上回講到林雪一邊偷食飛揚同綽姿啲薯條,一邊講西貢獻命好似想揀呢度啲黑社會幫佢哋手。
吓?西貢獻命喎...都要搵黑社會幫手?幫咩手吖?
點閪知吖?!
車...仲以為林雪乜閪都知添...
林雪話應該會越嚟越多黑社會由出面入嚟...
綽姿話咁咪好囉,又多咗生意。
林雪不嬲都多生意㗎啦~仲話睇嚟會越嚟越亂。
又真係喎...
出面啲黑社會想入嚟搵食...西貢獻命又想搵黑社會幫手...但西貢獻命背後係幫國安局做事...仲有同逆行者嘅恩怨情仇呢...
嘩真係千絲萬縷好鬼亂呀!
林雪臨去開工都叫綽姿佢哋自己小心。
小心...真係小心到先得㗎...
食飽飽,行返出嚟,都到咗下午。
個市集仲係咁熱鬧。
綽姿見仲未有下一步指示,就想再喺呢個市集行多陣先。
而當佢哋再行多幾步...飛揚就被眼前其中一個攤檔吸引...
飛揚立即拉停綽姿...
「嗯?」綽姿疑惑咁望住飛揚。
呢個攤檔有乜賣咁吸引?
呢個攤檔並唔係賣啲乜嘢...
呢個係一個...塔羅牌占卜攤檔..
跟住既劇情發展又會係點呢?
準備出文