦...』

今晚出完

三句預告

同綽姿行返過嚟三聖輕鐵站等車。（我仲以為佢想行去市中心。）

呢邊月台嘅燈光都比較暗，又唔算多人，就只有幾個學生一齊等車。

我同綽姿就企喺陰暗嘅環境之中，佢拎部電話喺手撳撳撳撳撳。

帶綽姿睇聽朝嘅日出

一定可以

表演爆seed

綽姿:「今次係我哋好運」
覺醒廢腸:

幾時再爆seed

得三條友 唔爆都唔得啦

今次要喺綽姿面前威返次

今次唔爆唔得啦

聽朝係飛揚叫綽姿起身

飛揚錫住綽姿咁起身

等睇爆seed

綽姿叫哥哥早晨

包你話精彩

錫完一啖咗講早晨